احببت ابن خالتي الجزء الاول
ليلة من ليالي ديسمبر طقس بارد و المطر تصب كل حد لاهي في همو كل حد و مشكلتو و كل حد و حكايتو فما المهموم و المظلوم و المقهور و اللي ملقاش عشات ليلة وفما زادة الشايخ و جوو احلى جووو ... منهم سي مهدي بن عبدالله....
ليلتها كان عامل سهرية بحكم فارغة و مفما حد..
نص الليل تسمع كان الضحك و الشطيح الفيلا تغلي بنات واولاد اشكال و الوان ميعرفوش طرف خلاهم فين ...
حس انو سمع صوت الباب مشى بش يتأكد كيف حلو ضربو الهواء البارد .. غمض عينو لحظة و كيف حلها لقى قدامو طفلة تي قول ملاك مش انسان .. كانت تلهث بدنها الكل مبلول و دموعها على خدها شعرها طويل يهز فيه الريح ويجيب لابسة روبة بيضة سامبل ..
قرن حاجبو و قعد يخزر يستنى فيها بش تتكلم .. هي كانت حابسة تخزرلو في لحظة حست انها غلطت في الدار تشوف في واحد اول مرة تراه زين و وهرة وطول و عرض كان شاد كاس شراب في ايدو و يخزرلها...
-سامحني شكوونك!!؟
-م..موش! .. موش هذي الڨيلا متع مدام الهام!!
كانت تحكي و ترعش و تستنى منو في كلمة "اي" لعلا تلقى وين تكن راسها ليلتها...
والحمد الله مطلعتش غالطة...عمللها براسو اي وبقى يهز فيها ويحط
حست النفس رجعلها قدمت خطوتين لقدام و قتلو بلهفة
-عيشككك ناديهالي
-مهيش هوني قلي شحاشتك! تو كيف تجي نقلها
.....هبطت راسها و بقات ساكتة
-تكلللم
-وقتاه تجي هي؟
-نورمالمون غدوة.. قلي شحاشتك عندها ! منين تعرفها امي
-هي كيف تراني تو تعرفني.. و تو كيف نراها نقلها وحدي
-اومورككك.. جاء بش يدخل ويسكر الباب و سمعها قتلو
-انت مهدي؟
-هز حاجبو و خزرلها مستغرب
-،تعرفني!!
-تنجم تقول
-جاية الوقت هذا و في الطقس هذا تعدي في وقيت باين فيك
-لا اما..انا ب. بنت خالتك ! بنت امينة اخت امك الصغيرة (كانت تحكي و ترعش مالبرد و الخوف و الحشمة)
قعد حابس يخزرلها
-اااه وي وي نسمع بيها .. فيبالي ماتت عندها 3 سنين
عملتلو براسها اي و هبطت راسها
س سامحني .. الله يرحمها
قلي شتعمل هوني جيت وحدك ؟
-اي وصلت مع 8متع الليل و توا وين نجمت نوصل للداركم .. قعدت نسأل لين طلعتها اما لي جيت ع خاطرها ملقيتهاش .....
قعد واقف يخزرلها من راسها للساسها ويثبت في الحالة لي هي فيها كانت تقطر بالماء و باين عليها التعب ..
تذكر السهرية و الخنار لي عاملو للداخل و رجع خزرلها
-تفضل ادخل ..
-ميسالش تو نرجع كيف تجي خالتي
-ايجا هوني قتلك ادخل وين عندك تمشي في هالليل!
مكان عندها حتى حل اخر سكتت و دخلت ...كانت تسمع في الحس و الضحك و الغناء..
انا دخلت لحظتها وجات طفلة لابسة روب في الروج مكبوسة ع بدنها مبينتلها كل تفصيلو ..بلندة الشعر اصفر و العينين زرق كالبحر
-مهدوووش وين كنت ياخي! ايجا يعيطولك
بعد خزرتلي خزرة حسيت فيها برشا احتقار و جبدت مهدي من ايدو .. لحظتها مهدي أو بالاحرى ولد خالتي لي اول مرة نراه تلفتلي و قلي
-لحظة هاني راجع
عملتلو براسي باهي مشى هو و الطفلة وانا قعدت في بلاصتي واقفة متحركتش قعدت برشا نستنى وهو مرجعش.. محسيت بروحي كان نتمشي بشوية في هالقصر منبهرة بالشي لي نرى فيه كان واااسع و مذخم كل شي فيه يعشق...
لين وصلت للصالون كبيرة دبابز الشراب منشرة في كل بلاصة لبنات ع كل لون ياكريمة لي معري اكثر مالمغطي .. اولاد وجوهم ما دل ع خيرر حسيت روحي في عالم اخر شي نراه كان في الافلام .. منكذبش عليكم كل الافكار لعبت فمخي وقتها..حسيت روحي مشيت للبلاصة الغالطة شكيت انها تكون دار خالتي حسيت انو الطفل لي خرجلي كذب عليا عرفني ضايعة فيها و حب يستغلني ..نعرف خيالي واسع اما هذاكا فاش خممت..قلبي ولى يدق بقوة .. خاصة كيف تلفتلي و شافني واقفة نخزرلهم من بعيد.. وقتها وين تفكرني باين فيه.. قام من بلاصتو و جاني كان يشعل في سيڨارو و يخزرلي تربثت كنت حابة نخرج مالبلاصة هذيكة نبقى تحت لمطر خيرلي مالنجاسة لي نشوف فيها وزيد مع حد غريب اول مرة نراه ....
-امي تجي غدوة لعشية تنجم تبقى هوني خوذ راحتك ايجا معايا نعطيك حاجة تلبسها دوش و ارتاح
-لا لا انا تو نرجع غدوة مالا بعد متجي خالتي تقلقش روحك.. هزيت روبتي و حطيت ع ساقي و مشيت نجري
قعد باهت يخزرلي موش فاهم شبيني!!!
وصلت للباب بقيت نفارع فيه شيء محبش يتحلي زدت هبلت و قلبي ولى يدق اكثر و اكثر..
-من غير متحاول موش بش يتحلك ! قلي وين عندك تمشي في هالليل !
-قعدت حابسة في بلاصتي عاطيتو بالظهر و نرعش مالخوف بعد درتلو
-حلي الباب نحب نخرج عندي صاحبتي تسكن هوني تو نمشيلها و كي تجي خالتي تو نجي نشوفهااا حل الباب
-شبيك بدلت رايك موش كنت بش تبقى!
-لا اما م... نحب نخرج و كهو
-كان تقلقت مالولاد صحابي شوي اخر ويروحو ايجا معايا توا نعطيك بيت الفوق بات فيها
-لا نحب نخرج متفهمش ياخي
خزرلي خزرة ترعب معجبتوش الفاسون لي حكيت بيها حلي الباب وجبدني
-موش بش نبقى نتشحت فيك معنديش وقت نضيعو معاك .. غدوة الخمسة متع لعشية خالتك تبدى هوني تحب تجي تشوفها مرحبا...
وسكر الباب في وجهي..
ملا فرشة وكلهالي اما ميسالش المفيد خرجتالحلقة 2
كمل سهريتو كأنو شي مصار.. لين روحو لكل قعد كان هو و سارة صاحبتو عندوش برشا ماللي دخل معاها في رولاسيون ..طبعها الصعيب و انها حبتش ترذخلو فيسع كيما لبنات لكل خلاه يعجب بيها..
-حقا شكوني الطفلة لي جات قبيلة
-تي قريبتي جات بش ترى امي ملقاتهاش
-هههههههههه هذيكة قريبتك يزي بلا تفدليك ..
-ايه قريبتي شبيك
-بربي مريتش الحالة لي هي فيها قلو قريبتك .. باز وحدة جاية بش ترمي روحها عليك و دبرلها طرف فلوس.. من غير متخبي منغيرش منهم الاشكال هذيكة
-قعد ساكت يخزرلها..
-هيا قوم وصلني ماو فيبالك جيت مع البنات بلا كرهبة
-بات عندي الليلة
-برا قلو نبات حذاك قوم قوم
هي جات قايمة و هو جبدها ليه بقوة و غرق معاها في بوسة طويلة كانت تحاول تجبد روحها لكن منجمتش..
-مهدي سيبني شبيك ياخي قتلك الف مرة معاش تعملها الفازات هذي
-شبيك مربطة فراسك ياخي كل مرة نحاول نتقرب منك تعمل مشكلة مصوحب طفلة موش حجرة راو ميساعدنيش بش نبقى معاك هكا
هزت ساكها طفتو و خرجت .. و هو ضرب الطاولة بساقو بعد هز مفاتحو و خلط عليها طلعها في الكرهبة وصلها و روح و ثنيه كاملة محكا معاها حتى كلمة ..
ميرال مبعدتش برشا عالدار ملقات فين تمشي قعدت ع حافة الطريق ك حاطة راسها ع ركبتها و ترعش بالبرد تخمم شبش تعمل في حياتها الكلبة ماللي ماتت امها وهي تعاني ملقاتش صدر حنين تحط عليه راسها ..
هي هكاكة غاطسة تخمم لين فاقت بكرهبة وقفت قدامها هزت راسها مفجوعة كانت كرهبة نوار مذخمة معرفتش شكون فيها البلار ميبينش.. وقفت مرعوبة بلعت ريقها و مشات و الكرهبة قعدت تبع فيها بشوية و تزمر.. قلبها ولى يدق بقوة الحل الوحيد لي جاء فبالها انها تحط ع ساقها و تهرب.. قامت تجري فاكا الليل و تتلفت وراها.. لين شافت واحد هبط مالكرهبة و خلط وراها يجري زادت ترعبت و قوات قي سرعتها و قامت تصيح و تعيط لعلا يخرجلها حد.. لكنو خلط عليها شدها و حط ايدو ع فهما بش يسكرهولها
-سكرررر ام فمككك الدنيا شنعتها بش تخليني نجري وراك ياخي
هزت راسها لقاتو مهدي حست الروح رجعتلها و تفلقت بالبكاء ع طول صوتها
-.. شتحب خالط في جرتي ..علاه هكاا فجعتني ..حرام عليك ااااه يا ربي راني معاش نتحمل هزني خنرتاح.. كانت تبكي بالشهقة غصة في قلبها حبتش تخرج عالشي لي تعيش فيه ع سن صغرها وجها اصفر عينين محوقة تلهث و تبكي و ترعش مهدي يخزرلها و قلبو وجعو ندم انو خلاها تخرج حس لحظتها انو تسوقط معاها مالها الا بنت خالتو حتى كان ميعرفهاش و عمرو مراها تبقى مسؤولة منو و من واجبو يحميها ..
-باهي هدي روحك متخافش كي ريتك محبيتش نتعدى و نخليك .. علاه هكا كي سيادتك معندك وين تمشي شمخرجك علاه مقعدتش بحذايا .. فهمتكش كيفاش تخمم ..
قعدت تخزرلو و دموعها هابطة و هي ساكتة مقتلو حتى كلمة ..
-هيا ارجع معايا للكرهبة
بقات حابسة معملت حتى رياكسيون
-شوف انت باين فيك عندك عقدة مالعباد وخاصة لي متعرفهمش...كرهبة وقفت قدامك حطيت ع ساقك.. ووقبيلة شفت معايا شكون خرجت تجري تقول درا اش شفت وين كنت عايشة ياخي... توا بش ترجع معايا للدار موش بش نخليك هوني
-ابعدني منسمحلكش تتمسخر عليا و نتصرف كيما نحب شدخلك
-منجاوبكش ع منطقك العادم هاني بش نحسب روحي مسمعتكش.. امشي توا
....بقات ساكتة متحركتش من بلاصتها
-بون ممكن نكون نشرب و نعمل برشا حجات خايبة اما متخافش مناكلكش.. اصلا ماكش مالنوع لي نحبو دونك ارتاح ..
بقات تخزرلو بغل بعد فوتت فيه و مشات جاتها صعيبة بش طيح من روحها و تمشي معاه بعد مغسلها و شللها بكلامو..
طلعلو الدم جبدها من ايدها و قعد يدز فيها و هي تصيح تحبو يسيبها طلعها في الكرهبة بالسيف عليها و سكر الباب..
دخل للدار و دخلت وراه ساكتة استسلمت لامرها لي بش يصير خلي صير ..
طلعت معاه الفوق تبع فيه دخلها للبيت فيها فرش كبير و مزهزة من كل شي و فيها سال دو بان..
-تنجم تبات هوني الليلة هوكا دوش نمشي نجيبلك حاجة تلبسها و تاكلها و نجي و منغير متخمم تهرب خاطر الباب مسكر و ماكش بش تنجم تحلو ماك تعرف..
-ياخي مفما حد في الدار
-مفما حد غدوة الصباح قبل منمشي نخدم تو نكلملك شكون يجي يبقى معاك حتى يرجعو الجماعة بش متبقاش وحدك متخافش
مشى و خلاها و هي بقات واقفة (شكون بش يكلملي زادة ناقصة انا ) قعدت تتفرج في البيت حالة فمها بعد ترمات عالفرش ...
جابلها حاجة تاكلها و لبسة تبدلها لكن لقاها مشات في عالم اخر رقدت بالوقت ... جبدلها غطا وكيف جا بش يغطيها مس روبتها يلقاها مزالت مندية خمم انو ينحيهالها بش متمرضش ..بعد رما الفكرة من راسو عادي جدا تعديهالو قضية محاولة اغتصاب و هو موش ناقص --' .. غطاها طفى الضوء سكر الباب و خرج.....الحلقة3
مهدي 25 سنة راجل لباس عليه ولد يوسف بن عبد الله من اكبر رجال الاعمال في البلاد .. متخرج من جامعة امريكية عندو عام ماللي رجع للتونس وشد الشركات مع بوه .. طفل عياش ميعرش طرف خلاه فين من صغرتو عايش في القطن و لي حب عليه يعملو و يوصلو .. شخصيتو صعيبة و متتفهمش كان كاسح و ميعجبوش لعجب.. كل شي جربو كل شي عملو بالباهي و بالخايب .. عندو خوه صغير عمرو 19 سنة.. كان عندو اختو اصغر منو بثلاثة سنين لكنها ماتت بحادث.. كان متعلق بيها برشا و عمرو منساها اثرتلو برشا في حياتو شخلاه قرر انو يبعد و يمشي يقرى في امريكا ..
ميرال 18 .بنية يتيمة .. امها ماتت عندها 3سنين مشالها السند والحصانة متعاها في الدنيا من وقتها بدى عذابها مع بوها و مرت بوها لكنها كانت متحملة اعطيها تكمل قرايتها و تخرج مالحبس لي هي عايشة فيه.. متعرف شي ع عائلة امها كان خالتها الهام بيدها شافتها مرة بركا.. امها محكاتلها شي ع حياتها ع ماضيها و ع عايلتها.. كانت مكرسة حياتها ليها هي برك.. تحاول توفرلها حياة باهية وتعيشها احسن عيشة.. برشااا حاجات غامضة لكن يجي نهار ويوضاح كل شي..
ميرال حبت واحد .. خو صحبتها يقرى فاك يجي ديما في العطل و الويكاند يشوفها كانت تخرج بالسرقة ع بوها و لا تقابلو كيف تجي ماشية تقرى ... لين جا النهار لي فاق بيهاو عفسلها عالبلاصة لي توجعها..حرمها مالخروج و بطلها من قرايتها الحاجة الوحيدة لي كانت مصبرتها و متحملة كل شي ع خاطرها.. كانت قرايتها عاطيتها الامل بش تخرج مالعذاب لي عايشتو و تبني مستقبلها كيما كانت تحلم و تتمنى.. والاعظم انو بوها قرر يعرسلها اي نعم باعها للراجل اكبر منها ع خاطر لفلوس .. كان يرى فيها هم وحب يرتاح منو و يربح في جرتو .. كان يتلذذ كيف يعذبها ساعات تحسو موش بوها
نهار كتبان صداقها منو عملت اللي في مخها و ع خاطر مستقبلها و ع خاطر الانسان لي تحبو قررت انها تهرب .. مكان عندها حد بخلاف خالتها تمشيلو و تكن راسها عندو .. الهام في موتت امها عطاتها عنوانها و قالتلها نهارت لي تحب جي بش تلقاني تستنى فيك..الحلقة 4
قامت ال10 متع الصباح راسها يوجع فيها .. استوعبت لي صار و تذكرت هي فين..قامت بقات دور في البيت بعد دخلت دوشت و لبست مريول و سروال متعرش متع شكون لقاتهم محطوطين عالفرش ..و بعد تردد حلت الباب و هبطت...
عرضتها مرى في دروج كانت تلم في الحوسة متع سهرية البارح تبسمتلها
-صباح النور..انت بنت اخت المدام موش هكا
عملتلها براسها اي
-صباح الفل.. قلي مهدي محبيتش ندخل نفيقك ايجا معايا نحطلك تفطر
قعدت تفطر و تحكي مع نجلة مرى تخدم غادي عندها سنين .. بحكم هي كانت صندوق الاسرار متع مدام الهام كانت تعرف ميرال و تسمع بيها
-كلمني البارح مهدي في اخر الليل قلي ايجا رغملي كونجي متاعي اما كيف عرفت لي انت في الدار محبيتش نخليك وحدك وزيد الجماعة الكل مسافرين..
والله مدام الهام بش تفرح برشا كي تشوفك كانت ديما تخمم فيك..
نبسمت ميرال و مجاوبتهاش اما حست روحها فرحت واطمانت
-امك و خالتك كانو كالتوامة ميتفارقوش اما الله غالب الدنيا فرقتهم .. كل حد مشى في شيرة و كل حد تلهى في حياتو..
-سامحني اما منين تعرف هذا الكل .. تعرفها امي!
-لا اما نعرف..نعرف كل شي.. احسبني خالتك الثانية لهنا ..
تبسمتلها ميرال وبقات ساكتة..
كملت فطرت و جات طالعة للبيت لي باتت فيها و يعرضها مهدي في دروج هابط يلبس في مريولو و دايخ بالنوم..
-صباح لخير..
-صباح لخير رقدت بالباهي
عملتلو براسها اي
-هي باه..
كمل لبس مريولو و هبط و خلاها .. طلعت للبيت و سكرت الباب و ترمات عالفرش و تفلقت بالبكاء كانت ضايعة موش عارفة شبش يصير موش عارفة اللي عملتو صحيح ولا غالط .. كانت خايفة لا خالتها تزيد تتخلى عليها و تظطر انها تختار بين الشارع ولا رجوعها لبلادها و عذابها ..
قعدت نهار كامل تستنى لين هزها النوم .. حلت عينها تلقى الهام تخزرلها و تتبسم .. قامت مفجوعة بعد وقفت سلمت عليها قربتها ليها مدام الهام و عنقتها و بقات تخزرلها
-مشاء الله كبرت في ظرف ثلاث سنين تبدلت عليا .. مرحبا بيك
بعد دخل سي يوسف سلم عليها و فرح بيها و خرج.. قعدت هي وخالتها يحكيو .. الهام كانت متأكدة انو جايانها موش بالساهل و انو وراه حاجة كبيرة .. لكنها محبتش تلزلها..
تلمو العايلة تعشاو تعرفت ميرال على ولد خالتها الصغير ريان فيسع دخل معاها في الجو و ولاو يفدلكو و يحكيو..
في اخر السهرية قعدت مع خالتها و بعد تردد كبير حكاتلها ع كل شيء بالباء و التاء .. حكاتلها ع التمرميد لي ذوقهولها بوها و مرت بوها عالحرمان و الضرب و السب لي تاكل فيه .. حكاتلها كيفاش و علاش حرمها من قرايتها السنة كارهة راي دخلت باك كيف اندادها .. واخيرا حكاتلها ع هروبها نهار كتبان صداقها.. هروبها مالجحيم لي كانت فيه.. كانت تحكي و تبكي و الهام تسمع فيها مصدومة.. كانت تخزرلها كأنها تشوف في اختها ورثت عليها الشعر لرطب العينين الزرق واللي فيهم بريق يسحر ورثت عليها بيوضيتها و الرقة و الفيناس في حركاتها و طريقة كلامها..
-مكارنيش خليتك نهارتها كارني جبتك معايا نشاء الله حتى بالغصب.. يزي عيش بنتي معاش تبكي.. نوعدك لي عشتو معاش بش يتكرر احسن معملت انك هربت و متخافش بش ناقف معاك و موش بش نخليك
-خزرتلها ميرال و عينها تملات دموع و زادت ترشقت بالبكاء و ترمات في حضنها..
قعدت تبكي و تبكي لين دموعها نشفت...
-معاش نحبك تبكي نحبك تنسى كل شيء من ليوم بش تبدى حياة جديدة معايا تفاهمنا..
-جيتك نحبك دبرلي خدمة و انا نجم بعد نعمل ع روحي نوعدك موش بش نكون حمل ثقيل..
-ميرال شنوا لكلام لي تحكي فيه راك بنت الغالية.. و من ليوم انت في مقام بنتي..... الحلقة 5
2:00. متع الصباح روح مهدي تاعب و دايخ نوم تعدى للكوجينة بش يشرب يلقى امو قاعدة سارحة و حاطة ايدها ع خدها
-سلطااااااانة
-مهدي سملا فجعتني
-هات بوسة ليك وحشة والله بلاصتك كبيرة
-اي شخلاك روحت سلمت عليا انا و بوك
-والله مالخدمة شدو فيا لولاد ماك تعرفهم.. قلي كيفاش تعدى ڥواياجكم..
-سافا كان جيت معانا خير والله
-لا مناش فرد جو ههه
-توا مروح ماكش منحيها هالصنعة
-امي راني معادش صغير بش تلزني نخرج نسكن وحدي معاش تلزلي المرة هذي والله لنرجع كي تعمل متعمل
-كبرت و وليت تهدد فيا صحة ليك ..
-هههه قلي ريت بنت اختك
-اييييه..
-وشنوا سبب جيانها
-احشم و اعرف كيفاش تحكي جات للدار خالتها لازم يكون فما سبب يعني
-اخطانا بركا امي بش تجيبهالي دمنا ولحمنا و اكا الريق...
-مهدي بنت خالتك من ليوم بش تولي تعيش معانا معندها حد غيرنا و...
-هههههههه لا باز تفدلك
-هذاكا لي بش يصير و حكيا مع بوك و معندو حتى مشكل بلعكس
-امي نرمال طفلة غريبة لنعرفوها لتعرفنا تحب تسكنها معانا بسهولة هذي حالين وكالة وانا مفيباليش!!
-الطفلة لي تحكي عليها بنت اختي موش غريبة ولا جاية مالشارع.. بش تعيش معانا وانت بش تتقبلها و تحترمها و تعتبرها في مقام اختك زادة و كان عجبك ..
مهدي !بلكشي ربي عوضلنا خسارة ريما وبعثهالنا
نطر الطاولة وقام يصيح
- بلاصة ريما ميملاها حد سمعتني مفما حد يجي في مقامها حددددد !!!!!!
بقات امو تخزرلو مرعوبة من ردت فعلو لين هبطت دمعة سخونة ع خدها.. بلع مهدي ريقو و قرب منها عنقها
-سامحني انفعلت منغير منشعر... انسى امي.. اذاكة ربي شحب!! ... واللي تراه صالح اعملو مكارنيش عطيت رايي الدار داركم سكنو فيها لي تحبو بطبيعتي منقعدش فيها من اصلو
بعد باسها و مشى صب كاس ماء و رجع قعد حذاها ساكت ...بقاو لحظات ساكتين بعد هزت راسها و خزرتلو
-مهدي بنت خالتك تعبت و تعذبت برشا في حياتها تخيل هربت ليلة كتبان صداقها
-آاه الفقصة هذيكة متع تعرس هي من أصلو
-بوها لا تربحو بطلها من قرايتها و شعرة لقصفلها عمرها و عرسلها مزالت مفرحتش بصغرها و مشافت شي مالدنيا.. مفهمتش اختي منين عرفتو وشموخذها فيه
-ملا تخلف مزالو عباد يعيشو هكا ياخي.. بربي فسرلي علاش معناش بييهم كونتاكت شنوا لي صار بش بعدت اختك وقطعتو العلاقة بيها الكل حتى جدي ميحبش حتى يسمع اسمها
- منعرش كلنا مانا فاهمين شي لي نعرفو انو بابا هو السبب في كل شي هو السبب انها هربت وبعدت .. نكر فيها ومخلا حد منا يفركس عليها ولا حتى يجبد اسمها ...
شكتت شوية بقات سارحة بعد خزرتلو
-عيش ولدي منزيدوش احنا نكملو في عذابها ارزن و متوجعهاش نعرفك لسانك معيب و دمك بارد و لعبك ماصت و مسالم منك حد اما ع خاطري عاملها كيما وخيتك الصغيرة متخلينيش نندم اني خليتها عندي
-امي ذليتني راااك بش ناكلها ياخي
-حطها في مقام اختك خليها تحس انو عندها خو كبير مسؤول منها حد يخاف عليها ويحبها..لي عاشتو موش شوية كان جات غيرها اخر راي انتحرت و لا مشات هملت ..
-إي باهي تو نحطها في عيني و نرد بالي عليها و نحميها هه هيا ليلتك زينة هذا شناقصني حتى انا
-زيد استهزأ بكلامي زيد اصلا انا الغالطة لي نحكي معاك..
حقاااا ايجا هوني!! كيفاه تعمل سهرية في الدار منغير متقلي سي الشباب
ضحك و طلع خلاها تاكل فروحها و تخرنن كيما عادتها..الحلقة 6
قامت الصباح فطرت مع خالتها وراجل خالتها و بعد خرجت هي و الهام هزتها خذاتلها برشا دبش شيختها.. بعد هزتها ڨدتلها شعرها .. ظهر زينها لي كان مخبي ورى التعب و الحزن و قلة اهتمامها بمظهرها..
مشاو للرستو عالبحر هبطو فطور و قعدو يحكيو..
-من ليوم نحبك تهتم كان بقرايتك و كهو نشاء الله من غدوة نريڨلو لوراق و نقيدك في ليسب بريفي نحبك تجيبلنا الباك ع اول عام تفاهمنا
- نشاء الله
-اعطيني نومرو بوك توا
تفجعت ميرال و وجها حمار
-علاااه!!
-بوك لازم يعرف لي انت عندي
-لاااا امان.. والله ميجي يهزني عيشك خالتي منحبش نرجع غادي والله تعبت والله نعرفو موش بش يسيبني
-ميرال نوعدك مستحيل ينجم يمسك وكان حاول يعمل اي حاجة نشكي بيه .. اوثق فيااا ..و توا بش تمشي معايا لبلاصة بش نقابلو شكون لازمك تشوفو ويشوفك
بقات ميرال تخزرلها مستغربة كملت فطورها ومشاو..
وصلت قدام ڤيلا كبيرة حللها العساس الباب ودخلت ..
-خالتي لوين جبتني .. دار شكون هذي
سكتت الهام مجاوبتهاش وهبطت مالكرهبة .. هبطت ميرال في جرتها وبقات تخزر واقفة متحركتش
-ميرال عزيزتي هات ايدك .. بش نقابلو شكون و نروحو شبيك خايفة ..
دخلو حلتلهم الخدامة الباب بقاو في الصالة يستناو لين هبطلهم راجل كبير شاد عكازو .. رغملي كبير في العمر اما عندو وقار و هيبة طاغية قامتلو الهام و وقفت ميرال في جرتها.. باستو من ايدو قعدتو وقعدت بحذاه .. ميرال بقات واقفة لعرفت تقعد ولا تسلم عليه ولا شتعمل بالضبط..
-بابا شحوالك ..
-جمعة كاملة مجيتش طل عليا لا انت ولا اختك توا جاية تسأل شحوالي.. هات شعندك و برا ع روحك
سكتت الهام تنهدت بعد شدتو من ايدو
-يا بابا تعرف قلبي معاك اما راني كنت مسافرة.. و مهدي قبل ميمشي يخدم يتعدالك و يكلمني يطمني عليك كل يوم .. باهي علاش متجيش تبقى عندي علاش راسك كاسح
....
-الهام!!!!
-باهب بابا موش موضوعنا توا.. ليوم جيت و جبتلك معايا شكون بش يراك و تراه ..
تلفتت لميرال
-ميرال ايجا سلم ع جدك بو امك..
سي محمد لحظتها هز راسو وبقى يخزرلها ماللول منتبهلهاش جملة .. قعد يثبت فيها وجهو لبيض ولا احمر تكبس بلع ريقو و خزر لبنتو ع جنب خزرة مادل ع خير
-اي يا بابا هذي حفيدتك لي متعرفهاش.. حفيدتك بنت امينة بنتكككك ..
ميرال ايجا سلم ع جدك قتلك
قربت ميرال طبست باستو وهو كان جامد مخزرلهاش حتى فوجها .. حست روحها في وضع خايب هذا جدها بو امها لي اول مرة تراه حستو بارد.. جامد.. مفرحش حتى كيف شافها .. دخلت بعضها وجها حمار مشات طول خرجت وبقات تستنى في خالتها البرة
سي محمد لحظتها ولا يرعش كان يتنفس بالسيف بقات الهام تخزرلو بعد نطقت
-ليوووم جا النهار لي بش تفسرلي و توضحلي كل شي .. علاش حرمنتا من اختي السنين هذي الكلّ.. شنوا لي عملتو بش تكرهها و طردها ..
-سكر فمك شكونك انت بش تحاسبني شنعمل.. تعرفني منحبش نسمع اسمها علاش تجيبلي في بنتها .. من ليوم معاش نحب نرى منظرك في داري انت زادة
-والله مفهمت صعبك وجبروتك هذا الكل علاش وين بش يوصلك.. رانا صغارك علاش الغطرسة هذي الكل
قام وخلاها
-متحبش تراها وتعطيها من حنيتك .. دونك تعطيها حقها وحق امها من واجبك تعوضلها ايامات الحرمان والعذاب لي عاشتهم في جرتك.. بابا اقف نحكي معاك
زاد قوى في مشيتو وهو يتعكز طلع في لاسونسور دخل لبيتو شرب دواه وقعد يرعش..
الهام خرجت تهز في روحها هزان تلقى ميرال تستنى فيها في الكرهبة ومهبطة راسها
قربتها ليها وعنقتها بعد ميرال جبدت روحها وخزرتلها
-خالتي فهمني شنوا لي صاير علاش ماللي انا صغيرة منعرفكمش لا انتم تجونا لا احنا نجوكم امي عمرها محكاتلي على بوها تحكيلي كان عليك انت وساعات مهدي ولدك كيف كان صغير.. علاش كيف بوها لباس عليه هكا هي بقات تاعبة ملقاتش باش داوي روحها في مرضها..
تفلقت الهام بالبكاء
-امك 18 سنة لتالي تعاركت مع بابا مفهمتش هي هربت ولا هو طردها مفهمناش علاش مرة يقلنا تحب حد و هربت معاه مرة يقلنا كسرتلي كلمتي مخلاناش حتى نسألو عليها ولا نفركسو.. انا وخالتك نوال فركسنا عليها لين فقدنا الامل خذاتنا مشاكلنا والصغار ...لين سمعنا بيها ماتت .. وقتها جيت وعرفت لي هي عندها طفلة حبيت نهزك نهارتها معايا اما بوك مخلانيش وعندو الحق اما كان جيت نعرف حقيقتو راني والله ماخليتك ....الحلقة 7
من غدوة الصباح قامت ناشطة شوية ..هبطت بش تفطر ملقات حد في الدار كان مهدي قالتلها نجلة لي هو مزال راقد .. كانت تفطر و تحكي معاها في الكوجينة لين سمعو حس صياح البرى .. طلت مالشباك ترى في الجحيم متاعها خاليها الدنيا .. مالفجعة و الصدمة طاح من ايدها كاس القهوة تكسر .. قامت مرعوبة ترعش و تبكي حاطة ايدها ع فمها.. بوها جاء ويتحلف انو بش يهزها و بش يندمها عالنهار لي خممت انها تهرب فيه و تفضحو وصت عايلتو و صحابو و جيرانو...
-اخرج يا بنت لحرام والله منصنع من عذابك صنعة اخرررج والله لاني مسيبك
كان العساس يشد فيه و هو عمال يزيد يكلب ويصيح ويربرب و مع كل كلمة ميرال قلبها يخرج من بلاصتو كانت تجري في الدار تسكر في الشبابك و البيبان و نجلة في جرتها تهدي فيها..
لين شافت مهدي هابط في الدروج الدجاج لكحل داير بيه
-شفما لبرى شنوا الصياح هذا
مشاتلو تجري كانت في حالة هستيرية
-عيشك تخليهوش يهزني كلم خالتي تجي
مشى حل الباب وقعد واقف يخزرلو و تلفت للميرال -بوووك؟!!
عملتلو براسها اي و هي ترعش بالخوف
خزر مهدي للعساس و قلو سيبو..
و ميرال قلبها ولا يضرب في الالف...
-ويني بنتي خرجهالي توا! مكانش نباصيكم
-هدي روحك الساعة و متخلينيش نتصرف معاك تصرف اخر.. بنتك موش بش تخرج مالدار هذي.. كان جيت تصلح متوصلش تهرب منك
-شكونك انت و شدخلك الطفلة بنتي و انا حر نتعامل معاها كيما نحب و توا ابعد بش نهزها و متحاولش تمنعني مكانش ...
