البارت الثاني عشر...
قام زيدان يبص من الشباك وفجأه كانت الصدمه الكبيره
زيدان...اقفلوا الكشافات بسرعه
حاتم..في ايه
جري تيتو بسرعه بص واتصدم...الكل قفل الكشافات وراحوا يشوفوا من الشباك.. وكانت الصدمه والصمت هي سيد الموقف😳😱
حطت نور ايدها علي بوئها..
نادين...ايه ده
وكان المشهد كالتالي....
مجموعه كبيره من الناس شكلهم غريب وكأنهم في زمن تاني غير زمنهم..واقفين حوالين كتله من النار كبيره
وماسكين أشخاص بيحطوهم في قلب النار دي وهما صاحيين
دوللي...انا عايزه امشي من هنا مشوني والنبي
تيتو....انا مش فاهم حاجه
زيدان....بزهول دول مرضي الطاعون هما اللي كانوا بيتحرقوا صاحيين القصه مكانتش مجرد تخريف واساطير بتتحكي القصه حقيقيه
ياسر....طيب ليه احنا بنشوفهم
زيدان...مش عارف بس يمكن ارواحهم حاسه بوجودنا وبتعرفنا الحقيقه
حاتم....بس هما حقيقتهم معروفه والكل عارفها
زيدان....مش عارف
تيتو....العدد بيزيد اوي
داليدا....حست ان هيغم عليها وحست ان جسمها بيسيب مسكها بسرعه زيدان
زيدان...داليدا امسكي نفسك
داليدا....مش قادره احنا هنموت هنا خلاص
زيدان...لا مش هنموت يا داليدا
اعدوا البنات كلهم علي الارض وفضلوا يعيطوا
داليدا...الراجل اللي شوفته قال اننا مش هنخرج من هنا وقال ان ده عالم من الجحيم....وملهوش تذكره خروج
زيدان....وانا هخرجك من هنا وتذكره خروجك من هنا هديهالك لو فيها موتي.
حاتم وياسر وتيتو فضلوا باصين من الشباك العدد كان زاد بطريقه مخيفه وكأنه جيش من البني ادمين واقف تحت في نفس الساحه اللي كانوا فيها ومستمرين في حدف الناس في النار
وقف معاهم زيدان وفضل بتابع في صمت وفجأه النار اللي كانوا شيفنها اختفت والساحه بقت ظلام ومش شايفين اي حد
حاتم...رتحوا فين والنار اختفت ليه
تيتو...عشان اكيد رسالتهم وصلت
ياسر اعد عالارض خد نادين في حضنه..
وبمجرد ما خدها في حضنه انهارت نادين
ياسر...نادين اهدي هنخرج والله
انهارت نادين بصوره هستيرية ومش قادره تسكت
حاتم...نادين اهدي يا نادين
ياسر...نادين بصيلي العياط مش هيعمل حاجه
نادين....رفعت وشها لياسر
بدموع....انا حامل يا ياسر
كنت شاكه قبل ما نسافر وعملت اختبار بس مظهرش حمل جبت اختبار تاني وقولت هعمله بعد كام يوم وعرفت اني حامل نفس اليوم اللي كنا جايين فيه الجزيره فقررت اني اقولك لما نوصل وافرحك ولما جينا هنا اتلخمت وسط كل اللي بيحصل ده....انا خايفه يا ياسر خايفه علي اللي في بطني اكتر مانا خايفه علي نفسي وكملت بدموع عشان خاطري يا ياسر متخليش حاجه تحصلنا🥺🥺🥺😢
خدها ياسر في حضنه وفضل ساكت مش عارف يفرح ولا يخاف اكتر ما هو خايف...والكل سكت واتصدم وفضلت دوللي. علي حالتها دموعها مش بتقف وحاسه بالذنب
بعد صمت دام كتير
زيدان....مش هينفع كده احنا لازم نتصرف لازم نتحرك ونعمل اي حاجه
تيتو....في ادينا ايه نعمله بس يازيدان..
