مشكلة وحده : ابا اتخلص من اهلي واتزوج اليوم قبل باكر

مرحبا الساع خواتي \\






هلا خواتي اليوم بحكي لكم قصة معاناتي في بيت اهلي وياريت كل وحده تشوف قصتي تدعيلي او تهو عليه

انا عايشه في بيت مسلوبه فيه كل حقوقي كانسانه وبني ادمه محرومه من المصروف الشهري حتى اغراض العيد نادر اذا اشتريتها واشتريها بالذل اذل روحي لين ما اكتفي من الذل والقهر حاولت اشتغل وما اقدرت لنه كلهم يبون واسطه وانا ماعندي غير شهادة ثانويه وما اقدرت اكمل جامعتي لني مايبت نسبه تدخلني جامعه اصلا زين اني مادشيت جامعه لو كنت دشيت شو كنت بلبس جدام البنات اللي هناك اانتم تعرفون كشختهم كيف وانا يلا يلا احصلي درهم في الاسبوع

مرت علي فتره ملجت فيها وماصار نصيب ابوي اخذ مني كل مهري ويوم انفصلنا واتقاسمو المهر ماجفت منه ولا درهم وعند ابوي لي 20 الف باقيه ولا عطاني منها درهم واجهته وحاولت بس ماشي فايده استنجدت بخواني واخواتي يساعدوني اطلع باجي المهر من ابوي لني محتاجته وماشي فايده ولا عطاني بيزه

عالاقل لو عطاني اياه كنت اهتميت بعمري وسرت اكمل دراستي بفلوس وجابلت حالي بس الله يسامحه حارمني من كل شي وسالب حقوقي كلها

والاخوان كل واحد فيهم لاهي مع عياله وزوجته وكل ما اسير اطلب فلوس ابي اشتري شي تشوفوهم يذمرون كاني طالبه الف وانا تدرون شو اطلب ؟؟؟ اطلب 50 درهم او اقل مرات اقولهم اي شي يطلع منكم المهم اعطونب كل شهر دام ابوي مايعطيني يقولون لا ماعندنا وماعرف شو


اسير عند خواتي المتزوجات كل وحده منهم تقعد تلبس احلى الملابس جدامي والله ما احقد عليهم بس ااباهم يحسون فيني ويعطوني مره وحده من خواتي عطتني تنوره يديده مادخلت فيها وعطتني اياها بخقه وتكبر قالت لولا انها مادشت فيني ولا ماعطيتج اياها ياخساره والله اني خذيتها وانا دموعي كاتمتنها بعيوني وخاطري اصيح وسرت غرفتي وتميت اصيح من خاطري ادعي ربي اني اتزوج واطلع من هني باي طريقه لن الحين مالي غير الزواج هو المنفذ والمنقذ الوحيد مرات اقول لروحي بتزوج اي واحد يتقدم لي حتى اذا مب زين المهم اطلع من هني لني تعبت تعبت من ظلمهم وتعبت من تقصيرهم وتعبت من كل شي

ما اروح ازور ربيعاتي ونادر ربيعاتي يوم ايجون عندي بس يتمون يقولون شو هابيتكم وليش جي غرفتج وماعرف شو قبل كنت اذمر بي عقب اقولهم غرفتي وانا حره فيها واهلي ناس عقد حالهم بس ما ابين لهم ان اهلي جي مقصرين وانا بالنسبه لهم ولا شي


الحين في بيت اهلي انا مالي غير غرفتي هي الكهف والغار مالي اللي الجأ فيه وافضفض فيه لربي
حتى هالشي الوحيد اللي لي خذوه مني اخواتي واخواني كل وحده منهم تجي زوجها مسافر شهرين تظل شهرين بغرفتي وتعبث بغراضي وانا اواجها واقولها ما احب جي تقولي بس انطمي وطلعي برع يعني غرفتي وبعد تطرديني برع تقولي برع فكيني من شيفتج اظل ارقد عند امي ويوم اشتكي لامي انهم يلعبون بغراضي تقولي عادي خواتج اقولها يما هم عندهم بيزات واذا خلص شي يرومون يشترون غيره بس انا ماروم اذا خلص اللوشن انذل واتعب لين ما اجيب غيره تقولي انتي انانيه واتذلين اخواتج وتطيح علي ظلم وكله عشانهم