-مكانش شنواااا
دز مهدي و دخل كالثور الهايج خلط ع ميرال شدها من شعرها و بدى يكركر فيها
-والله منوريك طيحتلي كلمتي مع العباد .. ساقك طوالت و جاية لهنا مشى فيبالك بش تمنع مني والله منحاسبك ع فعايلك يا هاملة
هو هكاكة و يجبدو مهدي يجيبو طايح و يزيد بجبدو يقومو ويشدلو ايدو منتالي ويخرجو كان بش يهبل وجهو حمار و عروق ايدو خرجت و بدنو تكبس كان مجاش راجل كبير قد بوه راو هرسوووو.. خرجو مالدار و سكر وراه الباب بقات ميرال مرمية في القاعة كيما خلاوها تبكي بالشهقةو نجلة معاها تسكت فيها
حكاية نص ساعة و تحل الباب و دخل مهدي قامت مرعوبة جات واقفة
-متخافش
-وينوو!
-مشى معاش يرجع ولا يقلقك تهنى ..
-كان يحكي معاها و طالع للبيتو و هي تبع فيه
-كيفاه شصار فهمني
-مصار شي اما نأكدلك لي صار ليوم معاش يتكرر
-مهدي شعملت للبابا تكلم!!!!
-تلفتلها و هز حاجبو
-شعندي بش نعملو .. معاش بش يدور بيك و كهو.. وافق انك تبقى هوني يعني..
-كيييفاه .. كيفاه بش يواقف بالسهولة هذي بابا و نعرفو راسو كاسح و اللي في مخو يعملو و ميخاف من شي
-تفاهمت معاه .. و يزي مالاسئلة راني تاعب برى ع روحك تنجم تعيش مرتاحة توا معاش تخاف من شي
بقات واقفة و عينها تملات دموع
كيف سكتت دارلها و وقف بقى يخزر
-شيبكي فيك توا!؟
-بابا متنجم تسكتو كان لفلوس .. تفاهمتو بش تعطيه فلوس؟جاوبني و متكذبش علياا!! تكلم
مهدي بقى ساكت و هبط راسووو
-هههههه باعني معناها باع بنتو بطرف فلوس ..خلاني و مشى من غير حتى ميقلي كلمة هههههه
و تشدها هستيريا متع ضحك مالوجيعة و لات تتصرف كالمهبولة
-ياخي موش هذا لي حبيتو يصير هوكا رتحت منوووو و معاش بش يقلقك
-تعرف شمعناها بوك يتخلى عليك ع وسخ الدنيا .. تعرف شمعناها بوووك يبيعككك تعرررررف الاحساس لي قاعدة نحس فيه انا تواااا.. تعرش كمية الذل و الرخس و الاهانة لي خلاني نحسها ا.. احساس يوجع اكثر مالضرب لي وكلهولي و العذاب لي عيشهولي حياتي كاملة.. هه اكيد ماكش بش تفهمني و موش بش تعرف شي..
هبطت تجري و هو قعد واقف معمل حتى رياكسيون .. دخل بيتو و حاول انو يرجع يكمل نومتو دار منا دار منا شي منجمش.. لي صار و كلامها قعد مسيطرلو ع تفكيرو..اول مرة يصير قدامو موقف بين بو و بنتو هكا كان يسترجع في تصرفات بوها حسو مريض موش عادي.. قام و خرج للبالكون بش يتكيف يلقاها قاعدة لوطة في الجردة ع حافة البيسين سارحة قعد يتكيف و يخزرلها النسمة الباردة كانت تلعبلها بشعرها رغملي الطقس كان بارد لكنها كانت موش حاسة بشي.. هبط يلقى نجلة محضرتلو فطورو كالعادة فطر و طلع لبيتو لبس دبشو كيف جاء خارج يلقاها مزالت ع نفس الحالة متحركتش مشى بحذاها و قيمها من سرحتها
- ادخل! الطقس بارد و ظهرلي لمطر بش تصب
هزت راسها خزرتلو وبقات ساكتة خدودها كانو حمر برشا و عينها باينين مرغرغين اللي يراها وقتها مينجمش يبعد عينو و ميبقاش يخزرلها.. بعد دورت وجها و رجعت لعالمها...
-لازم تكون اقوى من هكا.. انت هربت من داركم ع خاطر قرايتك و مستقبلك و توا لازم تزيد تهرب مالماضي و تحاول تنسى بش تنجم تكمل.. هذا هو بوك نتصور موش بش يجيك غريب ... و حط فبالك راك ماكش وحدك عندك خالتك بش تحطك في عينها و بابا زادة موش بش يخليك و بش يحطك في مقام بنتو ..
تلفتتلو و عملتلو براسها باهي كانت مستحقة للكلام لي قالو حستو فيقها شوية و تقوات بيه.. قامت جات ماشية و هو جا بش يعيطلها و ضاع عليه اسمها.. ولا قول معرفوش
_شنوا اسمك حقا
- ميراال
سكت وقعد يخمم في الاسم كان اول مرة يتعرضلو هي مشات طلعت للبيتها و هو مشى طلع فالكرهبة و خرج.. كان ثنية كاملة يسترجع في اللي صار و يتفكر في كلام امو لي حكاتلو قداش تعذبت.. و بعد يتفكر خزرتها، عينها برك كانو يلخصو كل شي..كانت كالملاك متستهلش لي صاير عليها..
لي تقرا تخلي جام ونقصو مالكمنتارات..الحلقة 8
جاء النهار لي بش تدخل فيه تقرى ريڨلت اومورها و قيدتها الهام في ايكول بريفي. .. قومتها نجلة الصباح بكري عملت دوش ..لبست. و هبطت تلقاهم ملمومين يفطرو
-صباح الخير
كلهم هزو روسهم و بقاو يخزرولها شعرها كان مارون طويل عينها زرق كالبحر رموشها كبار و فمها روز ومليان..
-صباح الفل و اليسمين ايا ايجا عزيزتي افطر بالباهي بش تبدى في فورما ..
مشات قعدت في بلاصتها كيما العادة مقابلة الهام و اللي طلعت بجمب مهدي لي اول مرة يقعد يفطر معاهم عالطاولة ماللي جات ..
-سي يوسف: تنساش راك دخلت روتار دونك لازمك تعمل مجهود اكثر بش تخلط تحضر لي فاتك واللي جاي..
-اي اكيد نشاء الله
مدام الهام:-مهدي مدامك ماشي للشركة وصل ميرال هيكا في ثنيتك اوكي و تو انا بعد نتعدالها نروح بيها
هيا نخليكم معاش عليا بكري ..
تلفتلها مهدي:-كول فيسع مالا خارج توا راني
كملت فطرت بزربة هزت ساكها و خلطت عليه لقاتو في الكرهبة يستنى فيها حلت الباب التالاني و طلعت خزرلها في المراية و قام يصيح
-ايجا اطلع بجمبي شوفور بوك انا
تأففت و مشات طلعت حذاه..
ثنية كاملة و هو شاد التلفون و يتمعشق مع سارة و كل كلمة تفكرها في عمر تفكرها فحبهم و جوهم و بااارشا ذكريات.. كمل مكالمتو و رما التلفون ..
-مهدي ميسالش تعطيني نعمل مكالمة من تلفونك
عمللها براسو اي
شدت التلفون بلهفة و كتبت رقم عمر لكن لقاتو مسكر.. كتبت رقمو الثاني و شي لقاتو مسكر زادة.. بعد كتبت نومرو امل صحبتها واللي هي اختو قعد يصوني لين هزت
-الو
-وي امللللل ميرال معااااك
-ميراال!
-اي عيشك وينو عمر نطلب فيه تلفوناتو مسكرين
-عاد انت لي فينك موش عمر
-امل جاوبني موش وقتو لكلام هذا
-منعرش و مالمستحسن تنساه وتبعد عليه خير ماللي عرفك معرف خير انت اهرب و خليه هو غاطس في المشاكل مرت بوك فضحتنا عايلة كاملة و النومرو هذا معاش تطلبوووو ...
و علقت ...
تصدمت ميرال و طيحت التلفون من ايدها من غير متشعر .. بقات كالصمبة مصدومة وجها حمار وعينها رغرغو.. حتى من صحبتها تخلت عليها.. مهدي كان يسوق و مركز معاها حب يفهم شبيها
-شبيك شفما!!
خزرتلو قتلو شي و دورت وجها للشباك ..
قعدو ثنية كاملة ساكتين لين وقفها قدام اليسي..لكنها مفاقتش كانت سارحة ..
-! ماكش هابطة
-مهدي منحبش ندخل نقرى منجمش
قرن حاجو و قعد يخزرلها
-امان ارميني في اي بلاصة رايضة و تو ناخذ تاكسي نروح بعد
-لا مستحيل ..
- مستحقية نبقى وحدي
-شنوا لي صار كنت تضحك ولباس عليك
-عندي حاجات خاصة منيش مظطرة نحكيهملك
-بربي فقصة قدك شنيا هالحاجات الخاصة لي عندهااا !
انطق قلي شبيك!
-احترم روحك و اعرف شتحكي نسمحلكش تحكي معايا بالمنطق هذا و معندكش الحق تدخل فيا .. هبطت و سكرت الباب ع قوة قوتها ..
قعد باهت في القوة لي فيها لي قلها كلمة ترجعلو 10/وميهمهاش في العواقب .. بعد خدم الكرهبة و طار مركزش معاها برشا كان معلبالو بيها رغملي كان ينجم يندمها عالتصرفات متاعها ويربيها اما موش لاهي بيها توااا ..
دخلت قرات و هي سارحة مخها موش فوقها حبت تعرف شصار علاش صحبتها تصرفت معاها هكاكة ..خرجت تلقى الهام تستنى فيها بالكرهبة ماللي روحت نحات دبشها و ترمات رقدت قامت اخر لعشية .. لقات ريان حاط فيلم قعدت تفرجت معاه..
من غدوة وصلها الشوفور و كيف جات خارجة تلقى مهدي بالكرهبة يستنى فيها من بعد لي صار البارح مشافتوش مفهمتش وين يمشي و وين يعدي نهارو الراجل هذا.. بقات واقفة بعد مشات طلعت و مقتلوش حتى السلام..الخلقة 9
بقاو ثنية كاملة ساكتين بعد خزرلها
-باك شنوا
-حاجة تخصني--'
استغرب من ايجابتها و تفكر لي صار البارح عرفها مزالت متغشة كيفاش قلها فقصة واستهزء بيها كيما اول مرة.. معرفتش اللي هذاكا مهدي ولازم تتعود عليه..
-تعرف بش نشد نرميك مالشباك تو نوريك تطويل اللسان كيفاش
حستو موش يفدلك و تنرفز بالرسمي قتلو لي هي تقرى باك لاتر و دورت وجها للشباك و بقات ساكتة ..
بعد جبدلها باكو مكشتي فيه تلفون اخر صيحة و مدهولها
-خليه عندك و هوكا فيه puce .. زيد جرب بلكشي تتحصل ع عمر متاعك ههه
خزرتلو مقتلو حتى كلمة زاد حيرلها مواجعها بلعبو الماصت .. و فوتت فيه
-شد عاد
-منحبش و منيش ماخذة
هو جبدلها ساكها حلو و حطهولها و هي تقووووم تصييحححح ع طول صوتها" اااااقققققف" مالفجعة خذا فران قوي الكرهبة زعمة لا تقلبت
-شبي عزااااااك ياخي
طفتو و هبطت .. و تمدت في الكياس دخلت ايدها تحت الكرهبة و جبدت قطوسة صغيييرة حملتها و بدات تبوس فيها و تفلقت بالبكااااء
-تخيل كان ضربتها زححح لدرجة مشفتهاش
وقعدت تبوس فيها و تمسح في دموعها كالصغار و هو واقف مصدوم ملا فرخة يعاني فيها
-اطلع اطلع مشى فيبالي درا شفما و طيش من ايدك
-لا بش نروح بيها
-تحلم .. نحي من ايدك
-هي جات بش تطلع و هو جبدها
-قتلك لا مطلعهاش فالكرهبة
حاصيلو هي تجبد و هو يجبد هي تجبد و هو يجبد عملو الفضح في وسط الكياس لين استسلم..
-بعدها علياا منحملهمش قطاطس الشارع
تهزها و تقربها منووو تحطهالو في خليقتو و تتفلق بالضحك
يقوم يصيح
-متفهمش ياااااخي متخلينيش نغلط معاك
-يا لبي يا لبي ميحملش هوااااا هههههه شنشيخ عليكم ولاد ناناتي زح
-خراااااك نعافهم ابعد لنرميك انت وياها توا .. و عندك لحق تقول ولد ناناتي خاطرك متعرفنيش اما تو نوريكككك
-ههههه باهي بركا معاش نفدلك معاك
قعدت ثنية كاملة تلعب مع القطوسة و تبوس فيها و مهدي يخزرلها بتقزز و هي تجبد عليه بالدم البارد..
هو حبس الكرهبة في الباركينغ متع الدار قد قد و تحطلها فمها ع فمو
-ايا بوس عمي و قلو عيشك ع الطوصيلة
و تحل الباب و تهرب بيها تجري .. حل الباب و هبط يتحلف فيها ويسب و هي تجري و تضحك و تخرجلو في لسانها بعد من غير ميشعر ضحك ملا مهبولة كان اول مرة يرى ضحكتها و هبالها مزال ميعرف شي مسكين
وصلها و رجع للشركة ما روح كان اخر لعشية
-نجلة بربي حطلي ناكل حاجة بش نموت بالجوع
-سملة ع وليدي علاه مخلي روحك للتو بلا فطور..
-متلهيتش
طلع للبيتو بش يعمل دوش خفيف ويبدل دبشو تعرضو ميرال شادة قطوستها و تحكي معاها كالمهبولة..
كيف شافتو تنطرت دخلت لبيتها وسكرت الباب
-معندك وين تهرب مني راك شادك شادك
دخل بش يدوش تلفت ملقاش لا جال دوش متاعو ولا شمبوان لف المنشفة ع بدنو و خرج
-خالتي نجلة!!!! بربي جيبلي شمبوان
خرجتلو ميرال من بيتها تمشي بشوية بكل براءة و تبهنيس بلعت ريقها و جبدتهملو من ورى ظهرها
-شيعملو عندك
-نسيت رجعتهمش تصورتك ماكش مروح كان في الليل كيما العادة
-قتلك شيعملو عندك معندكش شمبوان فبيتك ياخي de plus متع رجال
-نعرف اما قطوسي ذكر زيد جال دوش متاعك ريحتو بنينة .. و برى اخطاني ماكش بش تعملي مشكلة ع شمبوان توا هوكا مكدس
-ميرالللل مزلت تدخل لبيتي و تمس اي حاجة نتفاهم معاك فهمت ولا .. احترمني بش انا زادة نحترمك
بقات ساكتة بعد هبطت راسها و مدتهملو ..
خليه عندك عفت امو .. تخيل ريحتي انا و قطوسك العافن بش تولي كيف كيف اي اذا لمزال.. ومزلت تهز حاجة منغير متشاور متلوم كان روحك
-تي بربي انت هو العافن اخزر لبدنك كيفاه موشم خيييييت عليك تقزز و زيد حرام
وقتها تفكر لي هو عريان ملفوق خزر للروحو بعد ڨحرلها
-هاني قاعد نلملك فيهم .. ننصحك متستفزنيش اكثر ..بش متراش وجهي لاخر.. مشى حست التشاش خارج من عينو و موش يفدلك بقات تمشي وراه تبع فيه
-باه سامحني
-و الله نفدلك احسبني قلت شي فورت غش خاطر حملتش في قطوسي
-بااه ايجا شد شمبوانك معاش نمسهم
-طير عاد .. قيل امي
دخل للبيتو و سكر الباب في وجها
-تي برى زمر محسوب وانت قعدت كان تتحلف و تتنوفخ علينا .. قعدلي كان انت بش نبقى نتشحت فيه ..
يحل الباب بقوة ويخرجلها وهي تحط ع ساقها تجرررري.. قعد يتحلف فيها بعد دخل كان باهت موش مستوعب طريقة كلامها وتصرفاتها معاه اول حد يتجرأ ويحكي معاه بالفاسون هاكي
بعد وقف قدام لمراية و قعد يخزر للبدنو لمسكل
ويثبت في الوشم ويدور مرة ع ليمين مرة ع ليسار .. لين فاق ع روحو
-شبيني مليت راسي بكلامها ياسر عاد انا .. فرخة متع وذنيالحلقة 10
يا ربي فينك يا عمر كيفاش بش نطلعك و انا منعرش فين تقرى ..كيفاه نوصلك يا ربي عاوني راني تعبت.. بقات تخمم فيه قداش توحشتو و توحشت صوتو .. عندها ثلاث شهور مشافتوش ماللي فاق بوها بحكايتهم ولات تسمع في خبارو من بعيد و هو زادة .. متعرش وينو و شعمل من بعدها شنوا صار فيه كيف سمع لي هي بش يعرسولها و انها هربت .. كانت متشوقة تراااه و تترمى فحضنو و تشكيلو همها وتفرغلو قلبها كيما قبل .. هو كانلها الدافع لي خليها تعيش و تغامر و تضحي و تصبر .. هو الانسان الوحيد لي حبها و حسسها بالاهتمام من بعد امها.. معوضلها امها و بوها و الخو لي مجابتوش امها.. مكان عندها ثيقة في حد كان فيه هو ...
قعدت دور في الدار لين شافت باب مردود متع بيت عمرها مدخلتها طلت بشوية تلقى سي يوسف قاعد يخدم
-مييرال ادخل بنتي حاشتك بحاجة
دزت الباب و دخلت و هي حالة فمها
-وااااااو لكتب هذم الكل متاعككككك!!!
-هه اي شنوا باين فيك تحب المطالعة
-اي عاللخر و ديما نقرى كنت في المكتبة لي طانت بحذانا قداش توحشتها و توحشت كل تركينة فيها... صحة لييييك عندك عالم خاص بيك هكاا
-شخص كان جاو لي في دار يفهمو كيفك ميعرفوش قيمت لكتب لنهار شفت واحد من ولادي شاد كتاب
قعدت دور و تتفرج و تشوف في الكتب
-عندك الحق كل يوم تجي تهز كتاب اما تحاسبني بيه قاريتو لكل و نتناقشو فيه شرايييكك
-يااااا بالرسمي نجم نهز نقرى هههههه عيشككككك تي نحاسبك بيه حافظتو كان لزم
-ههههههه ايا خوذ راحتك و اختار لكتاب لي يعجبك مالا
...
خرجت و هي هازة كتاب في ايدها و قطوستها تبع فيها تربعت في الجردة و غطست تقرى ..
روح مهدي كيف شافها حاول ميعملش حس و مشالها وقف وراهاىشافها شتعمل وبعد فجعها صيفت فجعة خلاها تتبربص في بلاصتها .. قامتلو و طاحت تضرب فيه و تصيح و تعيط و هو واقف يخزرلها متحركتلو حتى شعرة
-احشم و هبط ايدك
قعدت دز فيه و تضرب فيه ع صدرو في لحظة كان قلبها بش ياقف في جرتو.. حسها مهيش ناوية تحبس كان تلقى تقتلو اما هذاكا الجهيد خزر للبيسين لي وراها و خزرلها و ملقااااات روحها كان مرمية فيه.. اي اي في عز الشتاء هزها و رماها فيه بدبشها لكن موش غادي المشكلة المشكلة انها متعرش تعوم وللاسف البيسين متعلهم كان غارق زادة -- هبطت كالدبوزة مسكينة بقات مرة تطلع و تهبط و تتبربص بيدها تحب تعيطلو منجمتش تحب توصل للحافة بش تشد فيها و منجمتش زادة
قعد شايخ ضحك
كان يسخايلها تمثل متعرش تعوم بش تخليه يهبطلها
كيف كثرتلها بدى يصيح
-اخرج عاد و يزي بلا مصاطة
ميييرااال نكلم فيك راو
تي تو يتسكرلك النفس يا هم اطلع
شي لا حياة لمن تنادي .. لحظتها وين استوعب لي هي متعرش تعوم.. طول تبلنجا بدبشو حس باللي حست بيه الماء كان بارد و الطقس بارد حتى الشمس مفماس .. جبدهاا خرجها كانت تتبربص تحب ترد النفس منجمتش وجها حمار عاللخر رماها عالچازون و مالربثة كيف شافها في الحالة هذيكة قعد يخضخض فيها و يضرب فيها ع وجها زاد كمل عليها محست بروحها كان دزتو و قامت تكح دخل و تخرج في النفس بالسيف حست روحها عندها شهر متنفستش بقات تلهث و تجبد في النفس بكل جهدها..كيف حست روحها خير و هدات شوية خزرتلو و ترشقت بالبكاء ع طول صوتها
-يزي عيشك والله لا فيبالي لي انت متعرش تعوم
زادت تفلقت اكثر بالبكااااء قعد يخزرلها هو بيدووكان يلهث خاف لتصيرلها حاجة في جرت لعبو بقى واقف شافها كيفاه ترعش مالبرد و الخوف و الفجعة
هزها و دخل بيها يجري حطها في البانو و طول حل الماء السخون بش متمرضش.. زاد كمل عليهااا بالماء السخون شوشطها قامت تصيح و تفكلو الماء و دورو ليه هو و تبقى طش فيه بالماء السخون في وجهو حبت تشوشطو كيما شوشطها غمض عينو تحمل شوية قرب منها
و يجبدها من شعرها و يخنقها و يبقى الماء يضرب في الصقف
-نرمااال انت تحب نغفصكككككك توا ..ماكش ناوية تريض
-سيبنيييي والله منوريييك والله منشكي بيك حبيت تقتلني و زيد تعذب فيا بالماء السخون
-سكر فمكككك
-منيش مسكرةةةةةة والله متشوف
حطلها ايدو و سكرلها فمها خاطر شوي اخر و بش تلم الجيران عملتلو شوهة ماي فالحة عاد هي .. هوما هكاكة و تدخل عليهم الهام مفجوعة تزيد تخلط نجلة و يخلط سي يوسف و يشهقو الكل مصدومين
-شفمااااا شتعمل!!
مهدي سيبها حط ايدو ع شعرو و دخل بعضو و بقاو لثنين يخزرولهم ساكتين يلهثو و يرعشو ويقطرو بالماء من راسهم لساسهم و السال دوبان كلها مبلولة..
-مفم شي جيت نفدلك معاها خلاتها الدنيا
-هكا لعباد تفدلككك بش تقتلها و تقلي تفدلك
-وانطلقت عاد ميرااال تتشكى و تتبكى حكاتلهم كل شي مع شوية بهارات زايدين و كعبرتهالو اكلي بالضبط.. ڨحرلها و خرج مشى بدل دبشو بعد خلطت عليه امو لقاتو ينشف فشعرو
-مهدي شنوا لي عملتو هذا جاب ربي وعدتني
-امي والله جيت نفدلك معاها و برا وين نعرف لي هي متعرش تعوم و خفت لتمرض دخلتها و صبيت عليها ماء سخون خاطر ريتها ترعش ..
-ربي يهديك والله تعرف كان تمرض مناكلك بسنيا
-هههه امان امي ولدك راني بش تاكلني ع خاطرها
-ابعد من خليقتي توا..وترتني من وقتاش انت تلعب في اللعب هذا
-ههه شوي تفوريخ خلي الواحد يبدل الجوالحلقة 11
تعدات ليامات و ميرال كالعادة غاطسة في القراية ليل و نهار و عملت چروب ولات تحضر معاهم و عاونوها بش نجمت تخلط و تفهم لي فاتها.. و كيف تحب تبدل الجو تمشي مع خالتها للخدمة تتفرج في الدبش و تبقى تقيس و تسلفي .. و تتعلم كيفاش تلبس و شنوا طالع و شنوا معاش طالع .. ولات نهار بعد نهار تقعد مع سي يوسف و يتناقشو في كتاب و سعات تجي ضدو و تقعد تجادل فيه لين تغلبو و تقنعو تخليه يضحك و تخرج .. كانت تتفاهم برشا مع ريان بحكم كان قريبلها في العمر مزال والع بروحو كانت ديما تنصح فيه و توجهو و هو من غير ميشعر رتاحلها و ولى يحكيلها كل شي .. و بطبيعة الحاااال عركها و مشاكلها مع مهدي متوفاش كانت كل يوم قبل متمشي تقري تفسد عليه نومتو و تعملو عملة و تهرب .. و ديما مكسرتلو راسو بحديثها و أسئلتها لي متوفاش بحكم كانت تحب تعرف و تفهم كل شي... خلي عاد كيف متفهمش حاجة بالانڨلي تمرجو و متسيبو كان ميخدمهالها .. سعات تكلمو و هو ساهر مع صحابو ترصيلو يفسر ويفهم تقولش عليه هو لي عدي في الباك ....
نهار ع نهار تزيد تتقرب منهم اكثر و اكثر و تزيد تتعلق بيهم كلهم عطوها الحب و اللهوة لي كانت فاقدتها بعد امها و بعد غياب عمرررر...
نهار تعدالها مهدي بش يروح بيها قعد يستنى يستنى و هي مخرجتش دخل يسأل عليها قالولو لي هي مجاتش زوز سوايع لخرانين رغملي كان متأكد لي هي مشات تقرى .. قعد يكلم فيها مهزتش و بعد تلفونها تسكر .. روح للدار ملقاهاش زاد تشغب.. هو هكاكة و يسمع في حس الباب تحل .. يلقاها داخلة رمت ساكها و جات طالعة ..
-ايجاااا هوني
-سملة فجعتني
-فين كنت
-وين عندي نكون بربي
-موش نرمالمون تكمل 4 تعديتلك و ملقيتكش
-اااه اي زادونا ساعة ماو ..
-شبيني نكلم فيك متهزش و بعد سكرت تلفونك
-تي نقرى يا مهدي كيفاه تحبني نهز عليك ..اخطاني توا راسي يوجع فيا و معنديش خلوق للعرك
مشات طلعت وخلاتو
مهدي محبش يقلها شي لحظتها ويحصلها بكذبتها...مكانش يحب يدّخل فيها برشا ...كان يتوّقع انها تقلو لحقيقة .. يعرفها كيف تعمل حاجة تقول عملت و كي متدخلش تقرى تقلو مدخلتش و اوموري.. اما مدام كذبت عليه أكيد فما حاجة مخبيتها و يلزمو يعرفها..الحلقة 12
مكانتش هذيكة اول مرة تغيب و متقولش تكررت لحكاية مرتين اخرين و كل ميحكي معاها تشعل فيه و تدخل بعضها و تتهرب و هو كيما كل مرة كان يتغاضى عالحكاية كيما ميحبش شكون يدخل محبش يدخل فيها
نهار هو متعدي قدام الليسي متاعها بالصدفة ويشوف فيها واقفة تحكي مع صحبتها حبس بعيد وقعد يعس عليها لين شافها خذات تاكسي و مشات .. طول خدم الكرهبة و قعد يتبع فيها...
شافها حبست قدام فاك المدسين لي هزها ليها قبل .. وقفت يجي درجين تخزرلها من بعيد هيا جات داخلة ويجيها تلفون
-وي مهدي
-وينك !!!
-في الليسي نكمل الخمسة و بش تجيني خالتي من غير متقلق روحك ..
علق عليها .. لحظتها معاش ينجم يعدي و قرر انو يحط حد للموضوع حسها تتمنيك عليهم... و مهدي مالنوع لي ميحبش شكون يستخف بيه ويحاول يعديها عليه و اكره ميكره الكذب و التلوعيب ...
هبط مالكرهبة كالب خلط عليها و جبدها بقوة دورها ليه.. اول مشافتو عينها و ساعت حست الدم لي يمشي في عروقها تجمد .. و من غير ميخليها تنطق بحرف يشدها من هز بقوة ويهزها يطلعها في الكرهبة ...
مقلها حتى شي طول خدم الكرهبة و طار ..
ثنية كاملة و هي مهبطة راسها ساكتة بعد تلفتتلو مترددة
-م.مهدي والله م....
-سكككررر فمكككك متحكي معايا حتى كلمة تواااا
ترعبت مالصيحة لي صاحها و الطريقة لي حكا بيها اول مرة تشوفو في الحالة هذي حستو تحول ولى عبد اخر
وصل لطريق فارغ خذا فران قوي حبس الكرهبة و قعد يخزر للطريق قدامو كان نفس داخل و خارج بعد حل الباب و هبط .. و هي تبعتو و بقات تخزرلو ساكتة و في لحظة تلفتلها وقام يصيح
-تسخايلنا دغف عندككككك .. تكلم حل فمك بلكشي ماشي في بالك مفيباليش بيك عندك اكثر من جمعة الفاصعتو اكثر ماللي قريتو وين نسئلك تطلعلي بكذبة .. و نسكت نقول تو تجي و حدها وحدها و تحكيلي و مخممتش اني نتبعك خاطر بالرسمي عطيت فيك ثيقة اصلا كلنا عطيناك ثيقتنا مشا فيبالنا تحب تقرى ع روحك و تخرج مالهم لي كنت فيه اما سيادتك اول ملقيت الفرصة و لقيت الدنيا عطاتك مشيت تتهومل و تخدم في مخك à-savoir شقاعدة تعمل...
كان يصيح ويعيط مخلا مقال وهي تخزرلو حالة فمها مصدومة في الكلام لي يحكي فيه لين معادش تتحمل
-يزززي اسكت معاااااد تزييييد حتى كلمة منسمحلكش تحكي عليا بالطريقة هذي منيش هاملة قدامك ..
-شمهز امك للغادي مالة مخلية قرايتك و ماشية للغادي شتعمل ! ..ماك كان جيت تعمل في حاجة تشرف راك ماكش تخبي و تكذب و تدخل بعضك كي نحكي معاك ..
حست روحها معاش تتحمل لكلام و الاهانة لي تسمع فيها هزت ايدها و جات بش تضربو بكف لكنو شدها و لواهالها بقوة و قرب منها عاللخررر..
-رد بالك والله نفسخك مالدنيا .. عديتلك ياسر متخراش فيه
-سيبنييي انت اخر واحد ينجم يحكي ع الشرف.. قبل متهين لعباد و تظلمهم اسأل و افهم واعرف و بعد حل فمككك!!سيّب ..
سيبها و دفرها و مخسر عليها كان:
-قداه تقززني انت والبنات لي كيفك انتهازية كان الكذب و الترهدين و الخباثة
بقات حابسة شادة ايدها لي زعمة كسرهالها و تخزرلو كانت تلهث وجها احمر و عينها مرغرغين و تخزرلو في خزرة كلها حقد و كره ...
هبطت دمعة ع خدها مسحتها فيسع و مشات وقفت قدامو .. بقوة المرة هذي و راسها في السماء لا هبطتو ولا خافت منو..
-تعرف حاجة .. معاد يهمني حد في الدنيا هذي قول لي تحب خبيثة ،كذابة ،هاملة ...
المفيد انا نعرف روحي شنوا .. صحيح كذبت و خبيت عليك و مشيت للغادي بالسرقة و مكانتش هذي اول مرة .. اما هذا ميسمحلكش انك تشك في تربيتي مجيتش خرجتني من وكر دعارة بش تعمل هذا لكل .. انا لضريت حد و لا عملت حاجة عيب .. وثقتو فيا عطيتوني حبكم و اهتمامكم و برشا حجات مكنتش نتمناها لكن هذا ميخليكش تتحكم فيا تذلني تعزرني و تهيني ..مهدي! من ليوم معاش بش ترى وجهي نطلب منك حاجة وحدة متقولش للخالتي و عم يوسف شنوا صار ..بالنسبة ليك انت متعنينيش خمم وقول لي تحب ..
هزت روحها و بقات تمشي و تمشي و هو يتبع فيها بعينو لين اختفات .. حس روحو تخنق منجمش يوقفها و منجمش يخليها .. ضرب العجلة متع الكرهبة بعنف و بعد طلع..الحلقة 13
لين طاح الليل و هي تمشي و كل مرة تقعد في بلاصة تبكي شوية و تقوم ..
لين لقات روحها بحذا لبحر .. قعدت مقابلتو من بعيد تخزرلو و سارحة ..
مكانتش وحدها غادي مهدي كان قاعد في بالكرهبة من بعيد يخزرلها .. ماللي مشات و هو يتبع فيها ..
لحظتها حس روحو هدى هبط و مشالها قعد بجمبها .. من كثرت التخمام و الوجيعة .. محستش بيه ...
- علاش تمشي للغادي
قامت من سرحتها مفجوعة دارتلو كان اخر واحد تتوقع انها تراه .. بعد لفتت وجها وبقات ساكتة
-منيش مسيبك كان متجاوبني
-فماش علاش بش نجاوبك
-لا بش تجاوبني و بعد تو نمشي ع روحي
خزرتلو بقات ساكتة بعد هزت راسها للسماء و بدات تحكي .. ممكن لحظتها كانت مستحقية انها تفرغ قلبها للحد حتى لو كان مهدي لي ساعتين للتالي مخلا مسمعها ..