حاتم...عندك حل
زيدان...اكيد في حل الاحنا فيه ده مش صح عياط وخوف ورعب كل ده مش هيساعدنا احنا خلاص في قلب الموقف يعني لازم نوزن امورنا ونفكر
ياسر....وانا معاك يا زيدان اعدتنا دي وخوفنا ملهوش اي لزوم لازم نتحرك ونعمل اي حاجه وألا هنفضل هنا لحد ما نموت
زيدان....انا بفكر في حاجه مش عارف هتبقي صح ولا لا
تيتو...ايه هي
زيدان...نحاول نكتشف باقي الكنيسه اكيد هنا في اوضه كانت غرفه تحكم سواء كهربا او فيها لاسلكي او اي حاجه تساعدنا
حاتم....وتفتكر حتي لو فيها الحجات دي هتكون شغاله
زيدان...نجرب يا حاتم مش هنخسر حاجه
تيتو...طيب انا معنديش مشكله انا معاك
نور....احنا مش هنسيبكم وهنيجي معاكم
حاتم...اكيد مش هنسيبكم
زيدان...قام وقف حط المسدس في جيبه ومسك الكشاف..من الاول كده اللي مش هيقدر يخرج من باب الاوضه دي ميجيش لازم نواجه واحنا جوانا قوه مش خوف وضعف....بره الاوضه دي اللي هيستسلم كأنه بيتنازل عن عمره بسهوله وأفتكروا ان كل اللي احنا شايفينه ده مش حقيقي مجرد تهيؤات يلا جاهزين
قام الكل وقف بخوف حاتم....جاهزين أن شاء الله
مسكوا كشافاتهم وخرجوا براحه ورا بعض بهدوء زيدان وحاتم كانوا بيسبقوعم وياسر وتيتو ورا والبنات في وسطهم مرعوبين وماشين يتلفتوا شمال ويمين بخوف
فضل زيدان يفتح بهدوء كل باب يقابله بترقب كانت الكنيسه متكونه من 3 طوابق الدور الاول اللي هما كانوا فيه كان فاضي ومش فيه اي حاجه طلعوا تاني دور وفضلوا يروحوا ويجوا بين الغرف وأخيرا طلعوا تالت دور دخلوا في غرفه ومشغلين الكشافات بخوف فضلوا ماشين جوه الغرفه كانت غرفه طويله جدا وفجأه حسوا انهم بيمشوا فالغرفه دي كتير كانت تشبه الطرقه الطويله فضلوا ماشيين بخوف وفجأه حسوا ان في باب يشبه حجره العمليات فيه علي كل باب شباك صغير بيعكس رؤيتهم لبعد الطرقه وداخل من الشباك اللي فالباب نور بسيط وصلوا عند الباب وقفوا ادام الشباك يشوفوا ايه اللي ورا الباب ده واتصدموا للمره اللي ملهاش عد لماوشافوا طرقه تانيه طويله لكن فيها نور وواضح انها طرقه مستشفي شايفين ناس رايحين جايين وناس بتصرخ وكأنهم خرجوا من الجزيره وفجأه بقوا في المصحه النفسيه و شايفين كل حاجه كانت بتحصل في المستشفي من تعذيب لتجارب فاشله بتتجرب عليهم شايفين عذابهم وصريخهم وهما بيستنجدوا باي حد ولكن بلا فائده البنات كانوا واقفين كاتمين بوئهم بايدهم ودموعهم نازله زيدان....لازم نرجع بسرعه
حاتم...يلا يا نور
ياسر...يلا يا نادين
رجعوا بهدوء في الطرقه ماشيين براحه جدا من غير ما يعملوا أي صوت وفجأه سمعوا صوت الباب وراهم بيعمل صوت مزعج وبيتفتح براحه وقفوا كلهم بصدمه ولفوا بهدوء بصوا علي الباب لقوا الدنيا رجعت ضلمه ومفيش اي ضوء ورا الباب لكن الباب لسه بيتفتح بهدوء وفجأه النور ظهر وشافوا عدد كبير من المرضي واقفين علي الباب وبيصرخوا وبيروحوا ناحيتهم....صرخوا كلهم وجريوا بأقصي سرعه عندهم والمرضي وراهم خرجوا بسرعه من الاوضه وقفل زيدان الباب بالترباس..
وجريوا بسرعه من الدور كله كانوا بيجروا بأقسي سرعه وانفاس متلاحقه زيدان كان ماسك في ايده داليدا وبيجري بيها لحد ما وصل اخيرا للأوضه اللي كانوا فيها بص وراه مش لاقي اي حد منهم
زيدان...تيتووووو حاتم. ياسررر مكنش فيه أي رد قفل بسرعه الباب
جريت عليه داليدا..وهي بتصرخ
داليدا...افتح الباب مش هينفع نسيبهم
زيدان....داليدا اسكتي
داليدا...بصريخ بقولك افتح اختي بره واصحابي بره وصاحبك انت كمان بره مش خايف عليه افتح بقولك
زيدان...داليدا اسمعيني هما اكيد استخبوا في اي اوضه هنشوفهم وهنطمن عليهم بس الدنيا تهدا بره وهخرج ادور عليهم وهرجعهم...