اقولها انا مو انا انيه ولا اذلهم خلهم يرقدون بالغرفه لين باجر بس ما يوصخولي اياها ولا يعبثون بغراضي ولا مره جفت امي وقفت جمبي ظدهم كله معاهم ويوم يجوفوني ما اسوي اللي يبونه يذلوني عالاشيا اللي عطوني اياها مثلا وحده منهم تقولي لا تنسين التنوره الغاليه اللي عطيتج اياها

والثانيه لا تنسين اللاب توب اللي جبته لج خلاااااااااص حفظت كلامهم هذا حفظته ذقت الذل لين ما قلت بس هاللاب اللي مالي غيره انفس فيه عن روحي يوم اتعب بعد يذلوني عليه

خااااااطري اتزوج باي طريقه خاطري اطلع من هني اليوم قبل باجر خاطري واللله خاطري باجر احصل ريال داق باب بيتنا يباني بتزوجه باي شكل من الاشكال بس عسب اطلع من هني وافتك

احس اني حمل ثقيل على ابوي وامي واخواني احس اني هم عليهم مايصرفو عليه ويتذمرون يوم اطلب بيزات اللي يشوفهم يقول طالبه مليون وانا حدي 50 درهم وتحت شو يجيبون هاليومين مايجيبون شي بس انا كنت راظيه فيهم

ياخوفي بعد اذا تقدم لي واحد ابوي ياخذ مهري بعد هالمره عادي يسويها او يحاول انه يكرهه فينا ياخوفي والله دوم افكر في هالشي وانا وحده لالي حيله ولا قوه عندهم وكلامي مب مسموع بالمره

وفوق هذا كله عندي ناس يحقدون عليه ومب مكفيهم اللي فيني


انا ما اتمنى الزواج لن من داخلي ابي بس اتزوج انا اتمنى الزواج عسب اتخلص من بيت اهلي واطلع
باي طريقه ابي اطلع احس روحي وحيده محد منهم جمبي

خاطري عالعيد مايجي الا وانا مخطوبه خاطري ودوم ادعي بهالشي مابي اظل قاعده بيت اهلي يوم زياده لني احس عمري بموت من الهم

كفايه ان شكلي بعد ما بلبس بعيد نفس الناس اااااااخ يا قلبي يارب متى اطلع وريحهم كلهم مني متى يارب









اي رد بتردونه هي راح تدخل وتشوفه وردودها بتكون عن طريقي

دعواتكم لها

الله يرزقك بالزوج الصالح الي يعوضك بحنانه ودلاله لك يارب

الله يرزقج على قد نيتج ويعينج ويسر اموورج ...يارب

الله يساعدج
لازم تقوين شخصيتج ما تخلين احد يتحكم فيج
لو انا منج جان ارفع قضية واخذ فلوسي من ابوي
شنو هاذا ياخذ حقج وانتي ساكته
يبين ضخصيتج حدها ضعيفة
ويا اختي الي ما عنده شخصية في هلزمن يدوسونه ولا تلحلمين انج بتعيشين دام شخصيتج ضعيفة
وتنورة اختج
ارميها فيو جهها وقولي لها مالت عليج وعلى تنورتج دام بتذلين عمر اختج عشان ثياب
ولا تخلينهم يدشون حجرتج ليش ما اهمة ينامون مع امج ؟
هاذي حجرتج ولين طردوج منها عاندي وقولي لهم انتو الي تطلعون هاذي حجرتي
بطيتين جبدي صراحة شفيج ساكته جذي ؟