-عامين للتالي تعرفت عليه.. بدات بعركة بعد ولات صداقة بعد ولى حب لين ولى كل شي في حياتي.. قول "حياتي" ... كان معوضلي الام . البو . الخو .. الصاحب ... كان مصبرني ع عيشتي .. مصبرني ع كل حاجة خايبة ...
اشهرة لتالي سمع بابا و بطلني مالقراية كيما تعرف .. من وقتها مقابلتوش اما كنا نتواصلو عن طريق اختو لي كانت تجيني بالسرقة .. لين نهار جاء واحد عندو لفلوس و اكيد بويا عطاني من غير ميخمم تي كان بش يطير بالفرحة .. ماللي سمعت صحبتي معاودتش ريتها رغملي كنت مستحقتلها مستحقة نعرف هو شعمل فينو شناوي يعمل كيفاه بش ينقذني ويجي خرجني مالهم هذاكة كيما وعدني .. كنت مستحقة نراه تخنقت كان لازم نراه و منجمتش مخليت معملت لكن شي بويا كان اقوى مني و منو سمعت بيه تعارك مع بابا عركة كبيرة .. لكن مصار شي لقيت روحي كان لابسة روبة ويحظرو فيا بش نكتب صداقي .. صداقي ع انسان منعرفوش صداقي و انا مزلت مفرحتش بعمري و بقرايتي .. مفهمتش كيفاه صار و شنوا صار لقيت روحي قدام بابكم و واقفة قدامك ليلتها...
سكتت شوي خزرتلو و بعد عاودت هزت راسها و رجعت تحكي و مهدي كان مركز معاها عاللخر .. و محبش يقص عليها جملة ..
-لقيت روحي في عالم اخر عايشة عيشة اخرى جو اخر و دنيا اخرى.. الف حاجة تمنيتها جاتني في طبق من ورد .. لقيت حب اخر و لهوة اخرى .. جو متع قراية صحاب جدد كرهبة تهز و كرهبة تجيب نقرى في احسن ليسيات و عند اخسن الاساتذة نلبس اعز لبسة و ناكل اعز ماكلة .. ايدي راسي معاش نهزها.. لكن بقات حاجة ناقصة .. نجمتش نقرى نجمتجش نركز في القراية حاولت نبدى من جديد و حياة جديدة لكن منجمتجش .. منجمتش ننساه اي حاجة تفكرني فيه منجمش نكون فرحانة من غيرو هو الانسان الوحيد لي يفهمني ويشجعني ويدعمني نجمش نعمل شي من غيرو .. مستحقيتلو برشا مستحقية نحكي معاه مستحقية نراااه بررشا حجات نحب نقولهالو و نحب نسمعها منو .. حاسة غصة في قلبي ع قد ماهو قريب مني ع قد ماهو بعيد .. 4 شهور خلات فيهم الدنيا وجلات تقلبت حياتي الف قلبة و هو مفماش ..........
بقات ساكتة تخزر للفراغ لي قدامها.. مهدي كمل سمعها هبط راسو قعد سارح هو زادة يخمم بعد تلفتلها
-حاسب مفهمت انو الشخص هذا يا إما يقرى غادي ولا يخدم غادي .. وانت وين تلقى الفرصة تمشيلو الشخص هذا اكيد لي اسمو عمر متع المرة لي فاتت
عملتلو براسها اي
-شقلك شنوا صار !
- ' ملقيتوووش...' وين نمشي للفاك نبقى نفركس عليه اما منلقاهش ناس لكل حفظت وجوهها كان هو مفماش .. معاش نجم نتحمل معرفتش كيفاه نوصلو .. وين نلقاه وقتاه بش نلقاه بالرسمي تعبت ...
و تشدها البكية تهبط راسها و تسيب دموعها ..
-باهي يزي اكيد بش تلقاه و ترجعو كيما قبل و احسن معندو وين يمشي ... جبد مشوار و مدهالها .. بقات تمسح في دموعها و هو يخزرلها و جها ولى احمر و عينها حمارو.. خلاها لين سكتت و شدها من ايدها و دورها ليه
-ميرااال اول مرة بشج نقول للحد الكلمة هذي بخلاف امي اول مرة نقولها و انا حاسها .. "سامحني", عالليصار قبيلة مفهمتش كيفاه انفعلت هكاكة حسيتك عديتها عليا محملتهاش مكنت نقصد حتى كلمة قلتها كانت فورت غش مشكلتي كيف نتغشش معاد نفهم شي ..و انا موش منفهمش و لى منعرش لبنات عارفك متربية و عاقلة، تصرفاتك حفظتها حفاظة .. نعرفك ع شنوا تمشي و ع شنوا تجي اصلا من اول مرة ريتك فيها قريتك قراية .. شخلاك ع قد متقلل تربيتك معايا و تعلي صوتك و تعملي مشاكل نعديلك خاطر نعرف موش من قلبك تبدى تحكي هكاكة بش تبين قداكش قوية رغم انو مفماش وحدة حساسة و خوافة قدك .. حتى كيف تبدى تكذب عليا منجمش نكلمك .. نسكت رغملي نكره الكذب اما نحسك عندك حاجة و منحبش نحرجك و خليتك ع راحتك ...
لي صار قبيلة هبلني محملتش نراك هكاكة في تاكسيات ماشية لبلايص متعرفهاش و نزيد نكلمك تقلي نقرى .. حاس روحي حكيت برشا ع كل حال سامحني و كهو ..
بقات ساكتة تخزرلو ..
- هيا قوووم خلينا نروحو ...
قام و خزرلها يلقاها متحركتش من بلاصتها
-هيا قوم ظلامت الدنيا و خالتك خلاتها بالتلفونات
-منجمش نرجع مهدي حتى لو كان طلبت السماح كلامك منجمش ننساه برى ع روحك
-ماللي عرفتك اكثر من شهرين توا واحنا نتعاركو منخلي منقلك و متخلي متقلي و ننساو و توا بش تنسى خاطر انت تعرف انو لكلام لي قلتو فورت غش و منيش قاصدو دونك قوم و تحرك قدامي و يزي بلا دراما هالليلة الكلبة
جبدها و قعد يكركر فيها من ايدها ..مرة يزرقهالها و مرة يفصعهالها حاسة انو نهار بش يجبدها جبدها ينحيهالها و يرتاح--الحلقة 14
روح بيها و تعدى طول للسارة و هي دخلت طول للبيتها دوشت و رقدت..
وصل قدام دارها زمرلها زادت شوية و خرجتلو تجري حلت الباب و طلعت و باستو من خدو
-شبيك للتوا ياخي مشى فيبالي معادش جاي و نكلم فيك متهزش
- تلهيت شوية
-اممم و شنوا لي ملهيك عليا
-والله طلعتلي حكاية نجمتش نجي ايا عاد تكبشش تعرف مفما شي اهم منك ..
-مم باهي باهي .. اسمع مفما حد في الدار ايجا نعدو السهرية عندي معيني في خروج
-هههه متأكدة
-اي واقعد عاقل سي مهدي
-ههههه نحاول
-تعرف خلي خلي نلبس و نجيك نسهرو في بلاصة العادة
-شبيك سارة ياخي متثقش فيا!
-لا اما ..
-اما شنوا؟
-باهي شي، سامحني! هيا سكر الكرهبة و اهبط هه
قعدو في الجردة يحكيو و يتمعشقو ويخططو للحجات بش يعملوها وبلايص بش يمشولها ..
-مجعتش ياخي ماكش ناوية تعشيني
-ههههه لحظة نوصي ع حاجة
-حابب ناكل حاجة من ايدك
-ههههه اخر حاجة نجم نعملها عمري مجربت نطيب حاجة
-تحكي بجدك !
-للاسف --'
-اسمع كل شي نقبلو الا كرشي ممعاهاش لعب ميهمنيش فيك تعلم طيب مكانش ورس امك لناخدك
-،هههههههه باهي ربي سهل شتحب نتعلم اخر سي السيد
سكت شوية تبسم و خزرلها -تعلم بوس منحبش لمرى لي متعرش تبوس .. غمزلها و قعد يضحك ويخزرلها في خزرة كلها خباثة و تبهنيس ملقات قدامها كان صحن فيه الغلة هزت منو تفاحة و رماتها عليه بغل و قامت .. لقفها و قعد ياكل فيها و يضحك
-ااا وصيلنا ع حاجة بالرسمي جيعان و المرة الجاية نحب ناكل من ايدك سمعت
مشات وصات ع عشاء.. تعشاو بعد مشاو حطو فيلم عملو قطانية و بقاو يتفرجو من غير ميشعرو صحفة كاملة كملوها بقاو كان كعبتين .. ملقاو رواحهم كان يتعاركو عليهم لين فكهم و رماهم طول في فمو هزت مخدة ضربتو جات بش تهرب و هو جبدها
-وين بش تهرب مني
-هههههههههه اسمع الضرب لا كان انا عندي الحق نضرب
بقى يخزرلها و يتبسم و من غير ميشعر طبع بوسة خفيفة ع شفايفها
بقات حابسة تخزرلو بعد تربثت و دارت للتلفزة
-هيا نكملو نتفرجو
دورلها وجها ليه
- علاه تتصرف هكا شبيك كابسة روحك معايا ياخي!؟
بقات ساكتة زاد كمل هو :
.... برشا حجات نحب نحسهم معاك برشا حجات نحب نعيشهم وانت ديما تصدني.. ديما تحسسني انو فما حاجة ناقصة في علاقتنا .. متأكد انك تحبني اما سيب روحك زح
بقات تخزرلو لين فاقت بروحها غارقة معاه في بوسة طويلة كان شادها بقوة خايف لتبعد لحظتها كيما كل مرة .. بعد بعِّد عليها بشوية كانت مغمضة عينها دخِّل و تخرج في النفس بالسيف ..
- متخافش منيش بش نضرك اثق فيا نحب نحس انك معايا نحب نحس معاك حجات منجمش نحسهم مع وحدة بخلافك ..
نحى مريولو وغرق يبوس فيها بلهفة..... و في لحظة وقف ....قعد يخزرلها حسها متوترة موش مرتاحة و خايفة منو و موش متفاعلة معاه محبش يكمل .. تقوى ع روحو وقام من فوقها لبس مريولو وخزرلها ..
-كيف تبدى معايا نحبك تكون مرتاحة و متخاف من شي نحبك تعرف انو عمري لا بش نجبرك ع حاجة و مدامك رافضة .. نوعدك انو مستحيل نمسك الا اذا كنت انت حابة..
-مهدي انا موش منحبش اما حاسة انو مزال بكري خاطر ...
-أنسى سارة ..
قعدو يحكيو وكملو الفيلم لين هزهم النوم حل عينو يلقاها متعنكشة فيه ضحك و حاول انو يقوم بشوية و ميفيقهاش شاف الوقت بعد مشى غسل وجهو باسها من رقبتها و خرج..الحلقة 15
تعدى للدار بش يدوش ويبدل دبشو جاء داخل للبيتو يسمع في حس في بيت ميرال .. هذي متطلع كان امو تخرنن مشالها دق اللباب و دخل
-شبيكم
-هاااه هاو جاء مهدي تو يتصرف معاك هو
خزر للميرال يلقاها شادة فرشها متعنكشة في الغطا و تحل في عينها بالسيف
-مالبارح ماللي روحت بيها رقدت طول محبتش تقوم تتعشى و جيت نقوم فيها بش تفطر و تمشي تقرى محبتش زادة
تفكر مهدي لي صار البارح بعد مشى سكر الشباك لي حلتو امو و ظلم البيت
-يا مهدي فاش تعمل
-امي هيا اخرج خليها ع راحتها تو تقرى مهيش هاربة لقراية
-عالاقل تاكل حاجة نحب نمشي نخدم متهنية زيد بلكشي مريضة
-تو تاكل هيا يا امي سيبها عاد و مهيش مريضة متخافش
خرجت و هو تلفتلها و قلها سافا
-عملتلو براسها اي و دارت ع الشيرة لخرى و غمضت عينها .. مكانت حابة ولا قادرة انها تعمل شي حست روحها تاعبة و مخنوقة و فادة من كل شي و مهدي كان فاهمها لحظتها رغملي كان ميفهمش في الحب و عذابو لكن كان حاس بيها.. خرج و سكر الباب لقى امو واقفة تستنى فيه
-شفما مخبينو عليا شبيها ميرال
-امي ياخي لازم تعرف كل شي برا اخدم معاش عليك بكري
-بطبيعة لازم نعرف كل شي و منرتاح الا منعرف.. و قلي وين كنت بايت البارح
-وين كنت هاني جيت امي بربي معاش تسألهولي السؤال هذا افهم راني معاش صغير.. 5 سنين عايش وحدي لبرة مرتاح مفهمتش شمرجعني
دخل للبيتو و خلاها تخرنن مشات دخلت ع ريان قومتو بش يمشي يقرى
-يا امي علاه بربي هكا تقوم فيا تي معنديش كور الصباح لازم تفسدلي نومتي مالسبعة كل يوم
-باهي قوم نفطر انا وياك بوك خرج بكري و تعرفوني منحبش نفطر وحدي اوف منكم تقولش عليا مجبتش
-اه منك يا الهام مترتاح الا متعمللنا طرح دراما عالصباح برى هاني قايم نعمل دوش خفيف و نخلط عليك
-عيشلي ولدي يا ربي لي ياخذ بخاطري صغرون امو هو .. باستو و مشات و هو قعد يضحك الطفل عقريب يغلق 20وهي مزالت تعامل فيه تقول 5 سنين...الحلقة 16
تعدات الويكاند و هي شادة بيتها تقرى في كتاب و لا راقدة متحكي مع حد و متشوف حد.. لين نهار دخل عليها مهدي بقوة حل الشباك و جبد عليها لغطاء رعبها جبدها من ايدها و دخلها للدوش
-فيدك درجين تعمل دوش و تخرج ، تلبس بالباهي و تهبط تو تلقاني نستنى فيك
-مهدي شبيك ياخي شفما
-فيسع تحرك موش وقت حديث
خرج و خلاها موش فاهمة شي تأففت و بعد نحات دبشها و هبطت في البانو .. عبتو بالماء وقعدت متكية نسات روحها ... لين رعبها حس الباب و تسمع في مهدي خاليها البرة
-خرجتشي توا قتلك فيدك درجين موش نص ساعة راو
-تي اخطاني مهدي زيد منقراش توا
-هاني داخلك تو نخرجك بطريقتي
-يا خرا لا هاني خارجة لحظة
-تحررك! وانت متفهم كان بالتهديد
كملت دوشت لفت منشفة قصيرة ع بدنها حلت الباب بالشوية و طلت براسها ملقاتوش خرجت و قعدت تشوف شبش تلبس و يدخل مهدي لي كان في البلكون متع بيتها يتكيف و يستنى فيها...عينها و ساعت و تهز صيحة ع طول صوتها و تحط ع ساقها ووتدخل للسال دو بان تجري
-نرمال انت شتعمل في بيتي اخرررج والله مندمك ع عملتك انتهكت حرمتي يا وبش
قعد حابس في بلاصتو هو مفهم شي كمل سمعها شتخرف بعد خرج يضحك.. عرضتو نجلة مفجوعة
-شبيها ميرال سمعتها تصيح
-صارلها انتهاك حرمة.. مسكينة ع سن صغرها .. ههه اسمع كيف تخرج قلها هاني نستنى فيها في الكرهبة
.....
طلعت و سكرت الباب و تلفتتلو
-ها نعم سي مهدي هاني عملت لي قتلي عليه الكل شفما
-عندي ليك مفاجأة .. اما قبل كل شي بش نعديك نفطرك و نوكلك بالباهي شبيك ضعيفة اكاكة طلعت
تهز ساكها و تضربوووو
-مسقطتك قعدت تثبت زادة اصلا شيهمك في امي ضعيفة ولا نشاء الله حتى بش ننفجر و تزيد تضربو مرة اخرى
-نقص حسك نفدلك و ايدك هذيكة بش نقصهالك نهار والله يا ميرال كان ماكش بش تنقص مالهمجية و هزان ايدك بش تخليني نعمل حاجات خايبة
-انا مبتهددش --'
-اي هاو فيبالي
وصلها بحذا ريستو صغير و متواضع، و وقف الكرهبة بعيد شوية
-لقيتو
-شكون
-عمر ..
بقات حابسة تخزرلو
-متستغربش منيش بهيم كيفك بش نمشي لفاك كبيرة و نبقى نطلفح نفركس عليه في وصت الف عبد .. ع كل حال منطولش عليك.. سي عمر متاعك يقرى و يخدم حاسب مفهمت و ديما يجي هو و چروب صحابو يفطرو هوني .. و نومرو تلفونو الجديد دبرتو زادة دونك معندو وين يهرب ..
-حطت ايدها لثنين ع وجها مالفرحة بعد وجها حمار و ولات ترعش
-مهدي ستنى ستنى امان قلي انك ماكش تفدلك بالرسمي لقيتو متأكد هو! باهي كيفاش عرفت هذا الكل
-هههه بشوية يا سخطة بش دوخلي .. كلمت شكون نعرفو في الفاك جابلي تقرير مفصل ..
-يعني هو لداخل توا
-نورمالمون لا .. مع حكاية 12 يجي يفطر هوني توا 11:30 اقعد ستنى في الكرهبة و عس بالباهي..وانا هاني بش نعمل تلفون متع خدمة تو نرجع ..
ترمات في حضنو عنقتو بالقوي كانت تضحك و تبكي في نفس الوقت
-عيشك مهدي والله وصلت فقدت الامل اني نلقاه.. بالرسمي وقفتك معايا ننساهاش
-هههههه مفما شي بلاش .. ايا يا سيدي شد عندك .. مدامك بش ترى سي عمر متاعك و ترتاح بش تولي تتلها زادة بقرايتك تعرف شمعناها تتلهى بقرايتك يعني تشربها شربان .. ثانيا تنقص من دلالك و همجيتك و حسك الزايد خاصة معايا انا .. تنقص من تطويل لسانك.. على خاطرني قررت معاش بش نعديلك و اي حاجة تعملها بش نحاسبك عليها ... و تنسى حاجة اسمها شمدخلك فيا ع خاطر منوهكا اي حاجة تعملها تقلي عليها و اللي نقلك عليه انا تعملو .. فهمت
-اووه برا عاااد --'الحلقة 17
تكي مهدي هالكرهبة و قعد يحكي في التلفون وهي بقات تريچل في روحها و تفركس بعينها و قلبها يدق .. و بعد انتظار طويل شافتو جاي من بعيد هو و چروب كان يحكي و يضحك كيما عادتو حست بضربة في قلبها
و وجها حمار مهيش مصدقة انو عمر قدامها و قاعدة تشوف فيه.. بلحمو بدمو بمشيتو بضحكتو حلت الباب هبطت تجري و خلتو محلول .. بقات تجري لين وقفت قدامو بشوية و حبست تخزرلو و تلهث حبت تتأكد لي قدامها عمر بالرسمي ولا تحلم .. اول مشافها تصدم اخر حاجة كان متوقع يشوفها قدامو قعد يثبت موش مصدق بحكم تبدلت فيها برشا حجات خاصة لوك شعرها و ستيل لبستها .. هو مزال مستوعبش و هي تترمى في حضنوو و تعنقو بكل قوتهاااااا .. مهدي لحظتها نسى التلفون قعد حابس يخزرلها من بعيد بعد تبسم كيف شافها عنقتو و قعد يتمتم "شو بنت لحرام معاش تحشم والله منحاسبها عليها ..
بعدت شوية و بقاو يخزرو لبعضهم
-ميرال شتعمل هوني
-فركست عليك ولقيتك عمر زح وينك وين كنت متتصورش قداه تعبت من غيرك ..
-عمر شكوني ؟؟؟!!
كانت طفلة حاطة الحطة و واقفة بحذا عمر و مصدومة مالموقف لي صار
تلفتلها عمر مربوث
-ااا قريبتي نسكنو فرد بلاصة .. براو ادخلو واطلبولي معاكم هاني خالط
جبد ميرال من ايدها و بعد بيها شوية هي بقات مصدومة من ايجابتو
-شنوا قريبتي و نسكنو فرد بلاصة صار هذا شوليت نعنيلك
-ميرال افهمني م...
-شبش نفهم !
- قاعدين يخزرولنا من غير متصيح و تعمل الفضايح .. و كان انت تعبت حتى انا تعبت زادة في جرتك شهور وانا عامل المستحيل بش نوصلك ضيعت خدمتي و قرايتي و قعدت غادي نتعارك مع لي يسوى واللي ميسواش وفي لخر سي بوك مخلا معمل فيا و في عايلتي .. بعد سيادتك هربت الله اعلم وين مشيت كنت تنجم تجيني انا اول واحد و لا تبعثلي مع شكون انت فين .. غبرت و جاية توا تقلي تعبت من غيرك و واخيرا لقيتك
-عمر فاش قاعد تحكي انا اول مهربت مالدار مكنتش عارفة فين ماشية من اصلو مكنتش نجم نجيك خفت لحد يشوفني واول مريڨلت اوموري قعدت نفركس عليك من بلاصة لبلاصة كلمت اختك علقت عليا و تلفوناتك مسكرين .. شبيك تلوم فيا ع حاجة معندي فيها حتى ذمب
-باهي مدام ريڨلت اومورك ديجا هاو باين عليك شنوا تحب مني
-ياخي شبيك بش تهبلني تي انا عملت هذا الكل ع خاطرك هربت تذليت كل يوم وانا مطيشة في الفاك متاعك نفركس عليك 4شهور كاملين وانا بش نهبل من غيرك نستى وقتاش نراك و نرجعو كيما قبل و انت جاي توا تقلي شتحب مني ! عمرررر فييييق شبيكككك
-يزي بلا صياح ..ميرال انت عمرك معملت حاجة ع خاطر حد ديما تخمم في مصلحتك الف مرة نقلك ايجا معايا تقلي لا و قرايتي و شبش يقولو لعباد توا ركبلك بش تهرب و تعمل هذا الكل ع خاطري .. فات الفوت .. يزي ما تعبت و ضحيت معاك معادش نحب مشاكل و تكسير راس انا مصدقت خرجتك من مخي و نسيتك .. و توا حابب نخمم كان في روحي شوية.. نبني مستقبلي و نحقق احلامي كيما تقول انت ..
-بش نحسب روحي مسمعت شي .. اما نأكدلك انو معاش بش يكون فما مشاكل حياتي تبدلت والله معاش فما حتى خوف من حد بش نكون قريبة منك وليت نسكن هوني عند خالتي عمر م....
-ميراال يزي لي بيناتنا وفى عندو اشهرة..شبيك متحبش تفهم ياخي ..
مهدي كان في الكرهبة مركز معاهم ويستنى فيها قعدو برشا يحكييو لين شافها قامت تضرب فيه ع صدرو ودز فيه و تصيح .. عمر شدلها ايدها درى اش قلها و دفرها وقام يصيح هو زادة قلها برشا كلام يوجع قلها لي هو معاش يحبها و معاش عينو بيها قلها بش تبعدو و تخليه يعيش حياتو
-مالصدمة طاحت في القاعة وتفلقت بالبكاء ع طول صوتها الناس الكل بقاو يخزرولهم ..
كانت تبكي و تسب فيه و تتحصر عالايامات لي عداتهم تبكي عليه
مهدي كيف شافها هكاكة هبط مالكرهبة و مشالها يجري ساقو اعلى من راسو .. طول جبدها من ايدها بقوة و قومها قعد شادها و تلفت للعمر عرف انو وجعها وخذلها شدو من رقبتو بزق عليه و دفرو "منيش مسيبك هاني راجعلك"..هز ميرال و مشى .. . عمر قعد واقف في بلاصتو موش فاهم شي راجل مذخم جاء في لحظة هزها و مشى ! شكونو منين تعرفو و منين يعرفها كيفاش و صلت لغادي كيفاش ولات هكاكة و كيفاش للتوا منساتوش.. برشا اسئلة بقات دور في مخوالحلقة 18
طلعت طول للبيتها تكركر في ساقها مصدومة .. مكان فما حد في الدار كان نجلة بقى مهدي يحكي معاها.. لين يسمع في حس الفوق طلع يجري حل الباب يلقاها تضرب و تكسر في كل حاجة تلقاها قدامها كانت تصيح ع طول صوتها مهمها في في حد و مشافت حد شعرة لجابت الفاز في راس مهدي .. نجلة ماتت بالرعبة حطت ايدها ع فمها و بقات تخزر و مهدي قرب منها بش يهديها..
-سافا يزي
-ابعدوني اخرجو عليا منحب نرى حد اخرجوووووا
-ميرااال اهدى عيش اختي
-قتلك سيبني متفهمش ياخي اخررررج
-منيش مسيبك يزي بلا صياح و نحي اللي في يدك
تزيد ترميه عليه جاء ع صدرو و ترجع تشدها الهستيريا كان يحاول يشدها و هي تزيد تهبل كانت تضرب فيه و دز فيه بش يخرج ويبعدها محبتش تهدى و هو منجمش يسيطر عليها كانت تتصرف بطريقة موش عادية و تقلهم لي هي بش تقتل روحها و ترتاح . . في لحظة و من غير ميشعر هز ايدو و لفها بكف..
حطت ايدها ع خدها و بقات واقفة مصدومة معملت حتى رياكسيون مهدي بيدو تصدم مالشيء لي عملو.. بلع ريقو و خزرلها.. حطت ايدها ع وجها كالصغار و تفلقت بالبكاء.. محملش يشوفها هكاكة قرب منها عنقها و لزها ليه بقوة بش متزيدش تتهور
-سامحني ميرال من غير منشعر .. لزيتني بش نتصرف معاك هكا
مجاوبتوش و بقات تبكي عندو .. قعد معنقها و هي تبكي بالشهقة مالصدمة و مالقهرة... اطلقت سراح دموعها لي منجموش يخرجو قبيلة كانت حاسة بخنقة و غصة فقلبها سيبت روحها وبقات تبكي لا علا تتفرهد
-قلي شصار !؟ شعملك
بعدت عليه مسحت دموعها و خزرتلو وجها كان احمر و عينها حمر تسخف ..
-معاش عينو بيا و بمشاكلي قلي نسيتك .. معاش دور بيا ..خليني نشوف حياتي.. تعبت منك وم...
حط ايدو ع فمها سكتها
-ميرال اطلب اي حاجة تحبش حتى نفسخو مالدنيا نفسخهولك تووو ..
عملتلو براسها لا و قعدت فوق الفرش
-باهي حاول ترتاح توا معاش تسترجع اللي صار .
تكات غطاها و خرج ..
اول حاجة عملها مشى للعمر فشخو كيما حب واشتهى خلاه مدمدم و مشى .. كان مخو موش فوقو سارح ويخمم في ميرال كانت غايضتو برشا كان حاس بالذمب و ندم انو فركس عليه و لقاه حب يعاونها شوية زاد كمل عليها
روح في الليل يلقاها راقدة قلولو لي هي مخرجتش من بيتها جملة و محبت تاكل شي..
تعدات ليامات .. ولات تقوم تحضر روحها يهزها الشوفور ويجيبها مهدي مالقراية .. لعادت تعلق ولا تتكلم ولا تدخل في حجات متعنيهاش .. لعادت تكسرلو راسو بحسها و بلادتها لعادت تدلل كيما قبل تسبو و تعملو مشاكل و تزيد تضربو بساكها ولا تشدو من وذنو.. مهدي توحش ميرال متع قبل ميرال لي تقومو من نومو مفجوع و تهرب ميرال لي تصيح و تعمل في المشاكل ماللي تقوم لين ترقد .. ميرال لي تدخل للبيتو تسرقلو الشمبوان .. ميرال لي تسرقلو البطاطا من صحنو .. ميرال لي تحكي بصوت عالي.. ميرال لي ديما تسئل متسكتش .. ميرال لي ديما تسلفي ..توحش الضحكة لي كانت ع وجها متفارقهاش توحش يراها هابطة مالدروج تجري و تضحك و شادة قطوستها في ايدها و ترميها ع وجهو سعات ..
ولات جثة هايمة تاكل و ترقد و تمشي تقرى و تروح ديما سارحة ديما راقدة و ديما مسكرة ع روحها و تبكي...
كان كل ميخرج للبالكون يراها قاعدة في البلكون متع بيتها يا شادة كتاب و سارحة فيه .. يا هازة راسها للسماء و تخمم .. يقعد يخزرلها و يدخل ...الحلقة 19
نهار دق الباب و دخل يلقاها قاعدة في البلكون و تقرى في كتاب تلفتتلو
-،اهلا مهدي
-ياخي متفدش مالقراية
-القراية تنجم تقول احسن حاجة في حياتي عالم اخر نهربلو ...
وانت قلي شتعمل هوني موش كارك في الخدمة
-روحت بكري .. هيا قوم حضر روحك خليني نخرجك تبدل الجو
-والله ما عيني يا مهدي
-لازمك تبدل الجو عندك جمعتين وانت مالدار لليسي مالليسي للدار قداه بش تقعد هكا
-مهدي اخطاني معيني في خروج
-بش تخرج من غير متناقشني .. و زيد تو نهزك اعمل شوبينغ و نعملو سهرية تحفونة بدل الجو ماني نعرفكم لبنات تحبو الريق هذا..
-انا منحبش و معنديش مع الريق هذاكا
-مالا شتحب
سكرت الكتاب و بقات تخزرلو
- باهي هزني للبحر
قعد يخزرلها بعد تبسم ..
-احسن ما اخترت .. حضر روحك هاني نستنى فيك لوطة ..
اول موصلو حلت الكرهبة وهبطت تجري حلت ايدها و بقات تشم في ريحت لبحر شعرها يهز فيه لهواء نحات صباطها صفنت سروالها و بقات تتمشى و تلعب بالماء بعد تلفتت للمهدي لي كان يخزرلها من بعيد في الكرهبة عملتلو بيدها ايجا .. هو هبط مالكرهبة و جاه تلفون من عند سارة
-وي سارة
-فينك مهدي تعديتلك للشركة قالولي خرج
-اي روحت
-باهي الشلة الكل ملمومين في بلاصة العادة يستناو فينا .. تتعدالي توا تهزني ولا كيفاه
خزر للميرال لي تستنى فيه بعد سكر باب الكرهبة ..
-برى تو نخلط منجمش نجي توا عندي منعمل
خلط ع ميرال بقاو يمشيو ع الشط قعدو يحكيو بعد تهز ساقها و طشو و بحكم هو يموتو عالفراع بدع بيها..قعدو يتجاراو و يتفارعو ويلعبو بالماء بعد ترماو ع الرمل بالتعب..
-محلاااااااه لبحر تتصورش قداه نحبو ..
بقاو ساكتين بعد تلفتلها
-شنوا تحس في روحك خير
-اي توا خير هه احسن معملت كيف خرجتني
-هذا لي بيك تو نخصصلك نهار في الجمعة نجيبك فيه لهوني
-نهار كهو !!!
-تكبرش كرشك عاد لنبطل موش معندي منعمل
-باهي تو نجي وحدي تقلقش روحك
-مفماش مشي للحتى بلاصة وحدك سمعت ولا
-شبيك تتقلب فيسع ياخي مخيبك كيف تتغشش
قعد يڨحرلها و ساكت
بعد ترمات عنقتووو
استغرب ماللول بعد ضحك
-هههه شبيك
-مهدي عيشششك كان مجيتش انت راني معرفتش حقيقة عمر راني مزلت للتوا نفركس عليه و متمنية نشوفو و .. و.. و...
-ميرال الموضوع هذاكا معاش تجبدو .. اصلا منيش فاهم علاش حازنة عليه هذا الكل .. طلع موش في المستوى ربي معاه تو يجي غيرو...
ميرال بقات ساكتة محبتش تجاوبو خاطر بلي تحكي موش بش يفهمها .. كانت تعرف انو ميعرش شمعناها حب .. شمعناها كيف تتوجع وتتعذب من حد تحبو ....
- شوف اي حاجة تربطك بالماضي انساها و اولهم الطفل هذاكا .. احسبها تجربة فاشلة و تعدات ..
قصت عليه كلامو
-اي مهدي معاش بش نخلي حتى حاجة تبكيني ولا دمرلي حياتي أيًا كان.. هو نساني شاف حياتو و تخلى عليا .. و انا هذاكا شبش نعمل بش نتلهى كان بقرايتي مهدي برشا حجات نحب نعملهم و نوصللهم .. ميستهلش بش نبقى دافنة روحي ع خاطرو ولا ع خاطر بابا ولا على خاطر حد .. وقفت و قعدت ماشية جاية تحكي بصوت عالي و متحمسة برشاااا ...
مهدي من ليوم بش نرمي كل شي ورى ظهري نكذب عليك كان نقلك نسيتو اما بش نتناساه بش نعمل برشا جو بش نقرى ليل و نهار صباح عشية قايلة .. كل لحظة بش نقرى فيها بش ناخو الباك بمعدل باهي.. و بش نقرى حقوق نحب نولي محامية نحب نكون من احسن المحامين في البلاد نحب ... و نحب ...
بعد قعدت بحذاه و ترمات ع الرمل من جديد و قعدت تضحك ..