اعدت داليدا علي ركبها فالارض وهي منهاره..
داليدا...بارب انا تعبت اوي يارب صحيني من الكابوس ده. انا طول الوقت بحلم بكوابيس وكنت بخاف انام اول مره اتمني ان اللي انا فيه ده يكون كابوس يارب
اعد زيدان عالارض ومسك ايدها.
زيدان...داليدا هخرجك من هنا وهتبقي كويسه صدقيني مفيش حاجه هتحصلك انتي وهما لاخر نفس فيا هفضل وراكم لحد ما تخرجوا بسلام من هنا هنرجع يا داليدا كلنا هنرجع وأوعدك لو رجعنا وانا رجعت معاكم هرجع معاكي علي نفس الطياره اللي راحه مصر
بصتله داليدا...بجد
زيدان...بأبتسامه بجد
داليدا....والتار
ابتسم زيدان....اظن التار اهون بكتير من الاحنا فيه ده واللي خلاني اواجه واقول. مينفعش نفضل مستخبين ولازم ندور علي حل يبقي لازم ارجع ومفضلش طول حياتي هربان واواجه..اجمدي عشان خاطري وساعديني اني اقدر اخرج بيكم من هنا لو عيزاني ارجع وبعدين بصراحه بقي انا فكرت في كلامكم لقيت اني لازم اتجوز وبصراحه بقي انا حاطط عيني علي عروسه زي القمر هعمل كل حاجه عشان اوصلها
أبتسمت داليدا من وسط دموعها
قرب زيدان منها خدها في حضنه لأول مره🙈🙈🙈
زيدان...هرجعك يا داليدا وزي ما انا انقذتك في خلمك قبل كده هنقذك في الحقيقيه وهطلعك من الجزيره
مسكت فيه داليدا وهي حاسه بأمان معاه رغم كل اللي بيشفوه لكن ديما زيدان بيحاول يكون امان ليها وبيقدر يحول خوفها لأطمئنان بعد دقايق بسيطه عدت خرجها زيدان من حضنه..
زيدان...انا عايزك في حاجه مهمه
داليدا...قول
زيدان...المكتبه اللي ادامك دي كلها هنقوم انا وانتي الوقت نحاول نشغل الدفايه دي تاني المطر وقف هجهز انا الحطب وانتي قطعي ورق علي اد ما تقدري ووسط ما بتقطعي لو حسيتي ان في اي حاجه مهمه في الكتب دي وريهالي
داليدا....زي ايه
زيدان....يعني خريطه للمكان ورق مكتوب يمكن حاجه تساعدنا
داليدا...ماشي
قام زيدان يجهز الحطب وطلع ازازه البنزين وأبتدا ياخد الورق من داليدا ويحطه عالحطب وولع فيهم مسكت النار لكن كانت ضعيفه فضل يزود في الورق لحد ما مسكت في الخشب وأبتدت الاوضه تنور زي الاول وتدفي اكتر راح زيدان جمبها وفضل يقلب ويدور فالمتب ويقرأ فيهم كانت مكتبه ضامه عدد كبير من الكتب الغربيه والعربيه وضامه ثقافات ولغات مختلفه وفجأه
داليدا...زيدان شوف دي كده
مسك زيدان منها ورقه كانت كبيره تشبه اللوحه كانت متطبقه فتحها
زيدان....براڤو عليكي يا داليدا زي ما توقعت دي فعلا خريطه
داليدا....بس هنعمل بيها ايه مش انت اصلا عارف المكان
زيدان...دي مش خريطه عن الجزيره دي خريطه عن الكنيسه اللي احنا فيها دي بتوضح اماكن الغرف وتصميم كل دور وكل غرفه فيها ايه...واضح كمان ان في اماكن كان ممنوع دخولها يعني بصي الا ماكن اللي معمول عليها علامه حمرا مكتوب عليها انها خطر وعلي ما اظن شاور زيدان علي الدور التالت تحديدا المكان اللي كانوا رايحين فيه...