اختي مب انا صاحبة المشكله وحده ثانيه وهي تدش تقرة ردودكم وانا بكتب ردها هني


المهم هي جي ظعيفه على قولتج لن اهلها اللي خلوها ظعيفه ولا ملها حثق ولا لها كلمة واذا تكلمت عادي تنطق


ومن باب الاحترام ماتروم ترمس على قولتها تحتاج ظهر تستند عليه بس وسط اهلها ماعندها ظهر يساندها كلهم عليها هي

عسب جي ظعفت مسكنيه ومالها حيله ولا قوه الله يعينها

الله يكون بعونها و يرزقها الزوج الصالح عاجلـاً غير آجل


:
:
:


اللهم مالك الملك تؤتي الملك من تشاء و تنزع الملك ممن تشاء و تعز من تشاء و تذل من تشاء بيدك الخير إنك على كل شيء قدير

أغنها بحلـالك عن حرامك و بطاعتك عن معصيتك و بفضلك عمن سواك


:
:
:


ذكريها بالـإستغفار و الدعاء في جوف الليل و هي ساجده


سهام الليل لـا تخطىء و لكن ... لها أمدٌ و للـأمد إنقضاءُ


و قولي لها تقولك سكر وسط اصبري و توكلي على الله و انسي همك ربك رحيـــــــم


((( ما تضيق الّـا و تفرج )))


[MARK="#CC0066"] إن مع العسر يُسرا [/MARK]


F:

الله يزوجها ولد لحلال اللي يصرف عليها ويقدرها

الله يفرج همها

الله يزوجها الزوج الصالح اللي يدلعها ويصرف عليها ولا يقصر معاها ويخاف ربه فيهاا

الحمدلله ع كل حال كنت ومازلت اتذمر من اهلي ومعاملتهم وتربيتهم وكلوو بس اهووون عندها
استغفري وادعي ربك واقري سورة البقره كل يووم
وحاولي تتعايشين مع وضعك وارمي ورى ظهرك منتي مستفيده غير الهم
لاتتذمرين كثيير مافي شي بيتغير اذا تذمرتي غير انك تتحطمين
قوووي شخصيتك ولاتهتمين ولا تاخذين شي من اخواتك الزم ماعليكي كرامتك
ولا خذي وانبسطي فيهاا بس لاتتاثرين بكلامهم عاااااااااااااااااااتي اهم شي انك سويتي شي نفسك فيه واذا عالكلام طنشي ما كأنك سامعه ولا اذا تتحسسي لاتاخذي
وكريماتك واشيائك الخاصه قفلي عليها بدولاب او شي ولا اذا جوو خبيها بمحل مايوصلون له
وحاولي تكوون عندك قناااااعه باللي عندك القناعه كنز لايفني
ودااايم طالعي اللي اقل منك تهون عليكي مصيبتك

لاتسيري مكتئبه ودوووم حزيينه << زيي
فرفشي اضحكي لاتسيري انطوائيه انتبهي تندمي
وترى الدنيا حلووه فكري ببكره لما تتزوجي ان شاء الله
ودوام الحال من المحااال ان شاء الله يجي يوم تتعدل اوضاعك
وربي مايبتلي عبده الا اذا احبه وكلو بـ أجره اهم شي امك وابوووك بريهم ولك الجنه ان شاء الله

ربي ان شاء الله يفرجلك همك..

مرحبا اختي

صححيني لو انا غلطانه ...


مشكلتك كلها تتمحور ( بالمصروف ) ... صح ... طيب لو فرضنا .. اني انا اعطيك كل شي 1000 درهم ....

هل تبقى كل مشاكلك محلوله .. الثانيه ...؟؟

يا اختي ... المرء ينظر إلى ماعنده .. ويحمد الله عليه ... انا ما ابي اتفلسلف عليج .. بس اقولج احمدي الله على النعمه الي انتي فيها ... والي انتي اعتقد مو منتبهه لها ..