-هو قال لي انا انانية و نخمم كان في مصلحتي و في روحي ... توا هذاكا شبش نعمل بش نكون انانية و معاد نخمم في حد ولا نفكر فحد كااااان روحي
كان يخزرلها و يسمع فيها ضحككككك بعد قام
- فريمون مرسي نحيت عليا تعب كبير هذا شكنت حابب نخليك تعملو حابك تنسى تفسخ و تبدى من جديد و ترجع اقوى ..توا تهنيت عليييك قوم روّح
-ههه والله مصارها امان خليني عيش خويا
-ميرال عندي منعمل
-٠ماشي لللا سارة متاعك
قرن حاجبو
-وانت منين تعرفها سارة
-اوووه بربي كل يوم و انت في التلفون وي سارة .. ا سارة وينك .. سارة هاني جاي.. سارة راني منيش جاي سارة سارة سارة
-ياخي تتجسس عليا
-بربي بيتك بجمب بيتي سي نرمال نسمع.. خلي عاد كيف تخرج للبالكون تقولش عليا قاعدة حذاك.. زيد نسمع في برشا حجات اخرى بخلاف حكاياتك مع سارة ..شي كبيررر نحشم بش نعاودو--'
هبط و شدها من وذنها بالقوي
-كان مزلت تتنصت عليا وذنك نقصهملك فهمت
-والله لاني بالعاني صوتك واصل شتحبني نعمل تي بربي ملقيت منسمع انا نعيش في جفاف عاطفي وانت نهار و طولو تتمعشق بحذايا والله شي يوجع القلب اصل
-هه باهي قوم تو ندبرلك راجل قوم بركا .. كارثة متع وذنيالحلقة 20
روح بيها كانت الدنيا ليل .. طلع بدل دبشو وخلط ع الجماعة ..
-حبيبي شبيك بطيت
-تلهيت مع ما كوزين شوية هاكم ريڨلتو جوكم سايي
-نعم مع شكون تلهيت
-تي تلهيت و برا
-شكون تا كوزين سي مهدي
-تعرفهاش تي شبيك تكبش
-مهدي نرمال مخليني انا ولاهي مع غيري و تقلي شبيني نكبش
- صغيرة راي وزيد في مقام اختي .. هه شنوا بش نبداو طرح الغيرة من توا
-اممم وكي هي صغيرة فاش لاهي معاها هذا الكل
قعد ساكت لحظات ملقى ميجاوبها صحيح هي في نظرو صغيرة اما عاطيها من وقتو تقولش عليها حد كبير قعادو معاها ع قد ميبينلو قداشها كبيرة فمخها تفهمو ويستمتع بالحديث معاهم يحسسو زادة انها ساعات طفلة صغيرة يشيخ عليها ويعمل جو معاها و عليها ... قعد سارح شوية بعد خزر للسارة بغش
- تعرفني منحبش تكسير الراس و الاسئلة الزايدة و منحبش الخنقة متفسدهاش هالليلة و خلينا رايضين ..
-باهي مهدي باهي .. انت تدخل في كل شي و تحب تعرف الشقيقة و الرقيقة اما انا كيف نسألك سؤال نولي نخنق فيك
طفاها وقعد يحكي مع احمد صاحبو وهي بقات تاكل في روحها ماكلة ساعات عندو برود و تصرفات تفددها وتقتلها عرق بعد عرق.
ميرال من وقتها بدات تتناسا لي صار حطت وقتها و تفكيرها الكل في القراية كل يوم و هي تقرى ليل و نهار .. عمللها سي يوسف زوز اساتذة يجوها للدار يقروها و مهدي كان لاهي بيها في الفرنسي و الانڨلي كبشت فيه بش يقريها ويعاونها فيهم ..
و متحلالها لحفاظة كان الصباح بكري تقوم الستة و تبدى تحفظ ع طول صوتها ماشية جاية في البيت و شادة الكراسة فيدها ..
و بحكم مهدي كانت بيتو جمب بيتها متخليهش يرقد من وقتها و هو موش شابع بالنوم دروس التاريخ و الجغرافيا حفظهم بالعمل 😖
تعدااات ليامات كانت كل نهار سبت عشية يخرجها مهدي يقعدو عالبحر تبدل الجو و يبقاو يحكيو لين يطيح الليل ..ولى نهار مقدس و حق مكتسب لازم منو مهدي كانت تعجبو القعدة معاها و هي زادة تتفرهد و متسيب دلالها و بلادتها كان عليه.. اول ميروح في الليل مخر يطل عليها سعات يلقاها راقدة يغطيها ساعات يلقاها راقدة فوق البيرو يقومها ساعات يلقاها مزالت ساهرة تقرى يقعد بحذاها شوية يهر عليها يسألها شعملت نهار كامل ويخرج .. كان اول ميروح للدار يسأل عليها فيني جات مجاتش ولا وين مشات .. يعرف عليها كل شي كيفاه تعدي نهارها شكون صحابها مع شكون تخرج مع شكون تحكي .. يتحكم فيها في برشا حجات ساعات حتى في لبستها .. و في نفس الوقت مدللها اش متطلب يجيبلها كان كل ميروح ولا يهبط لفرانسا بخدمة يشيخها شكلاطة مالانواع لي تحبها و كيف ياخو برفان ياخذلها معاه من اغلى و احسن الانواع واي كتاب تحب تقراه يجيبهولها .. فيسع ولاو قراب لبعضهم كان يرى فيها صغرونتو واختو و صديقتو لمهبولة.. كان يحس تيجاهها بمسؤولية كبيرة.. وهي كانت ترى فيه الصديق و الخو لكبير لحنين و البو الصعيب كان معوضلها برشا حاجات اي حاجة توجعها حتى كلمة تشكيلو و تحكيلو كل شي.. و اي مشكلة توحل فيها تكلمو هو اول واحد .. كانت تحس فيه سند ليها .. حتى خالتها ولات تغير تحسها متعلقة كان بمهدي و اكثر واحد قريبلها في الدار و تبدى تدكك عليها .. اما عاجبها الوضع حست قربها لمهدي يخليها متهنية عليها
البريود هاكي جدها كان يحاول يتقرب منها .. قلبو حن.. ملي ماتت بنتو وضميرو يأنب فيه لكنو ميحبش يبين ضعفو.. ظهور ميرال زاد تعبو قداش ذكرتو ببنتو.. قداش تشبهلها.. ولى يتبع فيها يراها من بعيد كيف تبدى داخلة تقرى ولا خارجة كانت تصرفاتها وحركاتها و الحيوية لي فيها تذكرو ببنتو لي متمني ترجعلو ويصلح لي فات.. ميخليهاش تبعد من بحذاه مهما صار ومهما عملت ومهما تحدتووو... كثرت مشياتو لدار الهام .. ولى يهز معاه كادوات لميرال كان حابب يتقرب منها ويعوضلها شوية ماللي فات .. سعات يجيها بالذمة يخرجها .. ولات هي زادة تمشي طل عليه اما فوق من قلبها ماخذة في الخاطر وبرا مكانتش تعرف شصار اما كانت تحسو ظلم امها برشا ..الحلقة 21
نهار كانت قاعدة في بيتها تقرى حكاية 11 متع الليل حست روحها تعبت رمات الكراسة و خرجت للباكون لقات مهدي قاعد في الجردة يتكيف تهبط تجري و تجيه من تالي تفجعو و تشيخ ضحكك بعد تجبد كرسي و تقعد مقابلتو
-شتعمل هوني برى اقرى
-تعبت اخطاني .. جبدت السيڨارو من ايدو و رمتو
-تعرفني نحملش ريحتو ههه
-تحملش الدخان تقوم من بحذايا موش تعمل لي عملتو توا .. بش نفشخك نهار ع تصرفاتك راني شاد روحي بالسيف
-باهي اس بركا قلي شتعمل هوني كي سبتك ماكش البرى تتهومل مع صحابك من بواتا للبواتا
-تاعب و معيني في خروج
سكتت تكات عالكرسي و حطت ساقها فوق الطاولة و بقات تخزر للسماء
-مهدي شو النجوم محلاهم واااو جادووووغ
هز راسو و بقاو يخزرولهم ..
-مهدي شنوا احلامك و طموحاتك لي تحب تحققها .. ولا قول انت عندك كل شي احلامك الكل محققة هه ملا سؤال حتى انا
بقا ساكت بعد عمل كيفها و حط ساقو فوق الطاولة و حط ايدو ورى راسو و خذا تنهيدة كبييييرة
- .. قريت في امريكا و تخرجت par mention.. حبيت نكمل نبني روحي غادي نعمل projet كيمل نحب انا .. كانت عندي برشا حاجات نحب نعملها مخطط لحياتي بالباهي اما موش كاتب .. بابا اصر اني نرجع للتونس و ناقف معاه في الخدمة.. منجمتش نعارضو.. .. ّ...عندي اكثر من عام ملي رجعت لتونس ..هذي هي حياتي نهار كامل نعديه نخدم و في الليل نسهر و نشرب و نعمل كل شي لي يتعمل واللي ميتعملش ..نحس في روحي عايش حياة تافهة .. موش هذا انا موش هذي العيشة لي نحب عليها ..
بقات ميرال تسمع فيه و ساكتة بعد قربت كرسيها بحذاه
-مهدي علاش متخزرش من ناحية اخرى بالعكس شوف قداكش ناجح في خدمتك حاسب منسمع من عم يوسف ملي وليت معاه الشركات كبرو و سمعت انك حليت فروع في زوز بلدان اخرى ديما تربح اي صفقة تدخل فيها.. حياتك موش فاشلة .. الف حد يتمنى يعمل شطر لي تعمل فيه انت كل مرة و انت في بلاصة كل مرة تقابل عباد جدد و تدخل في خدم جديدة و تجرب اي حاجة تجي ع بالك.. والله قداش تعجبني حياتك نحس فيك انسان ناجح رغملي مزلت صغير ..عنديش برشا نعرفك اما في ظرف اشهرة عرفت هذا الكل .. و مزلت بش تعمل ..
-ميرال لي نعمل فيه مجرد واجب عادي يعني نحس في روحي واقف مع بابا .. موش خدمتي خدمت بابا .. كنت حابب نبدى وحدي و مالصفر نصنع روحي بروحي .. جاوني برشا عروض في امريكا برشا حجات كنت نجم ننجح فيها ونقلبها الدنيا هههه .. انسى..
-اهررررب هه اعمل كيفي و اهرب و حقق احلامك مهدي و عم يوسف يجي نهار و يفهمك
-هههههه ضحكتني و معيني في ضحك
بقات ساكتة لكنها بقات دور في الحكاية قي مخها وقررت انها تعمل حاجة .....متعرش شبش تعمل اما لازم تعمل حاجة ماكم تعرفوها تريضش..
-مهدي
-امم
-قلي شنوا اكثر حاجة تفرحك
-قلي شفز عليك انت هالليلة الكلبة الساعة !!
-تي امان جاوب نحب نعرف
-نعرش.. بون! نفرح كيف نعمل حاجة باهية نعاون حد ولا ناقف مع حد ولوني منيش ديما نعمل في الحجات الباهية.. نفرح كيف نرى الهام تضحك.. نفرح كيف نرى بابا فرحان و فخور بيا في الخدمة..
-و شنوا الحاجة لي تغشك
-الاسئلة ياسر
-ههه و شنوا اخر
-الكذب
-وشنوا اخر
-الخنقة
-و..
-كهو ميرال كهو برى مرقد فددتني
-باه باه اخر سؤال
شنوا كثر حاجة عملتها و ندمت عليها
-منندمش
-هممم.. و شنوا اكثر حاجة متحبهاش في روحك
-دمي السخون فيسع نتنرفز نتقلب و نقلب الدنيا نجم نولي شيطان في اي لحظة.. و نعمل حاجات عمري منتصور اني نعملها اي حاجة تجي ع بالي نعملها..
-ههه اي نعرفك كيف تتنرفز والله بالرسمي تولي شيطان نحسك تتحول 😂 قول خافت .. زادت حطت كرسيها بجمبو لسقت فيه و حطت راسها ع كتفو
-وشنوا اكثر حاجة متحبهاش فيا
-اسئلتك التافهة ..
-اعلاه زح لازم نسأل مدامك انسان قريبلي لازم نكون نعرف عليك برشا حاجات بش نفهمك و نحس بيك و نعرف كيفاش نكون معاك خاطر معاش نحب نغشك هههه تصدقهاش لخرى
-كولني كولني بالهف اصلا نجاوب فيك خاطر فادد نوسع بيك في بالي ..
-ههه موش مشكل المفيد تجاوب .. قلي شنوا اكثر ماكلة تحبها بخلاف مقرونة نجلة؟
.......
بقاو ليل كامل و هوما في الجردة هي تسأل و هو يجاوب بعد دورها هو يسأل و هي تجاوب .. بعد دوروها ضحككك كل حد يحكي ع اكثر مغامرات و حاجات تضحك عملوها .. جبدو اهم الاسرااار و فركوها لي يتحكى و اللي ميتحكاش ليل كامل و هوما يضحكو وين يجي بش يجبد ڨارو تفكهولو .. و هكذا دواااليككك .. تكاو عالڨازون و بقاو يحسبو في النجوم صنعة لي معندو صنعة هه.. قداش ملات عليه الدار و ونستو حتى كيف يبدى فادد تضحكو وتخرجو مالمود الخايب..
لكن مكانوش وحدهم كان سي يوسف يخزرلهم من بعيد كان قاعد في البلكون يتفرج فيهم كيفاش كانو يحكيو .. يتفارعو .. يضحكو .. يتعاركو يشدها من شعرها و بعد يرضيها و يرجعو .. يتعاركو و ترضيه هي .. --' ملا ليلة... ضحك و دخل و هوما بقاو متكين لين هزهم النوم لبرة عالڨازونالحلقة 22
مع حكاية 4 متع الصباح الفجر مزال مطلعش حل مهدي عينو قام مفجوع مفهم شي لقى ميرال راقدة عندو معنكشة فيه مالبرد جبد روحو بالسيف وخزرلها بعد حط ايدو ع خدها لقاه چلاص
-ميرال قوم
-اممم
-تي قوم تحرك
حلت عينها بالسيف و عاودت غمضتها
هاو لي يسهر معاك شيصير فيه
قام قعد يخدم في رقبتو لي تكونسات بعد طبس هزها فحملتو عرفها موش بش تقوملو حطها في فرشها غطاعا و مشى ترمى في فرشو و غطس طول هو مزال كيف غفى و يسمع فيها تصيح مشالها يجري يلقاها ترعش
شعل الضوء و دخل
-شبيك شفما
-قمت مرعوبة نعرش شبيني حسيت احساس خايب كأني كنت في عالم اخر
-كنت ملوحة في الجردة راقدة هاو وين كنت
-حليت عيني نلقى البيت الكل ظلام تعرفوني منجمش نرقد وحدي في بيت ظلام شكون طفا الفايوز
-نسيتك سامحني طفيت الضوء و نسيت مشعلتهاش ارجع ارقد توا
خلاها و رجع بش يكمل نومتو و خلطت وراه
-قتلك خايفة متفهمش ياخي مس قلبي منيش نفدلك راو
-ااه منك يا ميرال ايجا ارقد بحذايا و رتحني خليني نكمل نرقد كالعباد
مشات جابت مخدتها و زوز كواتات فرشت وحدة بحذا فرشو حطت لمخدة و تغطات بلخرة
-فاش تعمل توا
-قبل مطفي الضوء شعل الفايوز
-اول حاجة انا منجمش نرقد في الضوء ثاني حاجة فاش قام عاملة فروحك هكاكة و الفرش كبير اطلع لفوق و يزي بلا بهامة
-لا لا يجوز
-تي اطلع و يزي بلا ريق بش ناكلك
-اوك انا نطلع وانت ترقد لوطة
سكت تنهد تنهيدة كبيرة مشى هز مخدتو و خزرلها
-هيا قوم و اطلع ارقد هاني بحذاك متخافش
طلعت و غطست طول في النوم و هو بقى واقف ملا ليلة كلبة رمى مخدتو و تكى لوطة دار منا دار منا شي منجمش يرقد حس ظهرو بش يتقسم .. كيف تأكد لي هي غطست في النوم سايي هز مخدتو و مشى لبيتها ترمى في فرشها ورقد
كيف قامت الهام مشات كالعادة بش تقوم ميرال بش تمشي تقرى لقات مهدي راقد فبيتها مشات لبيتو لقات ميرال راقدة في بيتو حست روحها هي لي داخلة بعضها موش هوما!
قومت ميرال حلت عينها تكسلت و قامت
-ياخي تبادلتو بالبيوت ولا كيفاه
-اه ماو لبارح خفت جيت رقدت هوني هبطت راسها ملقاتش مهدي راقد لوطة
وينو مهدي ياخي
-هوكا راقد في بيتك
قامت و مشاتلو تجري بقات تخضخض فيه
-مسقطتك انا وثقت فيك قتلك راني خايقة خليتني وحدي وجيت رقدت هوني والله لتحشم
هز لمخدة و رماها عليها
-اخرج و ابعدني ميرال راني بش نفز نغفصك مخليتنيش نرقد مالبارح راك
زادت هزت لمخدة و حطتها فوق وجهو بش تخنقو
-والله لاك راقد مالة
قاملها و بقاو يتعاركو صوتهم مالي الدار تحاسب فيه تقولش عليه جابها و نساها بقات الهام تخزرلهم و تتبسم بعد ميرال هزت منشفة و فوتت فيه و دخلت دوش .. عدا ايدو ع شعرو هز راسو يلقى امو واقفة
-لشكون طلعت هالفرخة بنت اختك .. حاسها جابدة عرق منك والله
-ههههههههه تعرف محلاكم شنشيخ عليكم كيف تبداو تتفارعو
خزرلها منغير ميعلق بعد جاء خارج
-ريت كيف قتلك بش تملى علينا الدار .. وانت كنت رافض وجودها معانا توا وليت اكثر حد قريبلها.. كنت نشوفك مرة في الفال توا وليت تروح كالعباد تفطر معانا و تتعشى زادة و تجي عامل جو..
ضحكت ومشات خلاتو واقف حك شعرو و دخل لبيتو قعد يلبس في دبشو و ميرال دخلت عليه تربثت غمضت عينها ودارت بعد خرجت
-تنتهكلي في حرمتي ترجع في فازتك
- سامحني والله موش بلعاني كيفك.. زيد معاش تسرقلي كلامي (كانت تحكي معاه من ورى الباب)
-ههه باهي ادخل هاني لبست اصلا مفماش علاش خارجة ..بش نحشم منك ههه
دخلت و بقات ساكتة
-شبيك شفما موش خليتك بش دوش
-مهدي بالرسمي انت كنت رافض اني نسكن معاكم
سمعتك تحكي مع خالتي توا
هز حاجبو سرح شوية بعد خزرلها
-م. موش رافض اما .. يعني ماو.. ماو وقتها منعرفكش..
دخل بعضو و ملقى ميقلها
-عندك حق اصلا انا...
قص عليها كلامها قرب منها وحط ايدو ع شعرها
-ميرال انا توا فرحان انك معانا و دخلت لحياتنا وخصيصا لحياتي ستانست بيك و بوجودك..و كون متأكدة اني موش بش نخليك تبعد علينا ولا تخرج مالدار هذي حتى لو كنت انت حابة .. بقدرة ربي منخليك تبعد من بحذانا كان كيف نخرجوك عروسة.. اصلا هذا كان خليتك انا و مخي شيقلي 😡الحلقة 23
تعدات ليامات.. جات الباك سبووور و الباك بلون .. تعدات بريود الريفيزيون كلها خدمة و تمحريث الشعر هايج و العينين محوقة و الوجه اصفر تقول تعدي في عام جيش.. عدتوووو و تعدات بأصعب مرحلة مرحلة الانتضار .. الاستراس.. و التخمام .. و اخيراااا خذااااتو و فرحت الناس الكل.. خذاتو و par mention كيما حبت و تمنات .. نهارت النتيجة كانو الكل دايرين بيها الهام نجلة سي يوسف.. ريان .. جدها ، خالتها لخرى نوال و بنت خالتها منى و ولد خالتها ايهم.. الا مهدي مكانش معاها جاتو خدمة مستعجلة اضطر انو يسافر لكن قلبو كان معاها و كان كل لحظة يطلب .. فرحلها برشا كيف سمع لي هي نجحت اصلا كان متأكد انها بش تنجح .. و قرر انو يعمللها حفلة كبييييرة حفلة مصارتش و لا عمرها كانت تتمناها.. حب يفرحها و يفرح معاها ويعوضلها غيابو في اهم و اصعب نهار في حياتها...
مهدي ريچل كل شي بالتلفون استدعى لعباد و نظم للحفلة و كلم بوه زاد ريچل كل شي معاه .. و هو مكان ينجم يهبط كان نهارت الحفلة لعشية .. مييرال اول مسمعت طارت بالفرحة ... قامت الصباح ناشطة كلمت منى بنت خالتها بش تجي تعاونها بعد دخلت عملت دوش خفيف .. اول مخرجت بقات تخزر للروحها في المراية تمنات لو بوها معاها تمنات لو يطلب حتى بالكذب يعرف نجحت ولا.. بقات سارحة تخمم تتذكر و تتألم تتفكر في امها .. في مرت بوها .. و في عمر تفكرت احلى اياماتهم .. بعد فاقت ع روحها رمات الافكار السلبية من مخها و هبطت تفطر...
كان نهار موش عادي كل حد لاهي في حاجة الدار خايضة الجردة معبية بالعباد اللي تنظم للحفلة و سي يوسف معاهم نجلة حايسة في الكوجينة مع الطباخة و هي كانت مع منى تمكيجلها في البيت و خالينها بالحس و الضحك
-زح تقولش عليا بش نعرس فريمون ياسر هكا تي تقولش جبت الصيد من وذنو و هي جرد باك
-دار خالتي يحبوك برشا ميرال
-وي والله لي عملوه معايا كبير عمري مننساه
-كبير و سكت ههه مهدي بكلو يعملك حفلة ع ذمت سيادتك مقوى سعدك هههه
-بربي اخطاني قتلو مهدي ستنى نشدو اذاكا .. كي حاشتي بيك يا وجهي خبشتك لقطاطس و قال شنوا عاملي حفلة و هو للتوا لا شرّف .. والله منوريه
-هههه اول مرة نراه لاهي بحد هكا وانت موش عاجبك مالفوق غريبة فيك .. تي انا هاني بنت خالتو و مالصغرة معاه ديما نجي حذاهم ولا نهار سأل عليا ولا حكى معايا ديما صحة صحة من بعيد هههه سعود
-نعرفو خرية راني نعرفو يحرز محرز انا لاسقتو كل يوم و مشيحتلو ريقو ولى راو ميعرفنيش من اصلو اني نسكن معاهم هههه
-ههههه كعبة راك والله
-منى برااا يهلكك هكااا الماكياج قتلك حاجة خفيفة ..
-بربي اسكت شتفهم منو انت
-فيبالك اول مرة نمكيج .. حاسة روحي تبدلت زح
-ياسر طلع عليك والله
هوما هكاكة و تدخل عليهم الهام تجري هازة في ايدها برشا روب قريب طيح بيهم
-ايا قوم فيسع قيس الروب هاذم خنخطارو منهم حاجة
- واااو ههههه
-تي قوووم
قعدت تقيس و تنحي كانت كل روبة احلى من اختها .. خطارتهملها الهام من احسن الروب لي مصممتهم ...
بعد دخل ريان قعد حال فمو كيف شافها
-واو ميرال محلاك
-هههه عيشو يا ربي نتي احلى
-و شنوا بش تلبس عاد تقليش سروال و سبادري كيما العادة
-هههه لا اما حرت بين زوز الروب هاذم
خزرلهم و بعد جبد وحدة منهم
-البس هذي الروج ياسر كلاس زيد نحسو يطلع عليك ديما
خزرتلو مدام الهام وشاخت ضحك
-ههههه زايد ذواق طالع للامو .. بش ندخلك تخدم معايا قررت
الستة متع لعشية وصل مهدي للمطار اول حاجة عملها تعدى للسارة كان حاس روحو متوحشها .. و فرد مرة اقترح عليها انها تجي للسهرية .. بعد روح للدار طلع طول يجري للبيت ميرال قعد يدق في الباب
-شكووون
-مهدي!!! ندخل؟
تنطرت طول تجري للباب و سكرتو بالمفتاح
-لا شبيك جاي بكري الضيوف يبداو يجيو مع العشرة راو
-تي حل و يزي بلا مساطة
- قلنا لا !! كيفك كيف الضيوف شتزيد عليهم ايا برا توا خليني نكمل نحضر روحي
-باهي خلي نشدك امبعد والله منوريك
مشى يتحلف و هي و منى بقاو يتبربصو بالضحك..
دخل عمل دوش و حط الحطة و هبط .. كان كل شي منظم كل شي خارق للعادة ذخامة و فيانة .. بدات لعباد تجي صحابو و اصحاب ميرال و اصحاب مدام الهام ناس مذخمين و من اعيان لبلاد.. سي يوسف و مدام الهام كانو فرحانين تقولش عليها بنتهم عندهم برشا مفرحوش و محتفلوش ماللي ماتت ريما بنتهم .. و نجاح ميرال كان سبب بش تدخل الفرحة للدارهم و لقلوبهم من جديد ..
بدات السهرية .. كان مهدي واقف مع احمد صاحبو وچروب صحابو مخلطين .. هوما هكاكة و تدخل سارة اول مشافها ضحك و مشالها
-مرحبا بييييك
-هه وبيك يا روحي .. محلاك عزيزي و مذخمك
-هه طالعلك
باسها من خدها و جبدها من ايدها و هي بقات باهتة تخزر للزينة والاجواء بعد تلفتتلو
-ههه هي ويني عاد هالصغرونة بنت خالتك لي عاملين هذا الكل على خاطرها خنباركلها
قعد يضحك ع كلمة صغرونة بعد بقى يلعب في عينو ملقاهاش
-سارة برى هوكم الجماعة يستناو فيك تو نخلط هي مشات و هو جبد تلفونو وكلم ميرال
-سماك فينك اهبط
-معاش تصيح خرى هاني هابطة
-تحررك
-باهي بررركا اييفالحلقة 24
قعد مهدي يسلم ع الضيوف و يحكي مع صحاب بوه و سارة كانت تبع فيه بعينها و تصلي ع النبي علاكا الوهرة و الذخامة و الزين لي فيه و تتبسم.. لين تخرج ميرال و معاها مدام الهام و منى .. ع قد ما بش نوصف موش بش نوفي.. رغم زينها و فيانتها زادت زين ع زين كانت لابسة روب روج تفتق ماشية مع بدنها و مظهرتلها ستيلها.. و المكياج قلبها كومبلاتمون زاد كبرها و ظهرلها زينها .. كانت حاطة شعرها الطويل ع جنب كانت تسحر اللي يخزرلها مينجمش يهبط عينو .. مهدي تلفت و قعد حال فمو يخزرلها من فوق اللوطة و موش مصدق انو الكتلة مالانوثة و الذخامة و الجمال هذا يتواجد الكل في ميرااال .. قعدو لعباد يباركولها وهي تسلم عليهم و تضحك و مدخلة روحها بروحها لخفيفة تقولش عليها تعرفهم عندها عام ..
كانت مدام الهام تعرف فيها ع صحباتها لين حست بإيد جبدتها تلفتت تلقاه مهدي بقاو لثنين ساكتين يخزرلو لبعضهم و الناس الكل مركزة معاهم تخزرلهم .. ميرال كانت تخزرلو تحب تجيبها مغشة منو لكنها منجمتش تشد روحها و تغلبها الضحكة .. هو زادة ضحك..
كانو واقفين محلاهم يخزرو لبعضهم و يضحكو .. ظاهر عليهم قداش منسجمين .. عينهم و خزرتهم لبعضهم كانت تحكي كل شي.. مهدي حاس بالذمب كيفاش مكانش معاها البارح و هي تخزرلو بحب و معزة و وحش و في نفس الوقت باينة قداش مغزلة منو ....
خرج يدو من جيبو وجبدها ليه
-مبررروووووكككك
.. وسااامحني والله حبيت نكون معاك البارح اما الله غالب
قصت عليه حديثو و ترمات في حضنو
-عيششششك مهدي كان مجيتش انت واقف معايا ديما راني مستحيل نجمت نقرى من اصلو
الناس الكل تخزرلهم و تتبسم و صحابو شايخين عليه بالتنبير اول مرة يحسوه كالم و رومنسي ..لين فاقو ع رواحهم
جبدت روحها و بقات تمسح في عينها لي رغرغت
-هههه خراك فضحتنا يزي بلا دراما
-هههه باهي اعطيني باببي مشوار خشمي يجري.. تي فيسع لتشوف الفضح ع قاعدة
شاخ ضحك و مدلها مشوار
-ههههه' متخلفة راك تتبدلش زايد
كملت سلمت ع الناس الكل و مهدي معاها بعد جبدها
-ايجا بش نعرفك ع صحابي و نقصلي مالضحك و التكشيخ و الحديث الزايد و انت اللي هذا تتحل معاه و دز معاه الصحبة ..
-باهي بركا
قعد يعرف فيها ع صحابو بقاو يسلمو عليها ويباركولها و مهدي قعد يفركس ع سارة بعينو ملقاهاش
-احمد فيني سارة
-ريتها خرجت توا
خرج يلقاها واقفة البرى متكية ع كرهبتها كيف شافتو طلعت طول في الكرهبة و جات ماشية لكنو خلط عليها و حل الباب
-فين ماشية
-مهدي ابعد بش نروح
جبدها خرجها مالكرهبة
-تحكي بجدك السهرية مزالت مبداتش .. و كي انت مروحة شبيك مقتليش
نطرتلو يدو و قامت تصيح
-سيبني مهدي برى تلهى ببنت خالتك خير ماللي واقف معايا هوني
-سارة شبيك تقلبت شنوا لي صار فما شكون قلقك
-مهدي ياخي تستبله فيا ولا شحكايتك.. هذيكة بنت خالتك الصغرونة لي تحكي عليها نهار و ليل كل وين نبدى معاك تكلمك و تكلمها الف مرة مشى فيبالي وحدة فرخة معندها متعمل ..وين ترى فيها صغرونة هيكا مرى مالية هدومها .. لا وزيد تعنق فيك وسط لعباد الكل وانت متفاعل معاها و تتضيحكلها و شادها من ايدها مشاء الله عليك قايم بالواجب تقولش خطيبتك وانا مخليني كالكلبة نتفرج من بعيد مخممتش فيا مقلتش سارة شبش تحس..
قعد واقف مصدوم في الشي لي تحكي فيه مكانش يتصورها بش تخمم بالطريقة هذيكا كان يعرف مخها اكبر من هكا
-سارة تحكي بجدك الساعة و لا تتبهنس وضحلي
قامت تصيح و تعيط
-مهدي متهبلنيش هذا منظر واحد يتبهنس متزيدش تحرقلي عصابي بدمك البارد
-مدامك تحكي بجدك و بكل مداركك العقلية زايد لحديث معاك توا
حل باب الكرهبة و خزرلها
-برى روح تفضل.. اعمل دوش سخون واشرب كاس تاي و ابقى راجع روحك شوية بلكشي تفيق و ترجع للمخك..
دزتو و طلعت في الكرهبة و طارت.. عينها مرغرغين و كلهم غل و وجيعة حستو مخسر عليها شي زاد حسسها انها تافهة و بعثها تروح ..هذاكا مهدي عمرو ميتبدل حتى كان غالط يرد روحو صحيح ..
بقى واقف في نفس لبلاصة بش يترشق بالغش .. مهدي كان يتصرف ع طبيعتو و ع نيتو ميرال بالنسبة ليه صغرونتو بالرسمي كان ديما يراها صغرونة .. حتى كيف عنقها و الموقف لي صار بيناتهم قبيلة كان كلو مشاعر صادقة خارجة بين اي زوز خوات لا اكثر لا اقل ..
مكانش يتصورها بش تحكي هكاكة ولا بش تخمم هكاكة حاجة صدمتو ..كان حابب يعرفها عليها و تتعدى سهرية تحفونة لكنها طيرتهالوالحلقة 25
دخل مهدي مشى قعد وحدو و جبد يتكيف لين جاه احمد..
-شبيك شفما ويني سارة
-روحت
-من توا
-تي ربي معاها موش بش نبقى نتشحتها عاملتلي مشكلة مالحيط
-عرفتها بش تتنرفز ا حاج حتى ..
-حتى شنوا
-تي يعني غارت سبحان الله
-احمد راي بنت خالتي زح في مقام اختي اما غيرة متاعك
-احكي معاها غدوة و فهمها تو تنسى تقلقش روحك
..
ميرال كانت عاملة جو مع صحابها لي قراو معاها و اللي نجحو هوما زادة و معاهم منى بنت خالتها يشطحو و هارين و مهدي و احمد قاعدين في الظلام من بعيد يتكيفو ..
تعدات السهرية بات الحس و وفى كل شي .. ميرال ماتت بالتعب مالشطيح و الضحك زيد شاخت كادوات .. بقات تفركس ع مهدي ملقاتوش قالولها انو خرج .. ومدام خرج اكيد بش يروح عقاب الفجر..ولات مشات رقدت..