زيدان....واضح ان المكان اللي كنا فيه محظور لان عليه علامه حمرا..
داليدا...طيب شوف كده المكان اللب احنا فيه ده هيكون فين بالظبط واطمن انه امان.
زيدان....احنا في الدور الاول...دي الباب الرئيسي للكنيسه و.....سكت زيدان وهو بيركز شويه في شكل الخريطه...
داليدا...بخوف سكت ليه احنا في مكان خطر🥺🥺
زيدان....بتفكير لا بس في حاجه غريبه🙄
داليدا...بترقب لصدمه جديده 🙈🙈🙈 حاجه ايه؟؟
زيدان...بصلها الاوضه دي مش موجوده علي خريطه الكنيسه
داليدا....نعم😳 يعني ايه
زيدان...مش عارف المفروض الاوضه يكون مكانها هنا والمكان هنا فاضي مكانه حيطه
بصتله داليدا بصدمه😳🥺
......
عند تيتو والشباب.
دوللي ..بدموع اختي فين انا عايزه داليدا
تيتو...هما كانو ادامنا مش عارف ازاي اختفوا فجأه وراحوا فين
حاتم...طيب يمكن دخلوا اي اوضه تانيه
ياسر...احنا نادينا كتير محدش فيهم رد
تيتو....المكان هنا اغلبه معزول الصوت فيه الابواب والشبابيك وغالبا كل الحيطان دي مش عارف في ايه بالظبط..
نور...المهم داليدا تكون مع زيدان ميبقاش كل واحد فيهم في مكان
نادين....زيدان كان ماسك ايدها وبيجري بيها اكيد معاه
حاتم...مش ملاحظين ان المكان بقي دافي اوي الحو مبقاش صاقع
تيتو....ايوه فعلا الجو هنا دفا ياريتهم كانوا معانا بره الجو صعب اوي انا بفكر اخرج اشوفهم انا واثق انهم نزلوا الدور الاول هنا زيدان كان سابقنا يعني ممكن بكون في اي اوضه جمبنا
ياسر....طيب نستني شويه كمان الدنيا تكون أهدي بره
نور....انا هايفه نفتح الباب نلاقي اللي كانوا فوق دول واقفين ادامنا
تيتو...يارب نجيهم وميحصلش لحد فيهم حاجه.
الجميع...يارب
نادين....بدموع كان زمانا الوقت مشينا من الجزيره هنا ووصلنا ڤينسيا...عشان نرجع
طبطب ياسر عليها بحزن
حاتم...هنرجع يا نادين ان شاء الله هنرجع
.............
في مكان اخر في إيطاليا وصل نادر لمطار ڤينسيا الداخلؤ...😱😱
خد ليموزين وراح بيه علي الفندق......فضل نادر باصص للشوارع ولكن مكنش منبهر بجمالها اد ما كان غرقان في بحر من الذكريات وأفتكر سبب زيارته للبلد
فلاش باك..
وصل نادر شركه داليدا.
السكرتيره...نادر باشا اهلا بحضرتك اساعدك ازاي
نادر....عايز اقابل داليدا هانم ضروري
السكرتيره...باستغراب ايوه بس داليدا هانم مش موجوده
نادر....طيب وياسر وحاتم اي حد فيهم موجود عايز اقابله
السكرتيره...برده للأسف هما مش هنا
نادر...يعني ايه مش هنا هما اللي قالولك تقولي كده صح
السكرتيره...لا خالص يا نادر باشا هما فعلا مش موجودين...خدوا الاجازه السانويه من حوالي اسبوعين تقريبا ومن يومها ماجوش كانوا علي اتصال بينا اول كام يوم فالاجازه وبعد كده محدش فيهم ظهر بس اكيد امينه هانم تعرف اي حاجه ممكن تكلمها وتسألها
نادر....طيب تمام شكرا...
خرج نادر من شركه داليدا راح علي الڤيلا بتاعتها ولحسن حظه...كان عم حمدي الحارس بيصلي فا دخل علي طول كانت امينه...اعده بتشرب قهوتها في ركن خاص في الجنينه
فاطمه...عيزاني في حاجه با ست امينه هدخل اشوف الاكل واخلي هبه تروح ترتاح شويه انهارده هي اجازه من الشغل ومش معقول اسيبها يوم اجازتها تشتغل
امينه...لا يا فاطمه روحي انتي ..