من غدوة قام مهدي مخر مع حكاية العشرة يلقى امو و بوه قاعدين في الصالة وصى ع قهوة و مشى قعد حذاهم
-صباح الخير
-توا صباح الخير
-رقدت مخر.. ويني اكا الفصعونة
-مزالت راقدة حتى هي
-سي يوسف: اكا الفصعونة لي تحكي عليها خطبوني فيها زوز البارح ههههههه
مدام الهام: ههههه حتى هي طلعت مشاء الله عليها.. هي و شكونهم
-سي محمد صاحبي يلمح و سهرية كاملة وهو يحكيلي ع ولدو .. و سي المنجي قاللي بالفرشة خليلي الطفلة للولدي خنوليو نسايب ..
-الهام : ههههههه تي كان تشوف عرضو عليا بش ندخلها معانا في الدومان عندها كل المؤهلات بش تكون mannequin ... وجه جديد وضغير.. اما بطبيعة موافقتش
-مهدي: اي اذاكا المزااال واحد يحكي ع العرس و و لخرى تحب تردها مانكان غريبة والله
-ووه مهدي احنا مجرد نحكيو شبيك تنرفزت بطبيعة موش بش نوافقو عالحجات هذي الطفلة مزالت صغيرة و حتى كان هي تحب احنا موش بش نخلوها .. يا يوسف تكلم شبيك تضحك
-ههه شيغشش فيك توا و برى كان تقدملها واحد من غدوة عاد شبيه مجرد خطبة بش تكون لين تكمل قرايتها ..
قام مهدي من بحذاهم مجاوبهمش و سي يوسف قعد يضحك
-يا يوسف فاش تحكي بجدك توا
-تي لا يا بنتي شايخ ع ولدك و برى اما تعرف شاكك فيه حاط عينو ع ميرال وهاي ليام بيناتنا
-لا يا راجل مستحيل والله يعامل فيها كيما اختو موش منعرش ولدي زيد عندو شكون في حياتو .. طفلة مشاء الله عليها قريبتلو في العمر مكملة قرايتها و عاملة سونتر معروف ...
-بربي ولدك حياتو كاملة عندو شكون في حياتو كل شهر مع وحدة جاك جديد
-تي مستانس يلعب نعرفو اما هذي حكالي عليها يعني مالي بيها راسو
-باه تو نشوفو نشاء الله ربي يهديه ..
-نشاء الله
-الهام هيا نمشيو نعديو فاكونس وحدنا في اي بلاصة تختارها .. دخل الصيف خنبدلو الجو و نرجعو للاياماتنا حتى احنا ههه
-هههههههه زعمة تقول انت
-الصغار تهنينا عليهم وحدة خذات الباك و لاخر قريب بش يعرس و الفرخ ريان نخافوش عليه اذاكا اومورو واضحة
-ههههه مشات معاك والله انا بيدي تخنقت مالخدمة و الدار .الحلقة 26
مهدي كمل فطر و خرج .. مشى للسارة لي عداتها ليلة كاملة مرقدتش مالتخمام و الغزول .. دق الباب اول محلت و شافتو قلبها ولى يدق و تربثت جات بش تسكرو في وجهو و هو دزو و دخل.. مشى قعد و حط ساق ع ساق و قعد يخزرلها .. كانت لابسة نويزات قصيرة و باينة مزالت كيف فاقت مالنوم.. وقفت مقابلتو كتفت ايدها و خزرتلو بتسوميم
-شتحب !!؟
-باين فيك مزلت مفقتش و مالية راسك باللي صار لبارح نمشي ع روحي مالا انا.. هو جاء واقف و هي تقوم تصيح
-مهدي شتحب تعمل ياخي وين تحب توصل
-انت لي وين تحب توصل للا سارة كان معاش عينك بش نكملو مع بعضنا قلي اما تبداش تتسبب ع حكايات فارغة و تكسرلي راسي
-حكايات فارغة هه كل شي عندك حكايات فارغة انت
-شوف سارة هذيكة بنت خالتي ليوم و غدوة و معزتها من معزة اختي لا اكثر لا اقل ..وحتى كان بيني و بينها حاجة موش بش نخاف ولا بش نحشم منك افهمها .. و توا تحب تصدق فبها متحبش ربي معاك ..مدامني منيش غالط في شي موش بش نبقى نبررلك و نتشحت فيك تعرف الريق هذاكا معنديش
بقات ساكتة بعد تفلقت بالبكاء
-مهدي علاه هكا علاه ديما تحسسني اني حاجة ثانوية في حياتك اي مشكلة تخسر عليا كان ربي معاك .. كان جيت قريب مني و تحكيلي كل شي .. راو عمري مخممت هكاكة راو عمري متصدمت كيما تصدمت البارح تجبدلي عليها بطريقة عابرة و برى اما عمرك مقتلي لي هي تعيش معاك لي هي قريبة منك للدرجة كيفاش تحبني نقبلها لحكاية وقتها..
-هههه هاك جيتها بيدك مالا .. تلوم فيا كفاش منحكيلكش هههه علاه وقتاه حسستني انك مهتمة بحياتي الخاصة من اصلو بش نحكيلك ..اصلا شتعرف عليا انت عمركش سٱلتني شقريت ! عمركش سألتني شنحب شنكره كيفاش نخمم شنوا البلايص لي نحبها و البلايص المنحبهاش .. شنوا نحب نعمل في حياتي شنوا لي معملتوش .. تعرف الحاجة لي تفرحني ؟؟ تعرف شنوا لي غششني؟؟ تعرف انا كيفاه نخمم تعرف شنوا اكبر عيوبي هه اكيد متعرش خاطرك تعرفني كان من برى عمرك محاولت تعرفني من قريب.. ماللي نراك لين نروح وانت تحكيلي ع شنوا شريت و وين مشيت و شنوا المارك لي تحبها و السهرية لي تحب تمشيلها تقعد لاهية بالعباد كيفاه يخزرولك و غايرين منك ع شنوا الله اعلم.. كل منقرب منك نزيد نكتشف قداكش مزيانة ..موهرة و مذخمة مرى قوية اما من داخل فارغة تبقبق لاهية كان بالقشورررر... كان يحكي وهي تخزرلو مصدومة حتى لين سكت و هي بقات بوشبي منجمت تقول حتى كلمة اصلا ملقات متجاوب ..
مهدي خلاها و خرج و طربق الباب بقوة طلع في الكرهبة وقعد مصدوم مالكلام لي خرج منو هو بيدو موش فاهم شي حاجات بدى يحس فيها ليامات لخرى و معرفش كيفاش خرجو .. سارة حستو عبد اخر مهدي اول مرة يقلها كلمة تجرحها كان ديما يحسسها انها احلا و اجمل و اروع طفلة عرفها في حياتو .. مكانتش تتوقع انو بش يجي نهار ويقلها لكلام هذاكا حاجات عمرها مخممت فيها ولا جات ع بالها ...
مهدي كل لحظة يعديها مع ميرال تخليه بطريقة غير مباشرة يزيد يراجع حساباتو و علاقتو بسارة .. يحس انو ميرال قريبتلو برشا تعرف عليه برشا حجات حتى نقاط ضعفو .. كانت تفهمو و تعرف كيفاش تاخذو و حتى كيف يتغشش تعرف الطريقة لي تخليه يرضى بيها رغملي في نظرو مزالت صغيرة .. لكن برشا تصرفات و برشا تفكير تمناه لو جا في سارة زادةالحلقة 27
مشى بحذا احمد صاحبو اكثر حد قريبلو و يرتاحلو مالصغرة مع بعضهم..
-احمد صبلي كاس
-يزي بلا لعب بش تشرب في النهار زادة
-تي سيبنا عاد ولا خنروح
-شبيك عزاك ماللي جيت وانت تتلكش و سارح
-فادد و برى
-حكيت مع سارة؟
-كنت بحذاها قبيلة
-شصار!
-تعاركناااا
-برى عاااد .. عركة عركة ولا كيفاه
-نعرش تعاركنا و كهو ..
-مهدي موش قتلي سايي بش ترزن و تعجبك سارة و قررت تكمل معاها و و و
-اي تعاركنا شتحبني نعمل شدخل هذا فهذا تو
-باه ..ع خاطر لي صار البارح ؟؟
-تنجم تقول .. تي بربي عاملة مشكلة و غايرة و خربتها على مفم شي.. بنت خالتي و عنقتها في وسط لعباد شنوا المشكل تقولش عليها لقاتني متركن معاها في بعض لبلايص
-مهدي توا بش نسألك سؤال و جاوب ماللخر و متبداش تتهز و تتنفض
تو بنت خالتك عندها قداه عايشة معاكم فرد دار يعني ديما قدامك و هي باينة كعبة مشاء الله يعني اقل منجم نقول عليها حليلتها ..للدرجة مصار شي بيناتكم نعرفك تركحش
-احمد قداه عندك تعرفني
-بررشا
-عمركش شفتني خمجت مخي مع اي وحدة تجي قدامي تحكي حسستني منسيب شي لا اخضر لا يابس .. فما بنات من بنات و اكيد موش بش نجي نخمج مخي و ندور ببنت خالتي حتى لو كانت هي عينها بيا مستحيل ندور بيها و نعدي بيها وقيت وانت نعرفك تعرفني بالباهي و تعرف اني مستحيل نعملها .. دونك تكسرليش راسي مفما شي بيني وبينها شبيكم تحبوش تفهمو..
-حبيت نتأكد و برى بش نجم ندخل في الموضوع ع قاعدة صحيحة.. شوف ماللخر عجبتني بنت خالتك بالرسمي عجبتني عاللخر صحيح منعرفهاش بالباهي اما حابب نتقرب و نحكي معاها و اكيد موش بش نجي نعمل حاجة كيما هكا منغير منقلك
-فهمتش شنوا تتقرب و تحكي معاها
-تي شنوا مهدي توا وليت متفهمش .. عجبتني و حابب نحكي معاها وانت تعرفني منيش متع لعب داخل مالباب يعني..
-هههههههههه احمد تحكي بجدك توا ولا تفرك فيهم عليا ..
-...
تعرف قداش عمرهاا !! مزالت كيف غلقت 19. ههه اما باب تحكي عليه
-مهدي راني قتلك حابب نتقرب منها حابب نحكي معاها و حبيت نحط فعلمك ..مقتلكش بش نعرس بيها من غدوة ..
-ههه تكمل قرايتها و تو ننظرو في الموضوع ..موش بش نلقى خير منك هه اما توا بش نحسب روحي مسمعت شي اوكي ..
هيا نخليك تو الليلة نتقابلو في بلاصت العادة
خرج يتمتم وحدو
-غريبة والله زوز يخطبو و لاخر يحبها تولي مانكان و سارة غايرة منها و حتى من احمد مقصرش .. شولّات ها للا ميرال ..
نعمبو هالليلة لي خممت نعمل فيها ام هالحفلة دنيا تحربت..
قعد نهار كامل يدور من بلاصة لبلاصة كل مرة يعمل حاجة.. روح في الليل مخر عرضتو ميرال قاعدة في الجردة وحدها كانت لابسة سالوبات و شادة شعرها ظفرة ع جنب .. اول ما شافتو قامت و مشاتلو تجري
-تي فينك ياخي غبرت البارح و مالصباح مفماش ريحتك
-تلهيت.. شمسهرك للتوا و زيد قاعدة وحدك هوني
-مجانيش النوم و ملقيت منعمل..
-باهي. ..ليلتك زينة
-مهدي شبيك !
-مبيا شي
-لا موش مسيبتك الا متقلي شبيك .. اكيد فما حاجة نعرفك
-ميرال ابعد قتلك مبيا شي
خلاها واقفة و تعدى
-زح عندك جمعة مسافر جيت كان البارح شفتك كان دقيقتين في الحفلة و توا !!!.. وزيد منرفز و متحبش تحكي معايا .. برى ع روحك
وقف قعد يسمع فيها بعد تلفت و رجعلها ..
-ميرال والله فادد و عندي شوي مشاكل حاول تفهمني ..
عملتلو براسها باهي .. جاء بش يمشي بعد وقف قعد يخزرلها شوية و شعل في وجها من غير ميشعر
-شووووف اقعد ديما هكا كيما مستانسة ريق الماكياج و الروّب و السخط ع راسك تنسااااه فهمت ولا..
نكلم فييييك جاوبني
-مهدي سملا شبيك
-هاني نبهت عليك بعد متلوم كان روحك
مشى و خلاها واقفة تخزرلو
سملا لعظيم شفز عليه هذااا .. باز شارب السخطة والله ميكون كان شارب ..الحلقة 28
ليلتها مرقدش مالتخمام قعد يسترجع في كلامو للسارة قعد يتفكر في دموعها سعات يحس انو غلط و ساعات يحس انو لي عملو موش غالط بالعكس هذاكا لي كان لازم يصير..
تعداو قريب جمعتين لا هو طلب ولا هي طلبت محاولش يتصل بيها ولا يقابلها مكان عندو ميقول و هي زادة مكانتش مستعدة تواجهو .. كانت موجوعة منو برشا وفي نفس الوقت حاسة روحها غلطت وقصرت معاه كلامو لحظتها حسسها قداش هي ناقصة في برشا حاجات حسسها بالرسمي انها انسانة فاشلة رغم غرورها.. من بعد لي صار مخرجتش مالدار كانت كل يوم تبكي ولا راقدة ولا تتفرج في تصاور مهدي و تتفكر في كل لحظة معاه..
ميرال الجمعتين هذوكم عدتهم محواس و تبحير مرة مع دار خالتها نوال و بنت خالتها منى ويخرجهم ايهم ولد خالتها .. و ساعات تخرج هي و صحابها .. و سعات هي و ريان .. مدام الهام و سي يوسف مزالو مسافرين عجبتهم القعدة زادو جمعة اخرى و سيبو مسؤولية الخدمة والدار ع مهدي..
روح للدار مع حكاية نص الليل يلقى ميرال تتفرج في فيلم في الصالة مظلمة الدنيا و تاكل في القطانية ومتفاعلة.. رمالها طبلية الشكلاطة متع العادة و قعد جمبها..
-شسمو الفيلم
-اسكت !!
قعد ياكل في القطانية و مركز بعد نطق مسكين
-ع شنوا يحكي مفهمت شي راني
-شڜشششت مهدي شكون قلك تفرج من اصلو خليني نتفرج رايضة
جاه تلفون خرج يحكي بعد دخل يشوف في الطفلة طالعة فوق الكانابي و تصيح و جايبة ما عندها
"تي بوسها يا خراااا يا بهيمممم بوسها و اهرب بيهااااا حسسها بشوية رومنسية شجبري هذا .. " هي هكاكة و تجيها مخدة منتالي تجيبها طايحة
-بوسهاااا اااه تبوسك لفعة ..قوم ارقد تحرك
-ههههه هاو الجبري لاخر جاااء اصلا شفهمك في الرومنسية انت
تهز مخدة و ترميها عليه
هي تضرب و هو يضرب لين استسلمت
-باهي سافا ههه والله تهديت .. امان خليني نكمل نتفرج والله فيلم طيارة
مشى سكر التلفزة و جبدها من ايدها
-اخطاك بركا.. ايجا حطلي نتعشى منحبش نقوٍم نجلة
-مهدي تعلم اخدم روحك بروحك هوكا لعشاء حاضر سخن و كول
-لا ريچلي اوموري و برى ع روحك
قعدت تسخنلو في العشاء .. بعد حطتلو و قعدت مقابلتو
-كنت تخدم ولا ساهر مع صحابك
-لا هذي لا هذي
-ممم مالا باز مع سارة
قعد سارح شوية بعد خزرلها
-حتى هذي لا زادة .. كنت في بلاصة كان نقلك عليها تو تمرجني
-ويييبن!!!
-بلٍصت الكرهبة بحذا لبحر قعدت ساعتين سارح نخزر للنجوم .. تفرهدت زيد وحدي من غير الجوجمة سيادتك .. العززززز
-ياااااا مسقطك والله .. عندك برشا مهزيتنيش ديجا حضر روحك غدوة بش تهزني
-نرجعو للاياماتنا
-ههههه اي .. ع ذكر نرجعو للاياماتنا بش نوريك شكون رجعو للاياماتهم ع قاعدة ههههههه
جبدت تلفونها و ورتو سلفيات عاملينهم يوسف و الهام شي كبير .. قعدو يفركو فيهم عليهم ويتضيحكوو .. كمل تعشى و خرجو للجردة هو جبد يتكيف وهي جبدت كتاب تقرى فيه .. هي غاطسة مع كتابها و هو سارح يخمم منجمش يخرج سارة من مخو ..
بعد تلفت يلقى ميرال هزت كرسيها و بعدت
-شبيك!! ؟
-قلقتني ريحت الدخان مهدي
-باهي ارجع اقعد حذايا تو نحيه
-لا سافا هكا تقلقش روحك ..
هوما هكاكة و تسمع فيه يضحك هزت راسها تلقاه يخزر للبيسين وشايخ ضحك
-سملا شفز عليييك
-باش يفكرك .. ؟!
-اااه باز يفكرني بعمايلك قطعتلي النفس نهارتها زعمة مت لا وزيد شوشطني بالماء السخون برى لا تربحك يا مهدي والله لا ننساه النهار هذاكا
-لا باين فيك نسيت روحك كيفاه كعبرتهالي مع بابا دين امك شتاكل ضوء رديتني نعذب فيك و بش نقتلك..
-ااا مالا تحبني نعديهالك بالساهل
-هه ميرال .. صغرونتي
-شتحب
- المرة هذي يوسف و الهام موش في الدار هه و حتى من نجلة راقدة و ريان درا فين يتهومل و العساس ماخو كونجي ..
بلعت ريقها وبقات تخزرلو مسمرة في بلاصتها قلبها بدى يدق والافكار السيئة بدات دور في راسها .. خزرتو ما دل ع خييير
-مهدي شقصدك
-يعني فم حد بش ينقذك من طرح التعذيب الليلة هههه
هو كمل جملتو و هي قامت تصيح و تتنطر كالمهبولة دخلت تجري طلعت للبيتها و سكرت الباب ترعش بقات واقفة تستنى فيه بش يخلط .. لكن مفما شي .. مشات بشوية طلت مالبلكون تلقاه قاعد في بلاصتو يكشخ بعد هز راسو خزرلها
-بوهالية زايد
-اووف ممسطك ..باهي ارمي لكتاب عالاقل
-مشى هز لكتاب لي كان مرمي عالڨازون.. قعد يقلب فيه
-تي ارمي بركا موش متاعك الحاجات هذي
-والله تو نطلعلك تو نوريك موش متاعي كيفاش
-باهي ارمية تو نحاول نشدو
-قلي وين وصلت
-صفحة 43
جبد الكرسي و قعد مقابلها حط ساق فوق ساق حط الصفحة 43 وبدى يقرى بصوت عالي..شاخت عليه ضحك تكات هالحيط متع البلكون و حطت ايدها ع خدها و بقات تسمع فيه .. و هو كل مرة ياقف و يخزرلها
-سافا
-اي اي كمل
قعد يقرى و غطس هو زادة مع الكتاب ولى يقرى موش خاطر يحب يفدلك ولى يحب يقرالها .. كان متفاعل مع الكتاب و مستمتع هو زادة و كل مرة ياقف يحكيو و توضحلو حاجة بحكم هو مبداهش ماللول... قعد هكاكة لين و صل للصفحة147 حس روحو سايي معادش فيه ..
-نكملوه غدوة عالبحر موش خير
-هههههههه بو زينو هو كي يبدى يعرف يخمم ..
-برى مرقد برىالحلقة 29
من غدوة هزها و مشاو قعدو عالبحر كيما قبل .. جبدو لكتاب و كملو قراوه بعد تكاو عالرمل و ميرال بدات تغني مسكتتش كل مرة تجبد غنية دخلها بعضها و تدخل في غناية اخرى
-برس امك بلًع
-خووود بالك عليااااا دي مش معملة تعاملني بييبببببببهااااااا
-تعرف بش تحلفني معاش نجيبك معايا كي تموت
-بربي برى زمر من وقتاه انت كنت تجي تقعد هوني ماو في جرتي هذي هي علمهم توحل فيهم
-اي باهي صحيتك .. اسكت تو
-باهي اعطيني تلفونك خنسلفي شوية
مدهولها و حط ايدو ورى راسو و غمض عينو
بقات تسلفي و تعمل في فيديوات .. بعد جبدت تلفونها بش تبعثهم دخلت للتصاور و سرحت تتفرج في التصاور الكل فلتو فلياااان ..
مشات قعدت بحذاه مدتلو تلفونو و بقات ساكتة
-خليتها تصاور اااه كان جاو حتى يصلحو وانت في الظلام طلعت كالعبيثة
قعد مستغرب كيفاه مجاوبتوش و معملتلوش عرعور
-ااا وين سرحت ..
تلفتتلو ..
-مهدي تحبها!!!؟
-شنوا لي نحبها
-سارة شنوا لي شنوا!
-هه شبيك شالسؤال هذا
-جاوبني
-اي بش ناخذها
-قتلك تحبها ولا ؟؟
-مدام قتلك بش ناخذها يعني نحبها ولاوني معنديش برشا مع الحكايات هذي اما باز هذا هو الحب لي تحكو عليه
-هههه...
-وين تحب توصل توا هات ماللخر
-ريت حاجة في تلفونك صدمتني و معجبتنيش حتى طرف
-لي هيّ؟؟
-تصاوررر
-ميرال عطيتك بش تعمل تصاور شدخلك للتصاوري تتفرج فيهم ..
-موش هذي المشكلة الله غالب ريتهم بالغالط مقصديش .. المشكلة انك مع سارة و في نفس الوقت عندك علاقات اخرى مع بنات
-ياخي كيف نكون مع وحدة نقطع علاقتي بالناس الكل ولا كيفاه هه
-مهدي تستبلهنيش فما تصاور عاملهم ليامات لي فاتو كيف هبط للفرانسا .. مصور انت و طفلة عالفرش و هي لابسة
من غير هدوم .. هذي موش صديقتك ولا قريبتك باينة شنوا علاقتك بيها ..
-ههه تحسك .. اي شنوا المشكل مشيت نخدم و حبيت نبدل الجو شوية .. مجرد وحدة عديت معاها ليلة و مشات ع روحها اصلا نسيتها شكون و نسيت مفسختش التصاور..
-زح مهدي نرمااال ياخي كيفاه عندك شكون في حياتك وانت تعمل في علاقات مع بنات اخرين
-تي شبيك مسكرة فراسك ياخي وحدة عديت معاها ليلة متع تعدية وقت و برا حكاية و تمشي ع روحها في وقتها اما سارة حاجة اخرى ..
-هههه مالا نأكدلك لي انت سارة متحبهاش كان جيت تحبها راك مستحيل تخزر لوحدة غيرها و لا تنجم تمس طفلة غيرها ..
-نمس طفلة غيرها بش منمسهاش هي .. اصلا علاقتي بغيرها مالها الا نزوة وبرى تربطني بيها مجرد مصلحة و تمشي ع روحها .. تكبرهاش .. نورمالمون فهمتني شنقصد من غير منبقى نزيد نفسر ..
-تعرف شمعناها حب تعرف شمعناها انك تحب حد ويحبك ..
قعد ساكت يخزرلها
-تحب حد يعني مترى حد غيرو ميعجبك حد غيرو متنجمش تعدي لحظة متخممش فيه ..متنجمش تحط ايدك ع بدن طفلة اخرى متنجمش تشم ريحت وحدة اخرى بخلاف ريحتها .. تحسسها انها احلى و اغلى و احسن حاجة في حياتك ..تحبها! دونك تقدرها تحترمها تاخو بخاطرها تسمعها تاخو بنصيحتها تحسسها انك اسعد واحد وانت معاها وانها اسعد انسانة و هي معاك .. تقبلها بعيوبها تي تعشق عيوبها .. اييف برررشا حاجات قد منقعد نحكي منوفييييش
كل كلمة يسمعها منها يحس بغلطو يفيق انو جرح سارة بررشا هو زادة ..موش كان هي مقصرة هو زادة خاين و كاسح معاها ديما رايوو لي يمشي و كلمتو هي الصحيحة حس روحو قداش قسى عليها اخر مرة و وجعها حسسها انها حاجة تافهة في حياتو .. موش عارف كان اللي بينو و بينها يتسمى حب ولا..لكنو حس انو برشا حاجات ناقصة و برشا حاجات بيناتهم غالطة ..
-ميييرااالل.. عييششككك
-ع شنوا
-عيشككك و كهووو ..
-يعني معادش بش تخون هه!!!
-نحاول هه
-لا اوعدننني
-هه نحس عندك تفكير غريب شوية اما يعجبني
-انت لي تفكيرك غريب تعمل في حاجات متجيش عايش بالطول و بالعرض تسخايل الدنيا مسيبة اما تو نتلهى بيككك .. اوعدنييي تحررركككككك!!!!! تو
-بااه نوعدك سيبنا عاد
بقاو ساكتين هي سارحة في همها و هو سارح في همو .. لين شافتو قام و خزرلها
-اا شرايك في تبحيرة توا
-هههه اي اذا المزال اقعد اقعد
-بحرناش حتى مرة مع بعضنا ايجا خنهر عليك
-نرمال انت في الليل مهدي زيد مجبتش معايا لا دبش لا شي
طفاها نحا مريولو و تلفونو و المفاتح و جبدها هي تصيح و تعيط و تضرب فيه و هو يكركر فيها و شايخ ضحك .. و بحكم هي مكانتش تعرف تعوم مرٍث بحالها مرة يغرقها مرة يجيها ماللوطة و يجبدها من ساقها حاصيلو بدع بيها كيما حب واشتهى... عملو بررشاا جو بررشا ضحك برشااا فضايح برشا عرررررك .. كيما كل مرة........الحلقة 30
من غدوة بعد مكمل خدمتو روح تعشى بدل دبشو و خرج .. كلم لولاد بش يتقابلو في بلاصة العادة .. اول مدخل لقاهم ساكتين يخزرولو حس فما حاجة ..
-شبيكم!!
-احمد: ياخي قصيتها مع سارة سايي!!؟
-لا علاه
-باهي تلفت وراك و بربي بلافضايح
هز حاجبو مستغرب بعد تلفت يرى سارة قاعدة مع واحد وحدهم تتضيحك معاه و عاملة جو و مولا المول موش هوني..
بدنو تكبس حس الدم طلعلو للراسو ..عض ع شفايفو بعد طفى السيڨارو وقام
-مهدي شبش تعمل
-ابعد من قدامي ساعة توا تو ترى شبش نعمل
-مهدي متتهورش ستنى
دزو و مشالهم
جبد الراجل من شوميزو و دخل فيه بالبونية صحابو يجبدو فيه و هو يزيد يهبل الناس الكل دارو بيهم يفكو فيه .. مهدي لحظتها تحول ولى كالثور لمسيب منجم حد يشدو .. سارة كانت تصيح و تتشحت فيه بش يسيبو كانت بش تموت بالخوف و الرعبة ولات ترعش اول مرة تشوفو في الحالة هذيكة.. بعد مفرغ فيه قلبو و دمدمو خلاه دايخ مطيش و قام يزيد يجبد سارة ويخرجها فوصت لعباد الكل و هو شادها يدز فيها ويصيح .. طلعها في الكرهبة و طاااار ..
واحمد كان يتبع فيه منتالي كان خايف ليعمللها حاجة يعرف صاحبو كيف يهبل معاد يفهم شي
وقف الكرهبة في بلاصة فارغة و ظلام هبط و حللها بابها :
-اهبط
محبتش تهبط كانت خايفة منو برشا
كيف معملت حتى رياكسيون جبدها بقوة هبطها و سكر الباب .. قامت تبكي و تتشحت فيه
- سيبني خليني نروح عيشك
شدها من رقبتها خنقها و دزها لسقها في الكرهبة
-شتسخايل روحك قاعدة تعمل .. طحان قدامك تحب تشلكني ! جاية مع **** للبلاصة لي نقعد فيها وين تحب توصل تحب تذلني
دزتو وقامت تصيح
-اوموري نعمل لي نحب و نخرج مع لي نحب و نقعد وين نحب معاش عندك مسؤولية عليا فهمت!! انت حاجة و وفات فسختك من حياتي سايي
زاد شدها من رقبتها مرة اخرى
-سارة متزيدش تستفز امي اكثر من هكا راني شاد روحي بالسيف .. ريت نفسخك مالدنيا ولا نخليك تشوف حياتك.. واللي عملتو ليوم بش نكلفهولك غالي
-بلكشي كلبة عندك تخليني وقتلي تحب و ترجع وقتلي تحب و تلقاني نستنى فيك
-شكون قلك انا خليتك شكون قلك انا قصيتها من اصلو
-مهدي اكثر من جمعتين فيييينكك مهزيتش تلفون و كلمتني .. تعرف قداه قعدت نستنى منك في تالفون تعرف قداه من مرة يدق الباب نفرح نقول هذا انت و تطلع موش انت .. كل ميجيني مساج نمشيلو نجري نقول هذا مهدي و تطلع موش انت.. مخليت مسمعتني و خرجت رميتني ع طول ايدك وخليتني مقهورة و توا تفكرتني توا وليت متاعك هه
-نعرف روحي غلط في برشا حاجات اما بعدت حبيتك تقعد مع روحك شوية وانا زادة نراجع روحي بش متكبرش لحكاية و منزيدوش نغلطو و نحاولو نبداو ع قاعدة صحيحة في الوقت المناسب اما انت شعملت مشيت طول زدت فسدت كل شي .. منيش دغفة ليك نعرفك تحبني و ممكن تكون علاقتك بيه السيد متع قبيلة مجرد صحاب حبيت تعمل معاه لعبة صغيرة بونتو فيا عارفك وين حبيت توصل اما كالعادة متعرش تخمم جايتني قدام صحابي مع واحد اخر تحب تذلني ولا تقهرني ولا تحب تخليني نغير !! الله اعلم !! اي اما شربحت !! فضحت روحك و فضحتني و راجل دمدم في جرتككككك
تكلم قليييي هذاكا شحبيت تعمل ااه؟؟؟ جاوبني
عملتلو براسها اي و تفلقت بالبكاء
-ملقيت معاك حتى حل مهدي انت لي خليتني نتصرف هكاكة والله تعبت وجعتني بررشا منجمتش ننساك و نخرجك من مخي .. نعمبو النهار لي عرفتك فيه
سيبها و بعد عليها تنهد تنهيدة كبيرة ملقى ميقول و ملقى ميجاوب .. جبد ڨارو تكى بجمبها عالكرهبة و قعد يتكيف .. هي كانت واقفة و كان دموعها هابطة..
بعد حلت باب الكرهبة وطلعت .. كمل تكيف و مشى ركب و قعد يخزرلها
-مهدي مالمستحسن كل حد يمشي ع روحو حكاية فارغة مناش بش نتفاهمو.. منيش انا لمرى لي بش تسعدك و انا زادة تعبت معاك يزي
تكى راسو عالكرسي و خدم الكرهبة
-شوف لكلام لي بش نقولو توا موش بش نعاودو .. لي صار الكل بش يتنسى بش نبداو من جديد بش نحاول نصلح من روحي وانت زادة بش تصلح من روحك .. اللعب الفارغ لي عملتو ليوم معاش نحبو يتكرر .. بش نعطيو للروحنا فرصة معاش بش نخليك تندم عالنهار لي عرفتني فيه كيما قلت .. توا بش نوصلك للدار منيش بش ندور بيك للمدة 3 ايام بعد بش نجيك نهزك .. نحب نلقاك انسانة اخرى افقد الذاكرة تصرف اعمل لي تحب.. المفيد بش نبداو ع قاعدة صحيحة .. هذا لي بش يصييير بالسيف ولا بالكيف..الحلقة 31
نهار روح للدار ملقى حد كان نجلة
-وينو ريان و ميرال
-مشاو مالصباح للدار خالتك نوال قالولي متقراش بحسابنا عالفطور
-ياخي هكاكة ميشاوروش
-ميرال كلمت مدام الهام حطت في علمها ..
كمل فطر و طلع للبيتو بش يرتاح قام لعشية دوش و بدل دبشو كيف جاء هابط في الدروج عرضو ريان طالع
-اا توا جيتو
-اي اما جيت وحدي
-علاه جيت وحدك ميرال وين
-جبدت بيا الحلوفة عجبتها القعدة
-كيفاش تجي و تخليها نرمال!!
-خليتها في الشارع ياخي ! هيكا في دار خالتها تو تروح.. حقا هاو كلمني بابا توا و قلي جايين بعد غدوة
-باهي..
-اا مهدي حقا هاني خارج بش نسهر عند صاحبي و ممكن نبات عندو الليلة بربي لتقول لبابا كان كلمك
-باهي عندك فلوس
-اي مريڨل
قعد مهدي غاطس في الخدمة بعد تفكر ميرال مع حكاية ستة متع لعشية .. كلمها حب يشوفها روحت ولا يصوني يصوني متهزش
حتى خالتو تلفونها مسكر..