امينه...بعد اذنك وبمجرد دخول فاطمه ظهر ادامها نادر
نادر...صباح الخير
بصت امينه عالصوت واتصدمت لما شافت نادر.
امينه....انت ابه اللي جالك هنا مش قولتلك مش عايزه اشوفك تاني في حياتنا
نادر ...امينه هانم اسمعيني من فضلك انا محتاج اشوف داليدا واعد معاها وياريت متمنعنيش لاني هعمل كده لحد ما اقدر اوصلها مهما عملته هوصل لداليدا ولازم اخليها تسمعني وتسامحني انا مش عايز منك اي حاجه غير اني اشوفها وبس صدقيني انا بقيت احسن انا اتعالجت عشان خاطرها اتعالجت عشان مش قادر ابعد عنها
امينه...داليدا مش هنا يا نادر وارجوك انساها بقي وارحمها شويه سيبها تعيش حياتها واخرج انت من حياتها..
نادر...بحزن مش هنساها ولا هسيبها تعيش حياتها إلا لما أقابلها واتكلم معاها وبعد كده اللي هتقوله وهيكون في مصلحتها انا هعمله بعد أذنك..
مشي نادر من ادامها بسرعه وخرج من البوابه..
هبه...شافته وسمعت كلامهم من بعيد جريت بسرعه وراه وهي بتتلفت وراها...
هله...استاذ نادر استاذ نادر
وقف نادر وبصلها اذيك ياهبه
هبه...الحمد لله بخير...بقولك ايه استناني في الشارع اللي في جنب الڤيلا عند الباب التاني وانا هجيلك علي طول الوقت انا عارفه داليدا فين
نادر....هروح بسرعه هستناكي هناك..
هبه...جايه وراك علي طول
لف نادر وقف ادام الباب دقايق بسيطه فتحت هبه الباب وراحتله.
نادر....داليدا فين ياهبه..
هبه...داليدا خدت إجازتها السانويه من اسبوعين وسافرت هي ودوللي واصحابها
نادر...سافروا فين
هبه...انا عرفت ان استاذ ياسر كلم واحد صاحبه بيشتغل تبع السياحه اسمه احمد تقريبا بيطلع رحلات وهما سافروا عن طريقه راحوا إيطاليا
نادر .. متعرفيش هيرجعوا امته.
هبه...المفروض بعد اسبوع
نادر...تمام انا هتصرف شكرا يا هبه
هبه...العفو ده رقمي كتبته الوقت خليه معاك لو احتجتني.
نادر....تمام بعد اذنك..
مشي نادر وعمل اتصالاته
وقدر يتواصل مع احمد صاحب ياسر وأقنعه ان هو كان عنده شغل ومقدرش يسافر معاهم وحابب يعملهالهم مفجأه..
صدق احمد اللي قاله وبلغه بالبرنامج بتاعهم وعرفه ان هما في ڤينسيا ورايحين رحله في جزيره واللي ساعدهم في ده أيدن صاحب البار
عرف نادر كل حاجه وقدر يوصل واستفسر نادر منه ان اللي خدهم الجزيره شخص اسمه زيدان لمن ميعرفش راح بيهم جزيره ايه بالظبط وهو مصري
فاق نادر من شروده وهو واقف علي المرسي جواه امل ان داليدا ترجع وتتبسط
لما تشوفه وتسامحه
.........
عند تيتو..
كانوا كلهم اعدين عالارض جمب بعض وكالعاده الدنيا بره ليل نور سانده راسها علي حاتم ونادين سانده راسها علي ياسر...اما دوللي حاضنه رجلها وسانده علي الحيطه...
مسك تيتو قطعه حديد وفضل يمشيها علي الحيطه اللي جمبه..واعد يحفر عليها كلام .
تيتو كتب أسمه وكتب سنه وان هو من مصر ومعاه اصحابه ومحبوسين في الجزيره.
دوللي....بتعمل ايه
تيتو...بابتسامه يعني لو حصل ومرجعناش وحد غيرنا جه هنا يعرف احنا مين....ولو حد مجنون زينا نحذره انه يمشي
دوللي ....بأبتسامه سخريه وهيعرفوا يخرجوا لو جم هنا اصلا..
تيتو....اهو نبقي عاملبن حاجه كويسه وخلاص ..
فالوقت ده...زيدان كان تعب هو وداليدا من كتر التدوير علي حاجه مهمه توصلهم..اعدو علي الكنبه مع بعض فضل زيدان يبص علي الخريطه...وفجأه سمع صوت هو وداليدا..