كلم نجلة قتلو لي هي مروحتش .. كمل الخدمة لي عندو و هز روحو وامشى للدار خالتو ..
حلتلو منى الباب و اول مدخل يسمع كان في ضحكها و صياحها كيما العادة.. تلفت يلقاها تتعارك هي و ايهم بالماء خالينها الدنيا و ظاهرة منى كانت تلعب معاهم هي بيدها مبلولة ..
قعد واقف يتفرج
منى: ادخل مهدي هاي ما للداخل
-لا جيست بش نروح بميرال
هو هكاكة و خرجت خالتو استغربت كيف شافتو موش مستانس يجي كان مرة في الفال ..
-شو شكون يا مرحبااا يا مرحبااا
-اهلا خالتي
باستو و شدت فيه صحيح بش يدخل .. قعدو في الجردة ..
جاه ايهم مدلو ايدو سلم عليه و طلع يبدل و خلطت ميرال تقطر بالماء تعصر في دبشها
-مهدي عاش من شافك توحشتك ههه
-شبيك للتوا مروحت الا منجيك ياخي
نوال: ووه يا مهدي ياخي هي في دار براينية
-لا مقصديش .. اما نكلم فيها متهزش تحيرت
-تخافش عليها كيما هنا كيما غادي
-نعرف خالتي.. هيا نخليكم انا توا
و قام و تلفت للميرال
-هيااا ماكش ناوية تروح
-لا خليني نبات هوني ليلة امان
-لا
-نوال: يا مهدي هاي عاملة جو مع لولاد خليها معاهم
-تو كيف تجي امي تمشي وين تحب اما توا انا مسؤول عليها و منجمش نخليها تبات في حتى بلاصة
-يا مهدي راني خالتها اما خير تبقى عندي ولا تقعد في الدار وحدها حتى الهام موش غادي
-تخافش عليها هاني انا معاها مينقصها شي
-والله شبش نقلك ربي يهديك و كهو
ميرال تعرفو ميحبش شكون يعاندو ويكسرلو كلمتو سكتت ومشات بدلت دبشها لبست قطعات من دبش منى و هزت ساكها باست خالتها و خلطت عليه للكرهبة
-توا بربي شكان عليه كان خليتني بت هالليلة زح
-شاورتني قبل متمشي حطيت في علمي انك ناوية تبات تتصرف من راسك .. انسى مفماش بيتان في حتى بلاصة سمعت حتى دار خالتك لا يعني لا
قعدت تتأفف و قلبت وجها
-شنوا ظاهر فيه عجبك الجو غادي
-وي عجبني عندك مشكل غريبة والله
-تو نهدلك فمك تو نوريك طولت لسانك ..
-مهدي معندكش الحق تتحكم فيا راني منيش صغيرة افهم زح
-واللهي هذاكا الموجود و كان عجبك مالفوق نتحكم فيك كيما نحب انا و كيما يقلي مخي.. و توا متزيد حتى كلمة
وصلها قدام الڨيلا هي جات هابطة بغش و هو جبدها
-ميرال راني موش حابب نجيبها سي السيد و نسيطر عليك و برا .. راك كيفك كيف ريان .. نحس روحي مسؤول عليك ..نخاف عليك و نرتاح كيف تبدى حذايا
بقات
ساكتة تخزرلو بعد هزت حاجبها
-مهدي! توا معيني في نقاش.. ماكش بش تغمني بكلمتين تو بعد نرجعولو الموضوع --'
حلت الباب و هبطت .. قعد حابس يخزرلها لين دخلت عدا ايدو ع شعرو و مشى چارا الكرهبة في البركينغ و هبط..الحلقة 32
دخل للدار قال للنجلة بش تحطلو لعشاء و قعد يتفرج .. كمل تعشى و طلع للبيتو حط الحطة .. الليلة بش يمشي يقابل سارة و يبداو صفحة جديدة كيما وعدها ينساو لي فات و يبداو من جديد.. هز مفاتحو برفن و كيف جاء خارج يلقى ميرال واقفتلو قدام الباب و حاطة ايدها في حزامها
-وين على خير
-هه شبيك عاملة هكا
-مهدي متقليش بش تخرج
-اي بش نخرج
- يعني تجيبني معاك ترميني في الدار و تخرج بش تسهررر نرماااال ياخي .. عاد علاش مخليتنيش بحذا الجماعة كنت عاملة جووو
-ياخي شنوا لي تبدل جاك جديد الريتم انا نخرج نسهر وانت تبقى في الدار هه ابعد ابعد ناقصني كان هبالك
-مالا هز عديني للدار خالتي ميهمنيش فيك
-لا فماش مشي للحتى دار اصلا من وقتاش تمشيلهم انت تعلمت التسعسيڨ ظاهر فيك
-مهدي باه بش نسألك سؤال .. تحس انو لي تعمل فيه نرمال جبتني من دار خالتي بالسيف بش تخليني وحدي وانت بش تخرج تسهر و تعمل جو .. متحسش في روحك غالط ..
قعد ساكت يخزرلها ..
-بون في هذي غلبتني.. اما شنوا المطلوب تواا؟
-عندك 3 اقتراحات لا رابع لهما .. يا اما تقعد معايا ولا تخرجني معاك ولا تهزني للدار خالتي
-الاقتراح الثالث انساه.. و منجمش نهزك معايا للبلاصة لي ماشيلها و يلزمني نمشي. مرقد و اخطاني براس بوك تو غدوة نعوضلك .. ولا تعرش كيفاش شرايك نهزك بحذا جدككككك .. 😂 اسهر معاه تو بعد نتعدى نروح بيك..
-لاااااا ماك تعرفو يرقد بكري .. امان مهدي منحبش نقعد في الدار وحدي نتخنق زح حتى ريان موش هوني.. اقعد و تو نعملو برررشااااا جووو والله موش بش تندم ..
-ميرال بالرسمي لازمني نمشي تعرفني قداه ناخذ بخاطرك اما المرة هذي منجمش .. شدها من خدها .. بعد حل الباب و مشى ..
لقى سارة تستنى فيه قدام الدار وسارحة حبس قدامها و زمرلها .. طلعت في الكرهبة سلمت عليه و بقات ساكتة
-سافا
-حمد الله
-وين تحب نمشيو
-وين تحب انت
-باه صحيتك اكاكة نحبك
-هههه زايد تتبدلش
بقات تخزرلو و تضحك.. كانت تحس في روحها فرحانة مكانتش تنجم تتخيل روحها من غيرو ستانست بيه برشا كانت تعشق فيه كل حاجة حتى عيوبو .. الف طفلة حاسدتها عليه الف طفلة حاولت تعمللهم مشاكل و تدخل مبيناتهم لكن منجمتش.. مهدي موش ساهل انك طيحو ولا تلعب بيه.. الفترة لي عداتها بعيدة عليه ذاقت فيهم الويل كانت لا ترقد لا ليل لا نهار و توا قررت انها تعمل المستحيل بش متخسروش و تحاول تكون لمرى لي هو يحبها لي تعجبو و متخليهش يحس بفراغ كيف يبدى معاها مرى متخليه يخزر للحتى طفلة غيرها ..
كانو قاعدين يحكيو يضحكو و يتمعشقو كانت حاطة راسها ع كتفو و قلبها يدق تعداو قريب ساعتين .. هدووووء و بررشا حب و رومنسية ..الحلقة 33
لحظتها جاه تلفون من نومرو ميعرفوش علق المرة لولة لكن النومرو شد صحيح اضطر انو يهز
-الو
-الو مهدي!
-وي شكون معايا
-منى بنت خالتك .. سمحني كان قلقتك اما بش نسألك ع ميرال كلمتني قتلي بش تجي مشالها أيهم بش يجيبها و للتوا ما جاو و تلفوناتهم لثنين مسكرين! في الدار هوما ؟؟
-شنواااا !! فاش تحكي منى
-مهدي راني ماني فاهمة شي من قبيلة و انا نطلب فيهم و لتوا مجاو والله خايفة
-باهي علق تو نعاود نكلمك و كان تحصلت عليهم قلي..
قام مزروب بش يترشق بالغش
-مهدي شفما
-قوم سارة لازم نروح تو نحكيلك
ثنية كاملة و هو يطلب فيهم و لا واحد فيهم تلفونو تحل كان بش يهبل
-والله منوريك يا ميرااال لازم تعمل حاجة تبقاش رايضة كالعباد
-مهدي هدي روحك تو تلقاها
-شمخرج امها قلتلها مفماش خروج ديما تكسرلي كلمتي والله لاني معديهالها المرة هذي
كان يتحلف بش يهبل كان يراها لحظتها عادي يغفصهاااااا وشوف وشوف يبرد دموووو
اول موصل للدار دخل يعيطلها كان عندو امل يلقاها الدنيا قلبها دار بلاصة بلاصة لكن شي حتى نجلة كانت راقدة و مفيبالها بشي ..
جاه العساس يجري
-سي مهدي كانك ع ميرال راو جاها سي ايهم بالكرهبة هزها ..
-علاش مكلمتنيش علاش تخلي فيها تخرج موش نبه عليك بابا بش تحطها في عينك
-سئلتها قتلي راو مهدي فيبالو و مهيش بش تبطى
-باه تو نحاسبك عليها هذي تو بعد نتلهى بيك
هز روحو و خرج يجري طلع في الكرهبة و سارة تبع فيه و تهدي فيه .. كلم منى قتلو لي هوما مجاوش
قعد يدور بالكرهبة يفركس ويحاول يتحصل على واحد منهم لكن شي .. الغش لي كان فيه تحول للحيرة الدنيا الكل قلبها البلايص الكل مشالهم خاصة لبلايص لي يعرفها تحبهم .. كل لحظة يزيد يهبل و يتحيٍر اكثر .. مشى لصحابها الكل و كلم احمد بش يزيد يفركس معاه .. و كل مرة يضرب الفولون ويقوم يصيح
-مكارنيش خليتها ..
-مهدي اهدى بربي وين عندها تمشي تو نلقاوها علاه هذا الكل
تلفتلها و سكت بعد مشى للدار خالتو زاد قلبها الدنيا كان بش يهبل كيفاش ايهم يمشيلها بش يهزها و ميشاوروش يخططو وحدهم و هو لا في علمو لا في دراه كان متحلف فيه .. تعدات اكثر من ساعتين و هوما عالحالة هذيكة.. لين جاء تلفون للنوال كلهم خزرولها و وقفو
هزت و في لحظة طاح التلفون من ايدها و قامت تصيح بالفجعة و الخوف..
-ايهم ايهم في السبيطار عمل حادث يا منى جيبلي مفاتح الكرهبة تحرك .. مهدي اسبق انت عيششششك
مهدي بقى حابس في بلاصتو مالصدمة وجهو لخلخ و عينو حمارو اخر حاجة كان يتوقعها انهم يكونو عملو اكسيدون
نفس اللحظة تعدات عليه قبل كيف قالولو اختك عملت اكسيدون .. قعد واقف موش مستوعب شي خالتو تصيح و تبكي و سارة تجبد فيه بش يمشيو ..
مشى طلع في الكرهبة هايم مصدوم
يحس في طرافو جمدو معاش ينجم يحركها ..
-مهدي خدم الكرهبة شبيكككككك
-كان .تطلع صارتلها حاجة! كان تطلع مشات هي زادة...
كان يخرج في الكلام بسيف حابس في بلاصتو مصدوم
-مهدي نعرفك اقوى من هكا متخافش كان فما حاجة راي قالت خالتك امشي خنشوفو متخافش موش بش يصير شي خايب
خدم الكرهبة و مشى كان يلوم في روحو تمنى لو مخلاهاش لحظتها تمنى لو خذا بخاطرها و قعد معاها تمنى لو ممشاش و خلاها كان حاس بذمب كبير حاس روحو السبب.. مردش بالو عليها مستحفضش عليها.. كان خايف لتطلع مشات وخلاتو وميطلبش منها السماح.. كان خايف لا ميخلطش ويراها.. يرى خزرتها .. يراها تلوم و تسب فيه و تتشوحر كيما عادتها .. ميراش ضحكتها لي ولى يعشقها .. تسيب دلالها بلادتها و مصاطتها......الحلقة 34
وصل للسبيطار دخل يجري ساقو اعلى من راسو كان يرعش و داخل بعضو .. تملكو خوف و تردد كبير قبل ميسأل عليهم منجمش يتكلم دخلت وراه نوال و منى يجريو .. مرجعت فيه الروح كونش كيف سمع لي هي في الشومبر الفلانية ..طلع طول يجري اول موصل لقى الباب محلول و هي كانت قاعدة عالفرش مجروحة لكنها تحكي مع الطبيب
كانت تحكي و تتنفس مماتش مصارلها شي ميرال مزالت عايشة مخلاتوش منجمش يدخل لحظتها حس غصة في قلبو .. تكى عالحيط و خذى نفس قوي رجع بيه الروح.. قعد يحمد في ربي و دموعو غلبتو هبطت دمعة ع خدو منجمش يشدها.. خلطت عليه سارة تلقاه يمسح في دموعو لي ميحبش حد يراهم كانت اول مرة تشوفو في الحالة هذيكة اول مرة تشوفو ضعيف .. حاير و داخل بعضو و موش منجم يعمل شي و موش منجم حتى يتحكم فروحو ..
كانت عينو حمر و مرغرغين و في نفس الوقت يضحك و يحمد في ربي يطل يخزرلها و يتأكد من وجودها من غير ميشلق و يرجع يتكي عالحيط .. بقات تخزرلو من بعيد بعد مشات ..
كيف حس روحو سافا كبس روحو محبش يوري ضعفو و خوفو دق الباب و دخل
اول ما شافتو هبطت راسها و شدت في المخدة كبست عليها كانت خايفة منو و من ردة فعلو عارفتو موش بش يعديهالها كانت تسخايل بش تمشي تسهر وتروح قبل ميروح هو و تعديها عليه... قعد مهدي يحكي مع الطبيب .. بعد قربلها و حط ايدو ع شعرها
-علاه عملت فيا هكا
-مهدي سامحني والله متصورت بش يصير هذا الكل سامحني والله موش عارفة شبش نقول كلو في جرتي.. تمنيت كان ربي هزني و رتحكم مني
مخلاهاش تكمل كلامها لي محملوش و لزها للصدرو قعد معنقها و يحمد في ربي لي هي لباس
بعد جبدت روحها و خزرتلو
-يعني ماكش مغشش
-.. المفيد انت لباس و كهو..
-جيست تجرحت من هوني و ايدي تفصعت معاش نجم نحركها .. اوف و ايهم مسكين ساقو تكسرت وجعتو برشا. عملولو جبيرة
-قلي الطبيب تنجم تروح .. نمشي نشوف خالتي و ايهم ارتاح و بعد تو نروح بيك ..
عملتلو براسها باهي و تكات و هو وقف غطاها وقعد يخزرلها ..
-خرااك مكنتش نتصور لي انا نحبك للدرجة
نطق من غير ميشعررر
خزرتلو تبسمت و غمضت عينها..
كيف جا خارج سمعها ناداتلو تلفتلها
- ! حتى انا نحبك.. و بررشا زادة.. ربي خليك
تبسم بعد خرج و سكر الباب شاف احمد جاي يجري
-ااا مهدي لباس
-وي متخافش لباس تعدات ع خير .. عيشك بو حميد قعدت تفركس انت زادة
-وخيان ..
نجم ندخل نشوفها
-خليها ترتاح خذات فجعة خايبة
-باه و ايهم لاباس !؟
-ساقو تكسىرت هاني ماشي نشوفو
قعد مهدي مع ولد خالتو بعد روح بمنى و خالتو مخلاهمش يروحو وحدهم و رجع خرج ميرالالحلقة 35
روح بيها طلعها للبيتها دبشها كان مبقع بالدم .. جبدلها روبة متع نوم و مدهالها
-بدل دبشك و حاول ترقد
-نجمش ايدي قلي الطبيب متحركهاش و زيد مزالت توجع
-باه هات نعاونك
-لا ووه عيطلي خالتي نجلة
سكت و خرج وجاتها نجلة و فيدها طبق فيه شربة .. مهدي دخل لبيتو وجبد تلفونو كلم سارة
-وي وينك ياخي
-روحت من قبيلة
-خليتك معايا كيف دخلت للسبيطار من وقتها مريتكش..
-توا تفكرتني صار
-نعم!!! لا يزي مقعدتش معايا و روحت تجري من غادي للغادي وتزيد تحل في فمك و تلوم احمد ربي لي انا قعد فيا عقل و كلمتك ..
-م.مهدي انا مروحت الا متهنيت عليها بنت خالتك ...
-هيا صحيت مقصرتش .. ليلتك زينة
-ستنى مهدي
الووو!
علق عليها رمى تلفونو و دخل دوش بعد خرج للبالكون قعد يعمل في سيڨارو حاول يهدي عصابو و ينسى الليلة الكلبة لي تعدات ع راسو ..
مشى للميرال دق الباب و دخل.. يلقى نجلة توكل فيها بحكم منجمتش تاكل بيدها ليسار.. بعد شربتها دواها .. و مهدي كان واقف يتفرج ..
كيف خرجت مشى قعد حذاها
-احكيلي كيفاش و وين صار لكسيدون
-صار و كهو مهدي
-قلي كفاش
-جيت نفدلك مع ايهم ماك تعرفني ..دخل بعضو و الكرهبة بدات تمشي و تجي منجمش يتحكم فيها موقفت كان مدخلنا في شجرة .. ستانست بيك انت نبدى نلعب معاك و نجبد فيك من وذنك و نقرص فيك و نعملهم الكل اذاكة علاه متصورتش بش يصير هكاكة اوووف كلو في جرتي
-وانت سيادتك ماو لباس تلعب معاااااه
-مهدي علاش تصيح توا قتلك متصورتش بش يصير هذاكا الكل
-تستاهل بش المرة الجاية معاد تلعب و تفارع حد غيري ..فهمت !!
بقات تخزرلو بعد شدها الضحك
-هههههه يهلكك يا مهدي يعني مشكلتك الكل كيفاش نلعب مع حد غيرك موش كيفاش دخلت الطفل في شجرة ..
-و متركب مع حد غيري في حتى كرهبة كان منصف الشوفور سمعتني ..
-و نلعب معاه منصف
-تو نلعبلك بروحك تو نوريك تلعب معاه كيفاه
-ههههه بو زينو هو كي يتغشش ويحمر عينو يا لبي
-موش قتلك الريق هذا نحيه كي تبدى تحكي معايا
-باهي باهي .. حقا بش نطلب منك حاجة
-شنوا
-كيف تجي خالتي و دجو تقلهمش عاللي صار منحبهمش يتشغبو
-باهي
-عيشك.. هيا اعطيني بوسة و برى خنرقد بش تسهر--'
-منين تحبها البوسة!
-برى ممسطك اخرج منظررر هذا
-ههه شبي مخك خامج .. قلت بلكشي تحبها من خدك و طبس باسها من خدها.. ولا من جبينك و عطاها بوسة من جبينها و لا من خشمك و قرصها من خشمها و خرج يتضيحك خلاها شادة خشمها و تسب فيه و تقشتل ..الحلقة 36
قعد ليلة كاملة يغفى شوية ويقوم يمشي يطل عليها موش من عوايدو كان ماللي يحط راسو يتعدى في الطويل ميقوم كان بسيدي وسيدك.. ليلتها بحكم كان متحير و متوتر كان يرقد ويقوم .. كيف عرف روحو بش يبقى متحير فرش لوطة بحذاها كوات جاب مخدتو و رقد غادي المرة هذي تحمل الرقدة لوطة موش كيما المرة ليفاتت
ماللي قام الصباح قومها غسلت وجها و خلطت عليه لقات نجلة حطتلهم فطورهم في الجردة و هو قاعد يستنى فيها كيف شافها جاية طفى الدخان
-يا مهدي عالصباح تتكيف
-الله غالب .. هيا اقعد نفطرو
-ريان فين للتوا مجاء
-كلمتو قلي بش يروح بعد
-وانت ماكش ماشي تخدم ياخي شبيك للتوا في الدار
-منيش ماشي هيا كول ويزي مالاسئلة
قعد ياكل و يخدم بالتلفون هز راسو يلقاها تخزر للصحن
-شبيك!!
-نحبش ناكل بالليسار
-شنوا نحبش ناكل بالليسار هذي بش تبقى جيعانة مالا
-كان توكلني نبقاش جيعانة هههه
-زيد سيب دلالك عليا زيد
-بش توكلني ولا توا
جاتو غريبة بش يوكل حد عمرو معملها اما ضحك و خذا منها الفرشيطة و قعد يوكل فيها مرة ليها مرة ليه
هوما هكاكة و جاتهم نجلة
-مهدي وحدة اسمها سارة تناديلك
-دخلها لهوني
دخلتها و مشاتلهم للجردة التالانية تلقاه قاعد يفطر هو و بنت خالتو موش هوني .. قام سلم عليها و سلمت هي ع ميرال و قعدت معاهم ..
-مهدي كلمتك سبعين مرة مهزيتش عليا و مشيتلك للشركة قالولي مزال مجاش وليت تعديتلك و هوكا منها نشوف ta cousine و نطمان عليها.. شغبتنا عليك البارح راك
تبسمتلها ميرال و مجاوبتهاش ..
-منعرش تلفوني وين طيشتو ..
-توا هكا عزيزي متقولش سارة تتشغب عليا
قعد ساكت مجاوهاش بعد خزر للميرال هز الفرشيطة و رجع بش يوكلها
-لا سافا شبعت مهدي افطر انت انا هاني طالعة للبيتي
-طرس قتلو شبعت شكليت بش تشبع
-مهدي سافا
-اقعد قتلك
-باهي تو ناكل وحدي تقلقش روحك
-ع راحتك .. المفيد كول ..
كملت فطرت و هو قعد يحكي مع سارة و لاهي بميرال في نفس الوقت ..
كيف كملت فطورها قامت و خزرتلو
-تنساش بعد شوية بش تهزني للسبيطار نشوفو ايهم وعدتني راك هاني طالعة نلبس
.. يخزرلها سملة وقتاش وعدها و وقتاش حكاو فيه الموضوع من اصلو .. هزت روحها و مشات
-تطريدة بذخامة هذي هههه
-لا مقصدهاش اما م. ماو و عدتها حبت تذكرني و برا
-باهي نخليك مالا انا منعطلكمش تو بعد نحكو
-ابقى افطر معايا منحبش نفطر وحدي
-بشرط توكلني انت كيما كنت توكل في الطفلة
-اول حاجة اسمها ميرال موش طفلة و بعد خزرلها للايدها.. و هاو لباس عليك تنجم تاكل وحدك مشاء الله..
عداتها بضحكة و بقات تخزرلو ساكتة
-مهدي سامحني البارح مكانش قصدي نخليك و الله وزيد مروحت كان متأكدت لي هي لباس
-انسى سارة انسى
-ريتك كيفاه تبكي باين فيك ياسر تحبها اول مرة نشوفك في الحالة هذيكة .. كنت ديما تقلي راني معنديش قلب ومنحسش اما لي ريتو البارح كان العكس..
قعد سارح شوية يتفكر في روحو البارح بعد موتت اختو اول مرة تهبط دمعة من عينو عمرو مخاف ع حد بالطريقة هذيكة .. رمى الفرشيطة و تكى عالكرسي و خزرلها
-مالها الا بنت خالتي و امانة عندي سي نرمال نتفجع عليها شتحبني نعمل كنت نجم نخسرها ..
-مهدي ياخي امها و بوها وين هي علاش ساكنة معاكم
-امور عائلية
-شمعنااااهة!!!
سكت مجاوبهاش
-بااه سامحني كان قلقتك صحة فطورك
هزت ساكها و مشات و هو قعد يخزرلها معمل حتى رياكسيون بعد جبد ڨارو و قعد يتكيف..الحلقة 37
طلع للميرال يلقاها تتعارك مع شعرها
-شنوا حكاية بش نهزك للايهم
-اي ماو كنت بش نقلك بش تهزني شوية جات سارة وليت عملت اكاكة بش متعملش معاها بروجرام
-باه حتى انا فاهمك ..
بعد مشالها خذا من ايدها البوند و شدلها شعرها بالقوي كبسهولها كبسة متع ثم ثم
-نحس في حواجبي تجبدو ارخف شوية اووف
-زيد تشرط
- حقا ملا كعبة سارة طلعت شي كبير وانا نقول كيفاه سلبتلك عقلك
-هههه موش للدرجة عاد مينجم حد يسلبلي عقلي ارتاح
-ههههه تاثقش فروحك ياسر يجيك نهار و تجيني تبكي و تقلي الحب عمل فيا يا ميرال وانا نبدي نصبر فيك
-ههههههه تخيلها بربي! انا نبدى نتبكي ع وحدة لا وزيد نجيك ليك انت نشكيلك هههههه ابقى ستنى مالا
-بااااه تفكرو النهار هذا
-تحسك واثقة
-امثالك لي ضاربينو في رواحهم يا ارض تهدي ما عليكي ادي .. عمرهم ميتوقعو انهم يوصلو يحبو وحدة للحد لهبال هوما اكثر عباد يطيحو و طيحة خايبة زادة و ياكلو بررشا صدمات و يتعبو قريت برشا قصص و ديما نفس المصير
-خررررف.. بش تهبلك كان الروايات لي تقرى فيها .. و معاش تعاودو ضاربو في روحي طلعت متعرفنيش
-بالعكس نعرفك و بررشا .. متحكيش مع الليجي متحبش طيّح من روحك تشوف في روحك اصح واحد واكثر واحد يعرف يخمم متحبش شكون يدخل في حياتك حتى في اتفه الحاجات .. تي حتى اقرب الناس ليك ميفهموكش و مينجموش يتعاملو معاك واعي !!
-علاش مينجموش يتعاملو معايا هاك انت مثال تتعامل معايا و نحس إنّا نتفاهمو
-اوووه انا حالة خاصة بحكم نعديلك و نعرف كيفاه نتصررف معاك خاطر نعرف عليك حاجات غيري ميعرفهاش نعرفك قداش حنين من داخل رغملي متحبش تبين و حتى صعبك و سيطرتك و حب التملك لي فيك موش من قلبك جيست خاطرك تخاف عالانسان لي معاك و تحبو .. دونك انت انسان متكبر صحيح اما عندك صيفات محلاهم تخليني نجم نتعامل معاك لكن برى شوف شكون يفهمك غيري
-ع فكرة ماكش انت لي تعديلي انا لي نعديلك و نتغاضى ع برشا حاجات و برشا تصرفات نحسب روحي مشفتهاش دونك انا خليتك تنجم تتعامل معايا موش انت عرفت كيفاش تاخذني
-ريت كيفاش ديما انت المعلم لي يعمل كل شي و يفهم في كل شي وديما الصحيح و كان مجيتش انتِ راي السماء طاحت علينا ..
قعد ساكت حصلتو كيما عادتها ...بعد جاء خارج و تلفتلها
-هاني ماشي نلبس.. نلقاك تستنى فيا لوطة
-علاش متستنانيش انت ديما احنا لي نستناوك وه وه
هز حاجبو و ڨحرلهااا
-ههههه نفدلك نفدلك برى تو تلقاني نستنى فيك اصلا نستناك العمر كلو راك مهدي الغالي و ما ادارك
خرج و خلاها تمروح ع وجها و تحكي مع روحها
"وووه شبيك يا ميرال كثرتلها! ظاهر فيك تحب تاكل تراحة ".....
هزها شافو ايهم طلو عليه و بقاو معاه بعد تعداو فطرو البرة و روح بيها .. عداه نهار كامل في الدار حتى في الليل مخرجش كلمتو سارة قلها لي هو موش جاي..
كان طالع لبيتو عرضتو ميرال هابطة في الدروج شادة ايدها تحب تحركها..
-تي سيبها نسيت شقلك الطبيب
-باقي توجع يا مهدي
-تحمل ايامات و تو تبرى
-نشاء الله.. قلي كي سبتك نسخايلك خرجت انا؟
-لا منيش خارج هاني قاعد حذاك تفدش برك
-هههه كان جاء في بالي لكسيدون بش يخليك تبقى معايا راني عملتو من قبل
-اللطف عليك يزي معاش تحكي هكا.. و برى البس حاجة احمد شوي اخر ويجي
-علاه نلبس هاني لابسة
هز حاجبو وبقى يڨحرلها خزرت لروحها كانت لابسة خلعة بيضة مهدعة شوية صدرها باين و شورط قصير حست روحها تربثت اول مرة تخرج قدامو هكا نسات روحها لوجيعة متع ايدها خلاتها متحس بشي وجها حمار و طلعت تجري.. ضحك وكمل طلع كانت تسخايلو اول مرة يرا بدنها مفيبالهاش انو قداه من مرة يدخل لبيتها يتفقدها ويغطيها......
جاء احمد بقاو الثلاثة في الجردة
احمد و ميرال كانو يحكيو فيسع دخلو في الجو ولاو يفدلكو و يضحكو و يتعرفو على بعضهم اكثر زيد ماكم تعرفو ميرال كيف تبدى تسأل تحب تعرف كل شي .. و مهدي كان يخزرلهم و ساكت كان فاهم اللي صاحبو مضروب فيها ويحب يتقرب منها بطريقة غير مباشرة .. ع قد ما هوما يحكيو ويفدلكو ع قد ما مهدي سارح و ساكت تقولش عليه موش موجود معاهم ..
روح احمد و بقاو وحدهم ساكتين هي حاطة ساقها عالكرسي لي مقابلها و تكونكتي و هو شاد الpc و يخدم
-ملا كعبة احمد عود قلو يجي ههه
هز راسو بقى ساكت شوية يخزرلها..
-عجبك !
-اي محلاه
-نقلو يجي يخطب مالا
-ههه موش للدرجة عاد
-مالا
-شنية مال
-مالا شتحب
-منحب شي كلمة قلتها بفدلكة و برا
- عود اعرف شتفدلك مالا
-نشاء الله لباس
قامت و دخلت للدار و هو سكر ال pc وقعد يتكيف قعد يراجع في روحو حس روحو درا كيفاش تصرف عمل مشكلة مالحيط مفماش علاش حس روحو مغزل من لاشي .. هز الكرهبة و خرج فاكا الليل قعد يسركيلي بالكرهبة بعد وقف في بلاصة فارغة حبس الكرهبة تكى راسو عالكرسي و قعد سارح مفهمش شبيه يحس في روحو مخنوق و فاددالحلقة 38
تعدات ليامات جات الهام و يوسف تفجعت كيف شافت ايدها في البونداج وحلتها في مهدي قالتها لي هي تعاركت معاه شوية طاحت عليها..
بعد بأيامات تحسنت ميرال و كيف رجع سي يوسف شد الخدمة قرر مهدي انو يعمل فاكونس هو زادة يبدل فيها الجو و حب يهز معاه ميرال بش تتفرهد لكنو مينجمش يهزها و يمشيو وحدهم .. دونك اقترح عليها بش تمشي معاه وقلها بش تقول لمنى تجي معاهم .. و كيف سمع احمد لسق و قلو ماشي معاك اصلا بطبيعتو مينجمش يعمل جو من غيروو ..
فرحت ميرال بالفكرة و طول كلمت منى
-يا سخطة حظر روحك بش نمشيو نعملو فاكووونس
-هههههه فاش تحكي اما فاكونس
-مهدي قلي حضر روحك بش تمشي معايا و قول للمنى تمشي معانا
-هههه تحكي بجدك؟؟؟!
-تي اي مالا نفدلك
-ههههه و وين !!!
-قلي بش نمشيو للفرانسا و بعد بلاصة اخرى نسيت اسمها.. هاو لاهي يريچلي في اوراقي و البسبور ... اما زعمة خالتي تخليك
-اي باااز وانت خالتي الهام تخليك نعرفها تخاف عليك
-ههه اصلا مزلنا مقلنالهمش تي بربي مدام مهدي قرر شكون بش يقول لا ...
-ههههه باه بش نسألك
-اسأل
-توا مهدي قلك قول للمنى تمشي معانا ولا انت تقرر وحدك منحبش نبان رامية روحي
-لا والله هو وحدو وحدو قلي و زيد صاحبو ماشي معانا اما متقولش خاطر هو مقليش ...صاحبو قلي نحكي انا وياه عالفايسبوك😂
قبل المشية بنهار قعد مهدي يحضر في ڨاليزو و حال الكام و يحكي مع سارة
-بالرسمي حبيتك تمشي معايا و الله نعملو برشا جوو
-تعرفني نخدم حبي منجمش هوكا احمد معاك متهنية عليك و نحبك كل يوم تكلمني و تحكي معايا كام
-اي بااز
-مهدي
-نعم
-رد بالك ع روحك و ديما حط في مخك لي انا نحبك بررشا .. مطولش
-تهنى عزيزتي
هوما هكاكة و دخلت ميرال طول تخرنن كيما عادتها
-مهدي معرفتش شنهز معايا دبش صيف ولا شتاء ياخي
-متهز شي تو تشري من غادي
-اي هكا نفهمك
-ايجا هوني كلمت منى قلتلها بش تجي تبات هوني طيارتنا صباح بكري راو
-اي هاي جاية هي و خالتي نوال
مشات و رجع يحكي مع سارة
-مهدي ياخي ميرال ماشية معاك
-اي ربي صبرني هه
-و شبيك مقتلييييش مالا
-موش عارف فيبالي قتلك
-لا مقتليش عرفت بالصدفة معناها
- و شنوا المشكل توا شنوا لي مقلقك مفهمتكش! بنت خالتي ماشية معايا و انا نسيت مقتلكش حسستني درا اش صار
-باه مهدي ربي وصلكم بالسالم رد بالك عليها عاد و حطها في عينك .. اعملو جو تنساوش
بقى ساكت مجاوبهاش لين علقت .. دخل كلامها منا و خرجو من غادي مكانش حاب يخلي شي يغششو ويبدلو المود حتى لو كان سارة..الحلقة 39
8 متع الصباح كانو في المطار .. مشات معاهم الهام و ريان وصلوهم و لونها معينهاش فيها هالمشية و قلبها مشغوب و في نفس الوقت حابتها تبدل الجو و تنسى استراس الباك و الاستراس لي كانت عايشة فيه قبل. ..لقاو احمد يستنى فيهم سلم اعليهم و قعدت ميرال تعرف فيه ع منى ..
طلعو في الطيارة ميرال كانت قاعدة بحذا مهدي و منى و احمد كانو بعاد عليهم شوية..
قعد مهدي و تلفت للميرال يلقاها مغمضة عينها و تمتم
-شبيك !!
حلت عينها خزرتلو
-مهدي خايفة
-هههههه هرة عليك مالا
-اقعد رايض لتهر عليا لا نهر عليك احسب روحك متعرفنيش خيرلك
-فيبالك!!!
-فيبالي شنوا
-اخيب اكسيدون ينجم يصير هو اكسيدون الطيارة .. تخيل كان طيح بينا في البحر و البحر يبداو فيه قروش
-مهدي اسكت
-تنجم طيح بينا في البر زادة.. وقتها نتغفصووو و نتهرسووو تزيد تتحرق الطيارة نتبشمطو
وقفت حبت تبعد من بحذاه و ترتاح منو و من مصاطتو و بدات الاوتاس تحذر فيهم اللي الطيارة بش تطلع و بش يلبسو السانتير
جبدها قعدها و ركبلها سانتير متاعها
-توا اصعب لحظة الطيارة بش تطلع فيبالك تنجم تتقلب للتالي
بدات الطيارة تطلع و هي بدات تهلوس و تتخيل في كل سيناريو حكاهولها غمضت عينها و مالخوف ولات تصيح ع طول صوتها من غير متشعر
-لاااا يا ربي منحبش نمووووت
يحط ايدو ع فمها يسكركولها و يبقى شادها بالقوي بش متنطقش
- فضحتنا.. يا بنتي نفدلك
كيف سيبها ضربتو ع صدرو و قامت تصيح
- ممصتككككك ابعدني متقعدش بحذايااااا امان ايجاو بعدوه قعدت تصيح و تعيط الناس الكل بقات تخزر و مهدي طبس راسو و حط ايدو ع جبينو الدنيا خلاتها و كيف تتسيب يعرف روحو معاش ينجم يسكتها.. لين جاتها l hôtesse
بش سكتت و هدات
-ستنى نوصلو منوريك
-اسكت تحكيش معايا كي نوصلو الساعة هذا كان ممتناش
- تموتش متخافش بسبعة رواح راك
بقاو مرة يتعاركو مرة يتفارعو هي تجي بش تغفى و هو يقومها يشيخ عليها يزيدو يتعاركو مرة يجبدها من شعرها مرة يلويلها ايدها كيف طول لسانها... كيف حست روحها سافا معاش خايفة .. دوروها ضحك كل مرة يتفلقو بالضحك ع طول صوتهم من غير ميشعرو .. اللي بحذاهم الكل تقلقو لوتاس بقات ماشية جاية عليهم ثلاثة مرات بش تنبه عليهم بش ينقصو مالحس.. اما الله غالب ميشدوش رواحهم.. الدنيا قلبوها .. مراضو كان كيف جبدت ميرال كتاب حطت راسها ع كتف مهدي و بقات تقرى و هو تكى راسو و رقد ..
اول مرة يتصرف هكا كان ديما يحترم غيرو و عامل بريستيج للروحو و ميحبش يقلق حد و لا يقلقو حد حياتو كاملة عداها في الطيارة ماشي جاي لكن اول مرة تتعدالو مشية هكا محسش بيها.. عداها كلها ضحك و فراع حديث سلفيات و فيديوات ...
اول مهبطو تلفتلهم احمد
احمد:-يهلككم خليتوها الطيارةماللي طلعنا وانا نسمع في حسكم خلي عاد ضحكتك يا ميرال للتوا ترن في وذني .. عملتو الفضح
منى:-هههه صحة ليكم عملتو جو تمنيت لو جيت بحذاكم والله
-ميرال: ابنتي اما جو ولد خالتك مدود ميركحش و زيد كلاني بالضررب شو ايدي بقات زرقة اللطف شيموت عالفراع السخطة
-ٱاا تحكي عليا ضهرلي!!
-سملا موش خليتك مشيت انت .. هه اصلا نفدلك راو --'
جبدها ليه و قعد يمشي معنقها
-ماكش بش تريض ياخي
-طالعتلك شتحبني نعملالحلقة 40
تعداو للاوتال خذات ميرال و منى بيت مع بعضهم و مهدي خذا بيت و حدو و احمد كيف كيف ..
اول موصلو رتاحو و في ليل بدى الجو و الشيخاااات خرجو بدعووو ليلتها و خلوها .. من غدوة خرجو عملو لبنات شوبينغ الدنيا الكل شروها و مهدي في جرتهم يخلص مسيكن..
عداو ايامات متتنساش اللي ميتعملش عملوه و لبلايص الكل مشاولها .. ع قد ما هوما مع بعضهم ع قد ما احمد يتقرب من ميرال و منى تتقرب من مهدي كانت اول مرة تعرفو بالرسمي اول مرة تراه يفدلك و قالبها الدنيا كان ديما مبدع بيهم و كل مرة يعمللهم مقلب.. اول مرة ترى جوو و تعرف قداشو انسان بحبوح و فدلاك و رجولي وفيسع تنجم تدخل معاه في الجو .. مهوش انسان صعيب و ديما كابس روحو و ميعجبوش لعجب و نرفوزي كيما كانت تسخايلووو..
فما ليلة خرجو مهدي و ميرال وحدهم و مقالولهمش حبو يتمشاو و يحكيو شوية لكن لا مشاو و لا حكاو ليلة كاملة عداوها يعملو في الفضح في الشارع مرة يقعدو في الكياس مرة يهزها فوق ظهرو و يبداو يصيحو ويغنيو و يجريو و يتعاركو وبطبيعة هذا الكل هبالها و هو سيب روحو معاها و عاش معاها حاجات اول مرة يعملهم ..
بعد مشاو بش يشريو حاجات
اقترحت عليه انو ياخو كادوات للسارة
-سارة تفرح بسلسة ديامون ولا كرهبة اما موش شكلاطة و وردة و كتاب كيفك ..
-اوووه يا ناري .. وردة و معاها بوسة و حب صادق و كلام حلو خير من الف كرهبة تبعني و تو تشوف قداه تفرح ايجا نعملو حاجة رمزية مثال تصاوركم الكل من اول متعرفتو للتوا نعملوهم في البوم كتاب ذكريات تخلدو فيه حبكم
-هههههه يا بنتي سيب عليك نعرفها سارة و نعرف شنوا يعجبها و شنوا يفرحها لحكايات هذي موش جوها تو قبل منروحو ناخذلها حاجة تنجم تعجبها
-اومورك
-ايجا نشيخك شكلاطة بش نقعد من هنا لعام لقدام مرتاح منك
-ههههه اي حضر روحك معايا انا فماش راحة
بقاو يدورو في الماجازان و يقضيو خذات شبعة شكلاطة و شرات كتبة و مجلات جذبوها كانو يدورو و هي راكبة فوق كروسة القضية مرة يجري بيها و يسيبها مرة يعمل بيها فران تتقلب تجي ع وجها يبقى يرضي حاصيلو بدعو ليلتها كل بلاصة يمشولها لازم يخلو فيها اثر ..
بعد بايامات بدلو لبلاصة سافرووو و مشاااو يبحرووووو عداو ايامات في اوتال عالبحر كل يوم تبحير و شيخات .. ميرال كانت متعرش تعوم كل مرة يبقى يعلم فيها ...
نهار كانت هي و منى قاعدين ع الشط يحكيو و مهدي و احمد يعومو مقابلينهم ..
-ميرال هيا ندخلو نعومو معاهم
-لا اخطاني مدام مهدي يعوم انا مستحيل كان مزلت ندخل للماء .. تعرفو كيفاش يبدى يتموصت
-هههه ياسر نحسو عامل عليك جو
بقاو يحكيو لين خرجو لولاد
مهدي: شبيني نعيطلك متجاوبش
-مسمعتكش
-تتبهنس مطفية و عالفازة بش نعاقبك
جبدها من ساقها دخلها للبحر بالسيف
و احمد قعد يچحر بعد مشى قعد بحذا منى
-شبيه مهدي ميتصرفش معاك كيما يتصرف مع ميرال
-ممكن خاطر هي قريبتلو اكثر مني و عايشة معاه
-اما معندهاش برشا تعيش معاهم متحسش اللي فما حاجة بيناتهم
-منتصورش كان فما حاجة راي ميرال قتلي زيد مهدي عندو شكون
-وي سارة صحبتو نعرفوها ديما تخرج معانا
-يحبها مهدي !!
-ههه مهدي صاحبي عنا اكثر من 10 سنين و والله لتوا لا نفهمو
-ههههههه اي شنوا تحسو
-اي سافا معاها صحيح فما مشاكل اما اكثر طفلة حسيتو قعد معاها و حسيتو مالي بيها راسو
سكتت منى و هبطت راسها بقات تلعب بالرمل
-منى ياخي تحبووو مهدي يعجبك يعني!!
-ههه بطبيعة ولد خالتي راو
-عارفك فهمت سؤالي اما تتهرب مالاجابة هه ع راحتك
بقات ساكتة بعد تلفتتلو
-وانا نحسك لي انت مضروب في ميرال
-هههه منين جبتها هذي
-ههه ممكن انت متفيقش بروحك اما ياسر تخزرلها و مركز معاها و تحب تتقرب منها بأي طريقة و كيف تبدى مع مهدي تبوسو ولا يبداو يتفارعو و يلعبو نحس وجهك يتقلب و تدخل بعضك و تمشي
قعد يخزرلها بعد ضحك
-ههه للدرجة مشلق طلعت
-هههههههههه .. كان تحب نعاونك في حاجة هاني موجودة ميرال قريبتلي عاللخر ..
-لا مزال بكريالحلقة 41
بقاو ساكتين يخزرولهم لين خرجو لثنين مالبحر مهدي شايخ ضحك و ميرال تصيح و تعيط و خارجة شارية عركة
-ترى فيه كيفاه يغرق فيا شطر لبحر شربهولي و قاعد تتفرج زح مبرد دمك و انت تتفرج و ساكتة
-هههه مسيبة مولا العملة و جاية تلوم فينا احنا ..
قعدت بحذا احمد و تخزر للمهدي و تتشوحر و هو تكى عالرمل و حط ايدو و رى راسو
بقاو يحكيو ويفدلكو و مهدي ساكت و سارح
هوما اكاكة و تتعدى صيفت كعبة لابسة بيكيني تتبختر عندها كل شي بكمالو و تمامو --' لابسة لينات شمس و تحكي في التالفون و شادة سلسة رابطة بيها كلبها و تتمشى هي وياه ..
احمد ماللي كان يحكي سكت و بقى يميق ويتبع فيها بعينو
-وااا مهدي قوم يا خرا و تفرج في الشي
لاخر ماللي كان متكي قعد و قعد يبحلق في عويناتو فالح عاد ..
-ميرال: احشمو بربي احشمو و انتم عينكم قريب تخرج و هي ما باهي فيها كان كلبها
-احمد سكتها اكا البحذاك سكتها
-مصقتكم معجبناكمش احنا تخزرو للغيرنا .. تجرحولنا في مشاعرنا حرام عليكم
مهدي وقف و خذا اللينات من وجه منى لا يشاور و لايناور هز شعرو للتالي كان هابط ع وجهو و مشى
-احمد : اا وين ماشي
-هاني جاي
رجعو يبحرو و في الليل مشاو عملو سهرية قمقومة ميرال و منى كانو خالينها بالشطيح خرجو ابداعاتهم الكل و مهدي كان قاعد مع احمد مقابلينهم
-ااا شبيك ماللي جيت مهبط شي!! معادش تشرب بطلت !
-معانا لبنات ماسطة نشرب في وصتهم و انت بطبيعتك ماك متشربش ولا رجعت هه!؟
-هههه لا سماح ..
-تخيل نهبط كاس ههه والله اكا الفرخة لي عندي متقلي نشرب معاك رشفة ليك و رشفة ليا ماي اي حاجة نعملها لازم تعمل كيفها
-هه ربي فضلهالك
تلفت مهدي ع غفلة بش يرى لبنات شاف ميرال تشطح مع طفل بعد لسق فيها و حطلها و رقة فيها نومروه في صدرها و جاء بش يبوسها من رقبتها .. ميرال ماللي كانت تضحك و تشطح و عاملة جو و قفت دزتو و رماتلو الورقة ع وجهو دخلت بعضها و شدت في منى جبدتها بش يبعدو من غادي و متشوف كان في احمد و مهدي داخلين فيه بالبونيا .. بعد مهدي سيبو و رماه للاحمد و يتلفت للميرال و منى و يعمللهم براسو بش يخرجو و يمشي يهز تلفونو و مفاتحو و يخلط عليهم ..
-اطلعو
-مهدي علاش اكاكة صحيح هو تسوقط اما موش للدرجة تقتلوه بالضرب زيد لهنا عندهم عادي الحاجات هذي
-سكرررر فمك تناقش فيا مالفوق ! سمشطحك مع ***
-منى : مهدي يزي بلا صياح ميرال معندها حتى دخل في اللي صار
-منى متدخلش !!!
-تدخل كيما انت تدخل فيا و تتحكم و تحاسب فيا هي زادة تدخل و معاش نسمحلك تصيح عليا و تعاملني بالطريقة هذي ماكش بابا ولا خويا
قعد.واقف يخزرلها و مخسر عليها كان -عندك الحق و مشى طلع في الكرهبة و خلاهم واقفين .. لين خلط احمد يلهث .. وينو مهدي
-منى : في الكرهبة
-وانتم شبيكم واقفين هوني مزلتو تحبو تعملو مشكلة اخرى اطلعو تحركو
ميرال: احمد ياخي انا عندي ذمب في اللي صار قبيلة
قعد ساكت سوية بعد جاوبها -لا.. احنا هوما لي عنا ذمب مكارناش خليناكم وحدكم و مكارناش خليناكم تهبطو تشطحو من اصلو و ممكن مكارناش هزيناكم معانا زادة ..
-شخص كان جاو الناس الكل تخمممم كيييفك تحاسب و تراجع روحها شوية قبل متحط كل الذمب ع غيرهاااا
كانت تحكي بالقوي تسمع في مهدي .. لي كبس عالفولون و خدم الكرهبة حس روحو بس يطرشق اما قعد شاد روحو ..
مشاو طلعو في الكرهبة و بقاو ثنية كاملة ساكتين و مهدي كل مرة يخزر للميرال مالمراية بغل و غش و هي ملفتة وجها للشباك و الهواء يلعبلها بشعرها
ليلتها ميرال منجمتش ترقد قعدت ليلة كاملة تتقلب بعد خرجت قعدت في البلكون فاقت بيها منى خرجت و قعدت بحذاها
-شبيك شمفيقك للتوا قريب الفجر
-مكارنيش حكيت هكاكة يا منى
-تي بربي انسى تو غدوة ترجعو عادي محسوب نسيتو هو كيفاش يصيح ويعيط هوكا وقفتو عند حدو احسن معملت
-لا منى مهدي ميستحقش مني لكلام هذاكا خاطرو اكثر انسان عندو الحق انو يعمل معايا لي عملو هو الانسان الوحيد لي وقف معايا في بررشا حاجات في ظرف عام عوضلي برشا حاجات كانلي البو و الخو و الصاحب بابا لي جابني ملقيتوش لقيتو هو احن عليا منو .. الجملة خرجت من فمي في فورت غش مقصدتهاش يا منى
طفلقت بالبكاء .. قامت منى عنقتها و بقات تسكت فيها
-غدوة اطلب منو السماح و تو تشوف كيفاه ينسى و يحسب كأنو مصار شي نأكدلك ..الحلقة 42
اول مطلع الصباح لبست دبشها و مشاتلو للشومبر متاعو تجري مكانتش تنجم تصبر .. هي جات بش دق و الباب يتحل و تخرج منو طفلة .. نفس الطفلة لي شافوها البارح لعشية في البحر متعدية هي و كلبها بقات حالة فمها.. و الطفلة بقات واقفة تخزرلها
-ابعد بش ندخل حاشتي بمهدي
-pardon !!!?
-ااه تفهمش عربي احسن
خرجت الطفلة و ميرال دخلت و سكرت الباب لقات مهدي راقد و يجبد فيه خميري..
-مهدي قوووووم حاشتي بيك
-امم
-تي قووووم
حل عينو بشوية و عاود غمضها و كيف استوعب شكون يحكي معاه قام مفجوع
-كيفاه دخلت انت لهوني
و بعد قعد يخزر بجمبو و كلي يفركس ع حاجة
-تهنى خرجت عرضتني في الباب
رجع تكى و جبد تلفونو شاف الوقت و خزرلها
-شبيك! شتحب
-جيت بش نحكي معاك في حاجة اما لقيت ما اهم .. شتعمل عندك الطفلة هذيكة هوني!
-نقري فيها في شوية math
-مهدي تبداش تجبد عليا بالدم البارد نسيت روحك كيفاه وعدتني بش تنحي عليك اللعب و قتلي معاش نخون زح للدرجة متخممش في سارة كان تسمع شبش تحس
-الله غالب رجعت في وعدي و كان قلبك ع سارة تهنى معندها منين تسمع
قام جبد منشفة بش يدخل يدوش
-هذي بش تكون اخر مرة مهدي مكانش انا لي نقوللها ومنيش نفدلك
خزرلها هز حاجبو و ضحك
-اصلا شدخلك انت مالك الا بنت خالتي و معندكش الحق تقلي شنعمل واش منعملش ..
-مهدي لكلام لي قلتو البارح موش بقصدي سامحني!! عيشك انساه والله فورت غش ..
-كيف تجي خارجة سكر الباب وراك
دخل يدوش و خلاها واقفة حابسة في بلاصتها عينها تعبات دمووع و بعد خرجت
بقات في ااشومبر راقدة مخرجتش .. احمد و مهدي و منى تلمو يفطرو مع بعضهم
-احمد: ويني ميرال شبيها للتوا ما هبطت
-منى: محبتش خليتها راقدة
مهدي قعد يفطر موش هوني بعد قام
-انا هاني هابط نعوم شكون يهبط معايا
-منى: تستناني نلبس فيسع و نجي
-باهي متبطاش .. وانت احمد ماكش هابط
-لا معينيش (احمد محبش يهبط معاهم حبو يهبط وحدو هو و منى و يخليها تستغل الفرصة بش تكون معاه وحدهم)
مشات منى و مهدي يعومو و بقى احمد يتمشى في الاوتال و ميرال راقدة و مظلمة الشومبر في عالم اخر .. كيف روحت منى تلقاها قاعدة في البلكون
-وين كنت للتوا
-كنت نعوم انا و مهدي
-و احمد وينو !
-منعرش خليناه الصباح يفطر قلنا تو يخلط علينا مخلطش
-مهدي مسألش عليا !!؟
عملتلها براسها لا
-هو شايخ يعوم و عادي كأنو مصار شي وانا يعلم ربي بحالي .. مبرد دمو مشيتلو الصباح بكري حبيت نطلب ااسماح تلفني جملة وحدة متتصورش قداه غاضتني
-شيهمك فيه يحب يعمل حب عزيز اهبط و شيخ روحك تملاش راسك
-منحبش و موش حابة نرى منظرو
حتى لعشية محبتش تهبط تقعد معاهم عالبحر .. تلمو وحدهم يحكيو ويفدلكو و هي بقات تقرى في كتاب ع روحها..
-مهدي: منى كلم ميرال شوفها شتعمل
و قلها تهبط مناش جايين بش تقعد سيادتها في الشومبر نهار كامل
-احمد: مفهمتش شبيها نبعثلها في الميساجات متجاوبش زعمة متقلقة ماللي صار البارح
سكت مهدي و قلب وجهو و منى جبدت التلفون بقات تحكي معاها و بعد علقت..
-قاعدة في الشومبر و قتلي منيش هابطة و علقت عليا
قام مهدي ونفظ سروال و خزرلهم
-حضرو رواحكم غدوة الصباح مروحين نشاء الله ..
مشى و بقات منى و احمد يخزرو لبعضهم موش فاهمين شبيه ..
اللي هذا قعد في الليل يحضر في روحو و من غدوة الصباح تقابلو اللوطة و مشاو للمطار ..
-مهدي كان يتجبد و يتجنب لحديث مع ميرال لابس اللينات و حاط كيت و موش هوني .. طلعو في الطيارة ريججلو اومورهم و اول مبدات تطلع خزرلها حب يشوفها خايفة ولا! جات العين في العين .. قعد يخزرلها شوية بعد دور وجهو ..كان كل حد ع روحو ثنية كاملة ساكتين مهدي ملفت وجهو للشباك سارح و ميرال شادة كتابها تقرى فيه و كل مرة تسرح شوية تتفكر قداش عملو جو في الجيان قداش هبلو و ضحكو و سيبو هبالهم تخزرلو و تهبط راسها .. و هو زادة ماللي طلع للطيارة و هو يسترجع فاكا النهار .. فرررق كبيرالحلقة 42
اول مطلع الصباح لبست دبشها و مشاتلو للشومبر متاعو تجري مكانتش تنجم تصبر .. هي جات بش دق و الباب يتحل و تخرج منو طفلة .. نفس الطفلة لي شافوها البارح لعشية في البحر متعدية هي و كلبها بقات حالة فمها.. و الطفلة بقات واقفة تخزرلها
-ابعد بش ندخل حاشتي بمهدي
-pardon !!!?
-ااه تفهمش عربي احسن
خرجت الطفلة و ميرال دخلت و سكرت الباب لقات مهدي راقد و يجبد فيه خميري..
-مهدي قوووووم حاشتي بيك
-امم
-تي قووووم
حل عينو بشوية و عاود غمضها و كيف استوعب شكون يحكي معاه قام مفجوع
-كيفاه دخلت انت لهوني
و بعد قعد يخزر بجمبو و كلي يفركس ع حاجة
-تهنى خرجت عرضتني في الباب
رجع تكى و جبد تلفونو شاف الوقت و خزرلها
-شبيك! شتحب
-جيت بش نحكي معاك في حاجة اما لقيت ما اهم .. شتعمل عندك الطفلة هذيكة هوني!
-نقري فيها في شوية math
-مهدي تبداش تجبد عليا بالدم البارد نسيت روحك كيفاه وعدتني بش تنحي عليك اللعب و قتلي معاش نخون زح للدرجة متخممش في سارة كان تسمع شبش تحس
-الله غالب رجعت في وعدي و كان قلبك ع سارة تهنى معندها منين تسمع
قام جبد منشفة بش يدخل يدوش
-هذي بش تكون اخر مرة مهدي مكانش انا لي نقوللها ومنيش نفدلك
خزرلها هز حاجبو و ضحك
-اصلا شدخلك انت مالك الا بنت خالتي و معندكش الحق تقلي شنعمل واش منعملش ..
-مهدي لكلام لي قلتو البارح موش بقصدي سامحني!! عيشك انساه والله فورت غش ..
-كيف تجي خارجة سكر الباب وراك
دخل يدوش و خلاها واقفة حابسة في بلاصتها عينها تعبات دمووع و بعد خرجت
بقات في ااشومبر راقدة مخرجتش .. احمد و مهدي و منى تلمو يفطرو مع بعضهم
-احمد: ويني ميرال شبيها للتوا ما هبطت
-منى: محبتش خليتها راقدة
مهدي قعد يفطر موش هوني بعد قام
-انا هاني هابط نعوم شكون يهبط معايا
-منى: تستناني نلبس فيسع و نجي
-باهي متبطاش .. وانت احمد ماكش هابط
-لا معينيش (احمد محبش يهبط معاهم حبو يهبط وحدو هو و منى و يخليها تستغل الفرصة بش تكون معاه وحدهم)
مشات منى و مهدي يعومو و بقى احمد يتمشى في الاوتال و ميرال راقدة و مظلمة الشومبر في عالم اخر .. كيف روحت منى تلقاها قاعدة في البلكون
-وين كنت للتوا
-كنت نعوم انا و مهدي
-و احمد وينو !
-منعرش خليناه الصباح يفطر قلنا تو يخلط علينا مخلطش
-مهدي مسألش عليا !!؟
عملتلها براسها لا
-هو شايخ يعوم و عادي كأنو مصار شي وانا يعلم ربي بحالي .. مبرد دمو مشيتلو الصباح بكري حبيت نطلب ااسماح تلفني جملة وحدة متتصورش قداه غاضتني
-شيهمك فيه يحب يعمل حب عزيز اهبط و شيخ روحك تملاش راسك
-منحبش و موش حابة نرى منظرو
حتى لعشية محبتش تهبط تقعد معاهم عالبحر .. تلمو وحدهم يحكيو ويفدلكو و هي بقات تقرى في كتاب ع روحها..
-مهدي: منى كلم ميرال شوفها شتعمل
و قلها تهبط مناش جايين بش تقعد سيادتها في الشومبر نهار كامل
-احمد: مفهمتش شبيها نبعثلها في الميساجات متجاوبش زعمة متقلقة ماللي صار البارح
سكت مهدي و قلب وجهو و منى جبدت التلفون بقات تحكي معاها و بعد علقت..
-قاعدة في الشومبر و قتلي منيش هابطة و علقت عليا
قام مهدي ونفظ سروال و خزرلهم
-حضرو رواحكم غدوة الصباح مروحين نشاء الله ..
مشى و بقات منى و احمد يخزرو لبعضهم موش فاهمين شبيه ..
اللي هذا قعد في الليل يحضر في روحو و من غدوة الصباح تقابلو اللوطة و مشاو للمطار ..
-مهدي كان يتجبد و يتجنب لحديث مع ميرال لابس اللينات و حاط كيت و موش هوني .. طلعو في الطيارة ريججلو اومورهم و اول مبدات تطلع خزرلها حب يشوفها خايفة ولا! جات العين في العين .. قعد يخزرلها شوية بعد دور وجهو ..كان كل حد ع روحو ثنية كاملة ساكتين مهدي ملفت وجهو للشباك سارح و ميرال شادة كتابها تقرى فيه و كل مرة تسرح شوية تتفكر قداش عملو جو في الجيان قداش هبلو و ضحكو و سيبو هبالهم تخزرلو و تهبط راسها .. و هو زادة ماللي طلع للطيارة و هو يسترجع فاكا النهار .. فرررق كبيرالحلقة 43
وصلو للمطار لقاو منصف الشوفور يستنى فيهم وصلو منى و تعدى بيهم للدار ..
لقاو الهام و نجلة يستناو فيهم سلمو عليهم بقاو معاهم شوية يسألو فيهم شعملو واش معملوش وين مشاو بقات ميرال تحكيلهم بالتفصيل و توريلهم في التصاور و مهدي طلع للبيتو دوش و رقد ..
كيف جا سي يوسف مالخدمة تلمو الكل يفطرو
-خليتو علينا بلاصة كبيرة حتى من ريان مشى يصيف مع صحابو عندو جمعة و الله الدار بقات مخيبها
-حتى انتوما كيف مشيتو الدار بقات ماصطة من غيركم يا دجو
-خههه ترجعو في الفازة يعني
-هههههه كهو
-بابا سافا الخدمة
-سافا يا مهدي لباس..
-خالتي غدوة بش نمشي عندي اوراق بش نحضرهم للفاك معاش بكري.. و بعد ميسالش نتعدى بحذا خالتي نوال و نبقى شوية بحذا منى
-ووه ميرال مزلت مشبعتش بيك بش تمشي للنوال ااا بديت نغير رااو
-ههههه والله فيسع نبطاش زيد نحب نشوف ايهم خليتو مريض
-ع ذكر ايهم سمعت بحكاية لاكسيدون مهدي علاش مقلتلناش كان مسمعتش من نوال بالصدفة راني قعدت مفيباليش
قعد مهدي يتفكر فاكا الليلة الكلبة خزر للميرال و بعد تلفت للامو
-حكاية فارغة محبيتش نشغبكم
-شنوا حكاية فارغة ولد خالتك ساقو مكسرة وانت تقلي حكاية فارغة تحيل كان صارت للميرال حاجة وانا متهنية عليها معااااك مسيبها وحدها وانت راك درا فين ساهر
رمى الفرشيطة و قام
-شنعمل شتحبني نعمللها نبهت عليها بش متخرجش كسرت كلمتي و مشات وحدها مع ايهم لا تشاور لا تناور .. وانا منيش نخدم عساس ع حد كل حد مسؤول ع روحو و يعمل لي ساعدو .. صحة ليكم.. هز مفاتحو و خرج بقات ميرال حابسة عدات اللقمة لي في فمها بالسيف و طلعت للبيتها
روح مهدي في الليل مخر حل الباب بشوية و جاء طالع للبيتو يسمع في بوه يعيطلو كان قاعد في البيرو متاعو .. مشالو و طل مالباب
-بابا شمسهرك لتوا !!؟
-ادخل مهدي نستنى فيك
- والله تاعب و معيني في عرك كان بش تقلي شبيك مروح توا و ممشيتش للخدمة ...
قص عليه
-ادخل واقعد نحب نحكي معاك
سكت و دخل قعد في الكرسي مقابلو و حط ايدو ع خدو
-تفضل
-مهدي نحبك تعرف راك اغلى حاجة خرجت بيها في الدنيا انت وخوك و اللي نعمل فيه الكل ع خاطركم نحبكم تعيشو مرتاحين و فرحانين اما اكتشفت اني ظلمتك ممكن بطريقة غير مباشرة و مقصديش اما ظلمتك و جاب ربي فقت و نحب نصلح كل شي
-ع شنوا مفهمتكش بابا!!
-شوف نعرف لي انت كنت حابب تكمل تستقر في امريكا و تخدم غادي و تبني روحك غادي و نعرف لي انت متحبش تخدم معايا في الشركة اما انا ملي قتلك ارجع و راني نستنى فيك و معمل عليك مكسرتليش كلمتي و كنت مالسامعين .. انا وقتها فرحت برشا حسيت روحي تهنيت و رتحت من حمل ثقيل اما مخممتش فيك .. اصلا مشى في بالي انك قبلت بالفكرة و فرحان باللي تعمل فيه مكنتش نضن انك مخنوق و تعمل في حاجة فوق من قلبك ..
-بابا فاش تحكي منين طلعت بيها هالهدرة.. كان جيت متقلق راني قتلك بالعكس فرحان اني معاك و مرتحكتك كيف تبدى انت راضي هذيكة الفايدة ..
-شوف متحاولش تاكلني بالكلام ولا تخمم في مشاعري انا و شنوا نحب انا.. اعمل الحاحة لي تحبها انت و ترتحك انت و كيف تبدى انت راضي عاللي تعمل فيه و راضي ع روحك انا بش نكون اسعد حد في الدنيا ..
ماللي حكات معايا ميرال و مشيتو و انا قعدت نخمم و م ...
-ميرال !! شدخل ميرال في الحكاية
-بحكم هي كانت قريبة منك اكتشفت الشي هذاكا وانك موش مرتاح و جات حكات معايا حسستني قداشني بو قاسي و متسلط دونك قررت اني نصلح كل شي ..
-بابا ممكن حكيت معاها في الموضوع اما هي فهمتني بالغالط ماك تعرفها .. انسى و مفماش حاجة غالطة بش تتصلح هه
-شوف في اي وقت تقرر انك تسافر فيه و لا تعمل حاجة انت تحب عليها تقرر انك تبعد و تشوف حياتك كيما يريحك بش تلقاني معاك موش بش نشدك بالعكس بش نساندك و نعاونك و بش نكون فرحان و فخور بيك برشا..
سكت مهدي هبط راسو وقعد سارح .. بعد قام و تلفت للبوه
-يعمل ربي بابا
جاء خارج و سي يوسف عيطلو
-مهدي ميرال وصاتني بش منقلكش لي هي حكات معايا.. متحكيش معاها في الموضوع و متكلمهاش اصلا معملتش حاجة غالطة.. بنت خالتك تعزك برشا و تحب تراك فرحان هذاكا لي خلاها تدّخل في الموضوع ..