داليدا...لخوف ايه الصوت ده
زيدان...بتركيز مش عارف
قام زيدان براحه وداليدا ماسكه في هدومه ماشيين براحه في الاوضه ورا الصوت
زيدان....الصوت جاي من الحيطه اللي جمبنا دي
داليدا...انا خايفه
زيدان....متقلقيش فضل زيدان مركز علي الحيطه وعلي الصوت وفجأه اتصدموا لمل شافو الحيطه بيتحفر عليها أدامهم اسم تيتو وسنه وعن اصحابه
زيدان....تيتو
داليدا....طب ازاي اكيد بيتهيألنا وده كمين
زيدان...فضل يخبط علي الحيطه بكل قوته مفيش رد ولا في صوت
داليدا....ازاي الكلام بيتحفر طيب هما اكيد في اوضه جمبنا
زيدان...مفيش اوض في الجنب ده خالص عالخريطه والاوض التانيه بعيد عن الجنب ده.
داليدا...يعني ايه
زيدان...يعني في حاجه غلط ولازم أكتشفها.فضل زيدان يدور علي حاجه في الارض
داليدا...بتدور علي ايه
زيدان...مسك قطعه خشبهحامده وليها سن ووقف عالحيطه..
زيدان....تيتو انت فين انا زيدان يا تيتو
في نفس الوقت لمح تيتو كلام بيتكتب ادامه وسامع صوت حفر
تيتو...ايه ده
الكل انتبه في ايه
تيتو....انا كنت بكتب الكلام ده ولقيت ده اتكتب
الكل اتصدم...
دوللي....اكيد بيتهيألنا
حاتم...خبط يمكن في اوضه جمبنا
ياسر...ختي لو في اوضه جمبنا أزاي الخط هيظهر
حاتم...مش عارف
نور...طيب قوله علي حاجه تكون انت بس اللي تعرفها عنه ...
عند داليدا....الكلام وقف ليه
زيدان...مش عارف.
وفجأه ظهر أدامه سؤال بيتكتب..
لو انت زيدان....قولي اول مره شوفتك فيها لما جيت إيطاليا فضلت تضحك عليا كتير ...فاكر كنت بتضحك علي ايه..
أبتسم زيدان براحه لداليدا.. ده تيتو فعلا..
داليدا...كنت بتضحك ليه.
ابتسم زيدان....وكتب علي الحيطه...كنت لابس جزمه كل فرده لون وانت مش واخد بالك ...
عند...تيتو....ابتسم بفرحه زيزو....كتبله بسرعه
انت كويس
زيدان...اه متقلقش وداليدا معايا انتوا كويسين كلكم
تيتو...اه متقلقش احنا كلنا تمام.
زيدان....انتوا فين..
وهنا كانت الصدمه..
تيتو...احنا فالاوضه اللي كنا فيها انتوا فين
بص زيدان وداليدا لبعض
زيدان...اوضه ايه يا تيتو اللي بتتكلم عنها....
تيتو....الاوضه اللي كنا فيها قبل ما نخرج اللي في الدور الاول وفيها دفايه..
زيدان...خرجت عينه من الصدمه هو وداليدا.
كتب زيدان....تيتو في حاجه غلط احنا في نفس الاوضه اللي بتتكلم عنها..
صدمه....اصابت الجميع..
زيدان...احنا نزلنا عالدور الاول كنا ادامكم وفجأه ملاقيتكوش قفلت الباب بسرعه احنا لوحدنا في الاوضه
تيتو....انت بتقول ايه انت بتهرج صح
زيدان....لا مش بهرج احنا فالاوضه ومشغلين الدفايه
بص تيتو للدفايه...زيدان الدفايه مقفوله بس الجو دافي فعلا
زيدان...قرب يا تيتو من الدفايه كده
راح تيتو علي الدفايه...وبمجرد ما قرب حس بسخونيه لكن مفيش نار ولا نور رجع كتبله..
رد عليه زيدان....بس انا شوفت خيالك فالنار ياصاحبي😱😱😱😳🙈🙈🙈 وفجأه

YOU ARE READING
رحله إلي الجحيم
Mystery / Thrillerغموض إثاره تشويق رعب ظلم أنتقام. حب خيااااااال كل ده هنشوفه في رحله ألي الجحيم