عملو براسو باهي و مشى
طلع وعرضتو بيت ميرال قعد حابس شوية بعد حل الباب و دخل يلقاها راقدة كانت لابسة شورط قصير و خلعة و شعرها مسيبتو كان هابط ع وجها و معنقة دبدوب كان مهدي شاريهولها .. قعد يخزرلها بعد قرب هزلها شعرها ع وجها غطاها، سكر الباب و خرج ..
قعد في البلكون يخمم٠.. يخمم في كلام بوه يخمم في اللي عملتو ميرال يخمم في العركة اللي صارت و موقفو منها يخمم في روحو و في اللي ناوي يعملوالحلقة 44
قام الصباح دوش لبس كلو في النوار اكثر لون يرتاح فيه في الخدمة .. برفن .. و خطار منڨالة من مناڨلو هز تلفونو و هبط لقى الجماعة يفطرو
-ههه شنوا مزلت شاد صحيح و ماشي تخدم تحبني نبدل رايي
ضحك و قعد تلفت ملقاش لا ميرال لا ريان
-ميرال مزالت راقدة! ؟
-لا مزالت كيف خرجت عندها متعمل و بش تتعدي حذا نوال يمكن تبات منعرش
-و ريان ؟
-مشى مع ميرال و بعد بش يتعدى يترانا
كمل فطر و خرج عداه نهار كلو يخدم و لاهي من حاجة لحاجة و لعشية مشى تعدى لسارة للخدمة متاعها .. دق الباب و دخل هزت راسها و بقات تخزر اول مرة يجيها للخدمة .. قامت و مشاتلو كتفت ايدها و بقات تتشوحر.. قرب منها و باسها بوسة طويلة من خدها
-جيت مالبارح و مظهرلك كان ليوم بش تراني مهدي!!
- تاعب البارح حبيت نجيك في فورما
-اممم
قربها ليه و شدها من خصرها
-يزي بلا غش راني متوحشك نحب نشبع بيك متفسدهاش و تعمل مشكلة
-باهي هاو بش نسكت توا اما...
قص عليها كلامها و غرق معاها في بوسة طويلة و هي كانت اول مرة تتفاعل معاه كيما يحب هو .. بعد جبدت روحها بشوية وبقات تخزرلو تلهث لين نفسهم تخلط ببعضو و وجها حمار .. حطت راسها ع صدرو و عنقتو
-نحبككك مهدي معاش تبعد تتصورش قداه توحشتك وعدتني بش تكلمني كل لحظة .. شوية متحصلت عليك كان مرتين زح مرضتني
باسها من راسها وقعد يبررلها كالعادة يدخلها منا يخرجها من غادي.. بعد هزها و مشاو عملو قهوة و بقاو يحكيو و بقات تصقصي فيه اش عمل و اش معملش بقات تتفرج في تصاورهم و جوهم وهي بش تموت بالغيرة و الغل .. تتسمى مشافت شي الصحيح الكل عند ميرال كانت كل لحظة تصورها ..
شاف الوقت يلقاها الستة
-هيا سو خليني نوصلك
-مزال بكري عشية سبت علاه بش تروح بيا من توا مزلت مشبعتش بيك مهدي اووووف
-عندي منعمل يا حبي والله
-شعندك متعمل الوقت هذا
-حجات متع رجال
-مهدي جاوب متبداش تتبهنس عليا
-خدمة خدمة
-باهي اما منعرش علاش منيش مصدقتك
-ماشي بش نقابل طفلة ..تحب نجاوبك هكا بش تصدق ياخي
-باهي اس بركا و نقص مالغش قوم وصلني
ميرال الوقت هذاكا كانت راكشة مع منى في بيتها يحكيو
-زح قداش يشد في قلبو تي هاك طلبت منو السماح
-منى اول مرة مهدي يهز عليا خشمو و يتغشش هكا ستانست بيه ميخذش عليا و باللي نقول و نعمل عادي
-محملش كيفاش تقلو هكاكة حسك بعدتو و هو حاسبك كيف اختو و عندو حق عليك
-باهي شنعمل بش يسامحني والله فديت نحس في حاجة ناقصتني !!!
-احكي معاه حاول
بقات سارحة تخمم و فيقها حس تلفونها .. خزرت تلقااه "mahdouchy" حلت فمها و بقات مصدومة موش مصدقة بعد هزت التلفون و تنطرت مالفرش
-منى مهدي يطلللللب !!! زعما سامحني ولا غلط في الرقم
-هززز تو تعرف
-الو!! وي مهدي
- مزلت في دار خالتي ؟!
-اي!!
-هي باه اهبط هاني نستنى فيك قدام الباب
-ااه قدام الباب !! علاه شفما
-شنوا علاه اهبط بش تروح
جات بش تتكلم و تقلو لي هي بش تبات علق عليها
هبطت التلفون و مشات طلت مالشباك شافت كرهبتو واقفة قدام الدار
-تي تكلم قلي شقلك
-قلي اهبط هاو جاء بش يروح بيا
-وووه موش قتلي بش تبات لااا عااااد كلمو قلو منيش مروحة
-جيت بش نقلو شوية علق .. هيا خليني نمشي لا يزيد يتغشش هههه احنا مصدقنا رجع حكى معايا بربي.. تو نجيك نهار اخر كلمة
-اوووف يا مهدي مقررت تسامحها كان توا زح
-هههههه هات بيزو خنمشي هاتالحلقة 45
هبطت تجري حلت باب الكرهبة و طلعت
بقات تخزرلو ساكتة و تتبسم تستنى فيه بش يقول حاجة لكنو قعد يچحرلها و مقال حتى كلمة..
ملقات متحكي و ملقات متقول مفهمت شي معرفتش مغشش موش مغشش!! نسى لي صار !! منساش!! .. بلعت ريقها و دورت وجها للشباك .. و هو خدم الكرهبة و طار
مجابش من ثنية الدار جاب ثنية اخرى..
تلفتتلو مستغربة
-موش مروحين ياخي
قعد يسوق مطفيها مجاوبهاش لين وصل بحذا لبحر نفس بلاصة العادة .. حبس الكرهبة و تلفتلها
-ليوم شنوا !
-سبت
-واحنا شنوا مستانسين نعملو بالسبت
-ههه نجيو للهوني
-اهبط مالا و متكسرليش راسي
شاخت ضحك هبط هو و هي خلطت وراه وشدتو من وذنو
-ياخي موش كنت مغشش وقالب وجهك و متحبش تحكي معايا تلعب بيا ولا شنوا
- تعرفني نتغشش عليك تي مناخذش عليك من اصلو
- خاطرك تعرف انت شنوا بالنسبة ليا واللي لكلام هذاكة فورت غش معرفتكش علاش هزيت خشمك للدرجة هذيكة زح خليتني نخطط و نكمبس كيفاش بش نرضيك الهم هذا تعرفني منحملش نبقى نحكيش معاك نكلب!!--'.. ع شكون بش نتموصت ع شكون بش ندلل مع شكون بش نتعارك .. شكون بش يفددني ويطلعلي الدم غيرك --'
-نعرف ماكش قاصدة اما عملت هكاكة حبيت نربيك بش تعرف شتحكي و المرة الجاية كيف نقلك حاجة تسكر فمك متناقشنيش خاطر انا الوحيد لي عندي الحق ندخل فيك و نتحكم فيك و نخاف عليك و نعمل كل شي
بقات تخزرلو رغملي معجبهاش كلامو اما سكتت و هبطت راسها و بقات تمشي لين وصلت للشط
جبدها ليه و عنقها
-نفدلك عليك صغرونتي تعرفني نشيخ كي نستفزك
-مخيبك كيف تتغشش و تتقلب عالعبد تولي حد اخر مبرد دمك جاب ربي جيت صغرونتك كيما تقول انت
قعد ساكت مجاوبهاش..
قعدو ع الشط بعد جبد من جيبو زوز سلاسل كل وحدة فيها حرف M .. بقات ميرال تخزرلهم جبدتهم من يدو وبقات تقلب فيهم
-يااااا مهدي زح محلاهم هاذم الزوز ليا انا ههه عيشك والله موش نرمال اما كارك مخذيتهمليش كيف كيف اما موش مشكل ههه .. قربت منو باستو و رجعت تشوف فيهم
-دين والديك ديما تتنطر عالحاجة كالبوهالية ماكش بش تنحيها هالصنعة
-...! هزت حاجبها وبقات تخزرلو مستغربة
- زيد بحلق اكا لعوينات مليح مغلبتني كان بيهم ..
جبد من يدها وحدة و خزرلها
-وحدة ليك و وحدة ليا وحدة فيها حرف اسمك و وحدة فيها حرف اسمي وحدة بش تبقى عندك و وحدة بش تبقى عندي منعرش علاش اما كيف عجبوني خذيتهم كنت بش نعطيهملك ليلة العركة شوية مكتبش ..
-ههههه صااار .. ماك قول هكا ماللول .. محلاها الفازة .. اما مفهمتش انا قعد عندي حرف اسمي ولا حرف اسمك انت ياخي ههه وضحلي 😂
-انا بيدي منعرش هههه شرايك انت! تحب تلبسها ع اساس حرف اسمي ولا اسمك
-ههههه باز حرف اسمي ماو لباس نلبسلك في حرف اسمك.. غريبة والله
-ههههه باهي دور دور خنلبسهالك .. و جرب ضيعهاااا ماني نعرفكالحلقة 46
لبسهالها و بقاو يخزرو للبحر كان هايج بحكم فما برشا ريح ليلتها
-مهدي موش تحس في لبحر فد من وجوهناا هعه
-ههههههه ممكن يكون توحشنا عنا جمعتين مجيناش زيد غار كيفاش بدلناه ليامات ليفاتو اذاكة علاه هايج اخزرلو كيفاه يتشوحر
-ههههههه اي كيفك انت بالضبط كيف تغير تهيج
-وانت منين تعرفني كيف نغير تحل في فمك
-نعرررفكك مغيار كبير ع حاجتك نشاء الله حتى كاغت كيف يبدى متاعك تغير عليه بربي
-ممكن..
هي احكيلي وين مشيت تهوملت ليوم
-ريچلت اوراقي متع الفاك ..
-هههه محامية العايلة بش توليلنا
-ههههه اي و من اكبر المحامين في البلاد زادة
-نشاء الله عندي فيك ثيقة كبيرة بش توصل للي تحب عليه
-متخلينيش مهدي
قعد حابس يخزرلها ملقى ميجاوبها .. لين ضحكت و قربت منو و و وشوشتلو في وذنو
-متخلينيش اول نهار في الفاك هزني انت بش نفيس بيك شوية و نعمل برشا معارف و اجواء و ندخل بقوة
-ههههههه ديما تخدم في مخك ..
-طالعتلك يا مهدي شبيك متحبش تفهمها النقطة هذي
-ملقيت فاش تطلعلي كان فالحكايات الفارغة
-الله غالب مدام مفيكش حاجة تصلح
-بربي نقوم نكور بيك توا
-تي تحبني نكذب كلك اغلاط ياخي
-هذا انا بالنسبة ليك
-ياس بايبي
-مالا شتعمل معايا في الليل و وحدك و في بلاصة فارغة خلا و قيفار متخافش ع روحك من واحد ميصلحش كيفي!!
-هههههه
-منيش نفدلك جاوبني
-تي يزي بلا مصاطة متاعك شبيك تصيح
-ميرال انت استفزيتني و انا بش نوريك وجهي الحقاني بما انو نظرتك فيا هكا اتو نزيد نأكدهالك انا منصلحش منصلحشالحلقة 47
بقات قارنة حاجبها موش فاهمة شبيه مفهمتش يحكي بجدو ولا يفدلك .. اما ظهر موش يفدلك السيد بدى يقرب منها ويحل في فلس شوميزو هي جات بش تقوم و هو جبدها بقوة جابها طايحة 'معندك وين تهرب مني" و شدلها ايدها لثنين لفوق
ميرال حست روحها تحلم مهيش مصدقة لي قاعد يصير بقات تخزرلو مصدومة بعد قامت تصييييح ع طول صوتها و هو شادها بقوة و باقي يخزرلها و قاعد يقرب منها اكثر .. لين تفلقت بالبكاء و بدات تتشحت فيه بش يسيبها ' مهدي فييييق امان سيبنيي راني ميرال راني صغرونتك راني بنت خااالتك و كيف اختككك مهدي ابعد تقربش متتهورش مهدي " كان تبكي و تتشحت فيه و تحاول تهرب لين عضها من خدها .. بعد سيبها بعد عليها و قام شاد كرشو و يتبربص بالضحككك
هزت راسها و بقات تخزرلو شادة خدها و ترعش و هو غاطس في كريز متع ضحك
-قتلك راك معايا لازم تعرف شتحكي ولا نبدع بيبيك هههه نشاء الله ضحكت خير والله فيسع ما تتعدى عليك طلعت ..
-مهدي هذاكا الكل تفدلك يعني
-شنوا حبيتها تطلع بالرسمي ههه
-فجعتني مهدي الصدمة لي حسيتها اول مرة نتعدى بيها والله قلبي وقف كانت تحكي و ترعش بعد. تفلقت بالبكاء لمت ركبتها بحذا وجها و بقات شادتهم و تبكي
ماللي كان يضحك سكت عدا ايدو ع شعرو حس روحو فدلك تفدليكة ماسطة المرة هذي هبط لوطة وقرب منها
-ميىرال يزي بلا بكا و قوم تصورتكش بش تتفجع للدرجة حبيت نفدلك معاك و برا
-قوم عاد نوعدك معاش نتموصت معاك هكا كلمة
هزت راسها چحرتلو و بقات تمسح في دموعها
زادت شدتو الضحكة و تفلق من غير ميشعر
قعد قاعد ع ركبتو يتبربص بالضحك و ميرال وقفت بقات تخزرلو بغل و تهز ساقها و تضربو صيفت ضربة في "متاعو " خلتو يتبربص ع قاعدة و هربت تجري ..
رجعت فيها الروح شوية و خزرتلو من بعيد تصيح -حتى انا قتلك الف مرة اعرف كيفاه تتصرف معايا ولا نبدع بيك هههههههه
بقات شايخة عليه ضحك و هو كان مرمي عالرمل يتغصور و يتحلف فيها -والله منوريك يا بنت لحرام
بعد متعدى بمرحلة العذاب قام و خلط عليها يجري هي تجري و هو يجري لين حست روحها تعبت دارت للبحر و بدات داخلة
-يا هم فاش تعمل اخرج
-مهدي والله تحاول تضربني ولا تعمل اي حاجة نزيد ندخل و نقتل روحي وانت تعرفني مزلت منعرش نعوم بالباهي والله نقتل روحي والله
-يا بنتي اخرج هاني وقفت منيش عاملك شي كلمة
-شوف انت فدلكت تفدليكة ماسطة و انا حاسبتك عليها توا نتسماو خالصين
-اي باهي خالصين اخرج عاد طلعليش الدم
-باهي ابعد
-هاني ماشي مرة وحدة بش نطلع في الكرهبة و انت اخرح
هو بعد و بقى يمشي بتوالي و هي خرجت مالبحر و خلطت وقبل متطلع في الكرهبة هزت حجرة كبيرة في ايدها و طلعت
-لا يزي غلبتني و عرفت كيفاش تخليني نعديهالك و زيد طالعتلي بحجرة
-اي معادش ناثق فيك انت ..
-سامحني عاد والله نفدلك .. و كان طيح الثيقة بيناتنا معادش نحكيو خير
-باهي سماح
رمات الحجرة و بقات تنفض في ايدها و هو تكى راسو عاكرسي و تنهد
-انا هو لي معادش ناثق فيك نورمالمون.. ملا غدرة عطيتهالي
كان يحكي حستو مزال يتألم مسيكن
-مهدي سافااا!!! ولا كيفاه
-منعرش حتى نجرب تو نقلك سافا ولا
-برى بڨلا و نشاء الله لي في مخي يصير هههه
-وقتها ترسيلك تاخذني انت و بسيف عليك
-هههه نوحل فيك يعني ! مستحيل
-ههههه اما تحسنا طيحنا لقدر ياسر الليلة ايا احشم عاد شنوا توا !!!!
-هه وانت لي خالطك ماو بش يولي كيفك ويطيح لمستواك سي مهدي
-ااااه باين فيك تحب نعملك طرح اخر
-باه هاو سكت ريض و امشي روح بيا ..
روح بيها حطها قدام الدار
-ماكش داخل
-لا عندي وين ماشي
-لوين
-بحذاا لولاد احمد مكلمني برشا مرات
-امم مشى فيبالي للطبيب هههه
جبدها من شعرها
-ااااوليت تتضومر ياسر انت كانك تخمم بش تردني تكركيرة نكور بيك و منخليكش تحلم بيه اكا النهار
-بااه سيب شعري مشى في جرتك معاش تجبدني منو اوففف
سيبها ڨدت شعرها جبدت ساكها منتالي و جات هابطة و هو جبدها
- منغير فدلكة جاوبني ! تاثق فيا!؟
-رغملي عملتو ليوم و رغم الفجعة لي و كلتهالي و تشيييح الريق اما نبقى ناثق فيك شتحبني نعمل الكبدة مشومة اما نتمنى كان معاش تفدلك بالطريقة هذيكة محملتهاش عيشك
-نعرف عندك الحق
باستو من خدو كيما العادة و هبطت و هو قعد يخزرلها لين دخلت
يا لفعة والله منذوقهالك لوجيعة بش تتربى و تنحي الغدرةالحلقة 48
الحلقة 48
تعداااات ليامات .. رجعت ميرال تقرى .. بدات مرحلة جديدة في بلاصة جديدة مع عباد جدد مختلفين انواع و اشكال لكن هي مكانش عندها مشكل كانت تتأقلم فيسع مع اي وضع و دخل روحها و ميصعب عليها شي..
تعدات سوايع.. ايامات .. شهور.. كانت تقرى .. مهدي كالعادة يخدم ولا مسافر و لا يحوس .. منى زادة كانت تقرى فاكيلتي كانت اكبر من ميرال بعامين .. ريان مرة يقرى و مرة فاصع يتهومل اذاكا ديما معلبالو بحد و ملاهي بيه حد مسيكن ..
علاقة مهدي و ميرال متبدلتش بالعكس زادت قوات اكثر و اكثر .. كانو كل شي يعملوه مع بعضهم يفطرو يتفرجو يخرجو يسهرو يقضيو يحوسو و كل نهار سبت يبقاو عالبحر يحكيو اذاكا نهار مقدس لازم منو.. و بطبيعة عركهم و مشاكلهم ماشية وتزيد اذيكة حاجة متتنحاش ..
الناس الكل يعرفو قداشهم قراب لبعضهم حتى من سارة كانت تحس فيها اقرب منها للمهدي و مكثر عركها معاه ولى عليها ..
مهدي يحس في روحو ياسر ولى متعلق بيهامينجمش تتعدي ساعة و ميكلمهاش ويشوفها شتعمل حتى كيف يبدى متفاضي وهي تبدى في الدار يكلمها ابال فيديو ويبقاو يحكيو ولا يتعاركو المفيد يراها .. حاجات موصلش عملهم حتى مع سارة ..
نهار خرج مالخدمة و مشى هز سارة بش يمشيو يفطرو و كلمتو ميرال في الثنية
-مهدي كان كملت الخدمة تجي تروح بيا ملقيتش تاكسيات عندي نص ساعة
-موش نورمالمون تكمل بعد الساعة هذي
-اي اما البروفة مجاتش
-فاش قام تفركس ع تاكسي مالا ماو ماللي تخرج تكلمني
-تي ماو محبيتش نقلقك نعرفك تبدى تخدم الوقت هذا
-باهي هاني جايك توا دريجين و نكون عندك
دور الكرهبة و رجع..
-ياخي موش بش نفطرو مهدي توا
-اي بش نهز ميرال ونمشيو نفطرو مع بعضنا و نروح انا وياها مرة وحدة نبقاش ماشي جاي نهار كامل
قلبت وجها و تأففت هي موش حاملتها و تزيد تفطر معاهم --
-شوف كان بش تقلب وجهك موش لازم منها تو نروح بيك توترليش عصابي شيفدد فيك .. مفهمتش شنوا مشكلت معاها الطفلة
-مشكلتي معاها انت .. ماكش تشوف في روحك ياسر راك ياسر عاطيها قيمة و قدر! مقراتش تاخذ تاكسي و تروح فاش قام تكلم فيك وانت لي تقلك عليه تقلها الله يبارك .. موش معندك متعمل بش تبقى تهز فيها و تجيب..
-انا منبه عليها بش كيف متقراش ولا تخرج بكري تكلمني و متخذش تاكسيات .. انت شحرق شعيرك انا لي نهز و نجيب انت شنوا لي مقلقك قاعدة تسوق في بلاصتي !!!
-باهي مهدي باهي
-و متنساش لي تحكي عليها راي بنت خالتي دمي و لحمي موش نعطي قيمة و قدر للبراني و هي لا
-شقصدككك؟؟!!
-مقصدي شي تنجم تبدل الموضوع توا
-هه ولا قول باز ماكش تقصد فيا بطبيعتك ماكش عاطيني لا قيمة ولا قدر
-بربي!!
-هذاكا اللي صاير مهدي راجع روحك شوية خاطر ساعات نحسك متحبنيش عاملني مجرد صورة قدام لعباد .. متتصورش قداكش تبدلت معايا ماللي ظهرت في حياتنا
خذا فران قوي و ضرب الفولون بغش سارة ترعبت من ردت فعلو
قعد حابس بعد خذا نفس قوي حاول يهدى و يحكي بشوية تلفتلها
-شوف ممكن انت لكلام والتصرفات لي تعمل فيها هذي الكل بسبب غيرة و غيرة معندها حتى مبرر اما ميسالش نعذرك و بش نحسب مسمعت منك شي اما نحبك تعرف انو انا كان مجيتش نحبك و كان مجيتش انت تعنيلي حاجة راك ماكش معايا توا في الكرهبة .. عيشك نحي لحكايات الفارغة من مخك حاول ترجع سارة متع قبل سارة لي عرفتها اول مرة لي نبدى شايخ كيف نبدى معاها لي الضحكة ديما ع وجها ديما عاملة جو و متركزش مع الحكايات الفارغة سارة لي ضاربتو فروحها و مينجم حد يوجعها ولا يغلبها ولا يزعزعلها غرورها وثيقتها بروحها ..
سكت تنهد و خدم الكرهبة و هي هبطت راسها و بقات تخمم في كلامو حست روحها برسمي تبدلت ع قبل ممكن حبها ليه لي ماشي ويزيد السبب..
تعدى للميرال يلقاها واقفة في الظل متكية عالحيط و حاطة الكيت تستنى فيه كانت شادة شعرها لفوق عاملة في وجها فون و شوية ماسكرا و حاجة خفيفة و مات في فمها كانت ياسر كلاس حتى في لبستها.. كيف شافتو طلعت تجري سلمت ع سارة و ماللي طلعت و هي تحكي و تضحك مسكتتش
-بعد لقات قهوة متع مهدي هزتها هي جات بش تشرب و مهدي فكهالها
-نحي من يدك
سارة ضحكت و تلفتتلها
-ههه باين فيك متعرش لي مهدي ميحبش شكون يشربلو من كاسو
خزرلها مهدي و ضحك "هههه فهمتني بالغالط منحبهاش تفسد فطورها "
-و تفلقت ميرال بالضحك منتالي
-وانت باين فيك متعرش يا سارة لي انا و مهدي ناكلو ساعات فرد صحن و نشربو قهوتنا فرد كاس و ناكلو بنفس لمغرفة .. هي مزالت بش تزيد تحكي و مهدي تلفتلها ڨحرلها و برق فيها عينو بش تسكت و هي قلبت وجها كان تلقى تزيد تغزلها اكثر بش تعرف شتحكي معاها ...
مهدي قعد يسوق ويتمتم وحدو محبش حتى يخزر للسارة "لتربحك يا ميرال لازم تكعبرها في كل مرة متشدش فمك لازم ترجع فازتك يعني! والله منحيهالك هالصنعة"
سارة بقات تغزل تحس في معدتها وجعتها بالعمل .. بقات ثنية كاملة قالبة وجهاالحلقة 49
مشاو للرستو هبطو فطور و بقاو يفطرو .. مهدي و سارة رجعو يحكيو عادي و ميرال بقات تفطر و حاطة ايدها ع خدها هزت عينها ع غفلة ورات شخص مقابلها قاعد يفطر و يحكي مع صاحبو .. حست برعشة في بدنها الكل قلبها بدى يدق و وجها حمار و دخلت بعضها .. اكيد الشخص عمر موش حد غيرو .. قرابة تسعة شهر مشافتوش بعد اللي صار حست روحها نساتو و تجاوزتو و تجاوزت لوجيعة لي خلاهالها لكن اول مراتو تعادالها سيناريو كامل في مخها حست بوجيعة في قلبها بقات مهبطة راسها متحبش تخزرلو تحب تحسبو موش موجود ..
عمر لحظتها شافها هو زادة بقى حال فمو موش مصدق و اخيرا لقاها و شافها من جديد من غير ميشعر رمى الفرشيطة من ايدو و قام مشى للبلاصة لي هوما قاعدين
-ميييرااال!
كلهم هزو روسهم و خزرولو..
بلعت اللقمة و وقفت بقات تخزرلو
مهدي قام من بلاصتو و دارلو
-شتعمل انت هوني !!
-حاشتي بميرال و لازمني نحكي معاها
-مزال عندك عين وجاي تحل في فمك باين فيها التراحة متع المرة لي فاتت مرباتكش
بقات ميرال تخزر موش فاهمة شي على انا تراحة يحكيو ..
عمر فوت في مهدي و خزر للميرال
-ميرال اسمعني عندي برشا كلام نحب نقول هولك من بعد ليصار وانا نفركس عليك ملقيتكش لازمك تسمعني
شدو مهدي من شوميزو و دزو
-اقلب منظرك من هوني متخلينيش نغلط معاك
مشاتلهم ميرال و شدت مهدي
-مهدي سيبو يحكي خلينا نشوفو شيحب
-سكر فمك و طرس غادي معندكش كلام معاه
-ميرال تو تلقاني في **** نهارت لي تحب تسمعني بش تلقاني نستنى فيك غادي نخدم صباح كامل ..
يهز مهدي ايدو ويعطيه بونية في وجهو
-تو تعيا و هي جايتك يا طحان مزلت تحاول تقرب منها نمحيك واحد كيفك متستاهلهاش جاي توا تسخايل بش تلقاها تستنى فيك والله كي تخرى ڨلبك لنخليك دور بيها
ميرال و سارة بقاو يجبدو فيه بش ميزيدش يضربو صاح عليهم بش يخرجو من غادي.. هو بعد عليه و عمر جبد كرسي و جاء بش يقوم و يدمغو بيه و صاحبو جاء بعدو و بقى شادو و هو يتحلف ويصيح حس روحو جن ..
هز مهدي مفاتحو و تلفونو خلص و تلفتلو بعد مسمع تهديداتو وكلامو
-تو تخرالي فيه
هذاكا شخسر عليه .. خرج و خلا الدنيا مقلوبة و العباد تخزر..(كيما كل مرة يقلبها الدنيا ويخرج صنعة ولا نجم ينحيها)الحلقة 50
حل الكرهبة و قلهم اطلعو طلعت ميرال و سارة بقات واقفة
-مهدي برى ع روحك انا بطبيعتي عندي قضية هوني تو بعد نكلمك
منغير ميناقشها خدم الكرهبة و طار ميرال كانت راكبة منتالي و هو كان يخزرلها في المراية كان يرى فيها كيفاش ترعش و داخلة بعضها و تاكل في ظوافرها
-شبيييييك! متقليش حاسة عليه سي الطحان
-مهدي موش وقتك
وصلها للدار طلعت تجري للبيتها و ترمات عالفرش حست روحها مخنوقة و موش فاهمة شنوا لي صار و مهيش فاهة روحها
يخلط عليها مهدي ويحل الباب بقوة يدخل ويسكرو .. اللي في الدار الكل بقاو باهتين .. كل مرة طالع واحد يجري
-قووووم بش نحكي معاك
-مهدي اخرج و خليني وحدي معيني في حديث توا
جبدها من ايدها و قومها
-ياخي مزلت تحبوو ولا شحكايتك
-مهدي اما حب متاعك بربي اخطاني
-مالا شبيك ماللي ريتو وانت داخلة بعضك شنوا حبيت تعرف شكان حاب يقلك للا قلبك معطاكش تمشي و متسمعوش
تكلمممم
-مهدي سيبني
-حابب ياكلك بكلمتين ويقلك راني نحبك منسيتكش راني نادم و سامحني و انت بش تمشي كالدغفة تصدقوووو .. عرفت علاش انا مخليتكش تحكي معاه خاطرو *** و موش راجل كان جاء راجل راو مخلاكش نهارتها
-مهدي يزي اسكت .. اسكت راك زدت كملت عليا خنقتني اخرج اخرررج
-هاني خارج اما والله وراس امك نسمع بيك مشيتلو ولا قابلتو في البلاصة لي قلك عليها متلوم كان روحك سمعتني... هاني ماني عامل شي ومنيش ماشيلو بش نعطي فيك الثيقة وبش نحسب شي مصار .. جرب تقابلو من ورايا..
سارة لحظتها مكان عندها قضية غادي لا شي.. رجعت و بقات تحكي مع عمر عرفت كيفاش تهدية و فهمت منو كل شي و خذات رقمو و وعدتو بش تعاونو الله اعلم شنوا ناوية تعمل..
ميرال بقات قاعدة عالفرش مستغربة من تصرفات مهدي و في نفس الوقت مستغربة من روحها شبيها متوترة و داخلة بعضها لكن الحاجة لي متأكدة منها انها معاش تحب عمر ..لوجيعة لي وجعهالها مستحيل تنجم تنساها ممكن هذاكة علاش تقلقت كيف شافتو و تفكرت حاجات متحبش تخمم فيهم.. كانت متأكدة انو عمر معاش يعنيلها شي مجرد ماضي و تجربة فاشلة و هو لي خطار انو يكون ماضي.. تمنت لو كيف مشاتلو وقتها قابلها بنفس اللهفة لي قابلها بيها ليومة نفس الخزرة لكن يا خسارة كل شي تكسر معاش تنجم تقبل فكرة انها ممكن تسامحو هو لي تخلى عليها و هي توا بش تزيد تتخلى عليه....
بقات تخزر للروحها في المراية و خذات عهد للروحها انها موش بش تخلي حاجة ترجعها للتالي.. دخلت غسلت وجها بدلت دبشها و بعد اقترحت عليها الهام بش تمشي معاها للخدمة تونسها بحكم متقراش..
مهدي وقتها مشى يخدم و عداه نهار كامل متوتر و ع عصابو واللي كلمو يشعل فيه..
روح للدار مع حكاية العشرة متع الليل قاتلو نجلة لي ميرال مع امو و مزالو لتوا ماجاو.. مكانش عينو بش يخرج مشى دوش و لبس دبشو و قعد في البلكون يتفرج في المطر كان الطقس بارد وقتها ذكرو في نفس النهار لي جات فيه ميرال للدارهم .. في ضرف عام ولات قريبتلو برشا تقولش عليه يعرفها من سنين ملاتلهم حياتهم و استانسو بيها برشا فيسع ما ولات جزء منهم و من عايلتهم .. اول مدخلت لحياتهم مكانش يتصور انها بش تولي قريبتلو للدرجة مكانتش يخمم حتى بش يحكي معاها شوية ولات صديقتو و رفيقتو و بير اسرارو .. ولات اكثر حد يرتاح كيف يبدى معاه اكثر حد يشيخ عليه ويسيب معاه هبالو.. يتفورخ و يتموصت و يعمل حاجات عمرو معملهم قبل ولا جاو ع بالو ..
قعد يراجع في روحو عاللي عملو ليوم مفهمش علاش ولا كيفاش خرجت منو كمية الغش هذيكة الكل .. ميرال موش صغيرة و تنجم تعمل الحاجة لي تختارها ويقلها عليها مخها زيد هذي حياتها و من حقها تعيشها كيما تحب هي .. هي الوحيدة لي عندها الحق انها تختار تسامحو ولا لا .. انها تختار ترجعلو و تنسى ولا لا.. مهدي كان عارف الشي هذا مفهمش كيفاش عطى لروحو الحق انو يدخل في حاجة كيما هذي .. ممكن كان خايف عليها وخايف لا ترجع تتوجع منو مرة اخرى ممكن يرى في روحو اكثر حد قريبلها يرى في روحو مسؤول عليها و في مقام خوها.. لكنو موش خوها ...
بقات برشا افكار دور في راااسو قعد يخمم مخو بش يترشق لكن الفكرة الوحيدة لي بقات مسيطرة عليه انو مستحيل يخليها ترجعلو و مستحيل يخليه يدور بيها ...
رائع احداث القصة محبوكة بشكل رائع
ردحذفروعة شكرا على الموضوع الرائع و شكرا على مجهودك
ردحذفرووووعة ❤️❤️❤️❤️👌
ردحذفTroop❤❤❤
حذفياسر طويل ماا ياسر محلااه زاداا ههه عيناي مشااو ف تليفون كملتو في 3 أياماات 😂💔
ردحذفTroop❤❤
ردحذفtoop❤❤ kamel
ردحذف