عندج ام ... عندج اب..


عندك بيت.... فوق راسك يحميك من البرد والحر ... وناس ما عندها سقف اصلا!!

عندج اكل .... عندك مشرب ....


عندك كسوه .. تستر بدنك .... واذا هي مب يديده ... على الاقل ماعتقد ان هي مقطعه.....

نعمه الصحه .. والعافيه ... عندج غرفه .. وغيرج راقد فوق بعضه بعض وعشره اشخاص في غرف وحده...

كنت اعرف وحده بالمدرسه .. اهلها من البخل كانو ما يعطونها حتى مصروف حق فوط صحيه .. تصوري كانت تقطع الثياب وتحطهم...!! ويوم عرست .... وكبرت .. ما عمري شفتها الا ببيت اهلها وواصلتهم وشايلتهم...

في قصص حبيت اذكرك بيها ... لو انتي سمعتيها من قبل ... سمعتي عن قصه الولد الي كان ابوه متزوج من وحده ثانيه .. وكان يضربه .. لين جسمه صار ما يحس بالضرب ويحبسه كل ليله في قفص.... ( قفص من غير مبالغه ))

ويوم راح للشيخص يشتكي له عن حاله قاله الشيخ اشتكي على ابوك قال .. مايصير اشتكي على ابوي هذا ابوي ... مهما كان .. بس ابيك تكلمه ان ما يحطني بالقفص.....

يعني لو حياتج مثله شنو بتسوين ؟!! ابسط حقوق الانسان مسلوبه...

وانتي تظنين ان الزوج هو المنقذ لج ... هو الي بيعطيج وبيسوي لج... عزيزتي ... بدل ما تحطين املج في زوج ينقذك حطي املك بالله ان يغير حالك من حال إلى حال .. ويهدي اهلك ويسخرهم .. لهم .. ونصيحتي لج مهما عاملوك بالسيئه عامليهم بالحسنى واحتسبي الاجر

ماادراك انك لو تزوجتي .. تاخذين زوجك .. بخيل لا يصرف ولا يعطي ويسلبك كل حقوقك ويضربك ايضا ؟؟؟

اتضعين حل مشكلتك بالمستقبل الغائب .. ام تحاولين حل مشكلتك مع الحاضر وهم اهلك وناسك

اعلمي يا اختي ان اهلك مهما فعلو فلن يرموك بالشارع ولن يتركوك جائعه او من غير كسوه او غيره ... وان كانت ابسط امورك لا تستطعين شراءها ارضي نفسك بشيء اخر غيرها ... او استغني عنها ... وان حصلت على فرصه...في الحصول عليها خذيها ...

احسني إلى والديك مهما فعلو لك.. .. فقد يتغير حالهم... واخواتك احسني لهم ..مهما فعلو فاجرك عند ربك...

اختي انظري إلى ماعندك ... واحمدي الله عليه ... فصدقني هناك عوائل لا تملك ابسط الحقوق المكرمه للانسان للعيش.... ولا تقولين ليش اطالع الي ماعنده ... اكو ناس عندهم... بقولك بتتعبين لان الناس مو نفس بعض..

ومن تابع الناس ما تهنا..

تحياتي لك

ام جنى

ام جنى بارك الله فيك ع ردك الذي اعتقد بانه كافي لا حرمنا الله من مجهودك واخلاصك في الرد

العتب

الله يعينك ويرزقك الزوج الصالح يارب إللي تسعدينه ويسعدك

خلي امالك بالله كبير وعليك اختي بسورة البقره والاستغفار والدعاء -بزوج صالح وان يجعل الله بينكم المودة ورحمة

هم ليش يعاملونج جذي ؟!؟!؟

أكيد في سبب يخليهم يحترمون خواتج وأخوانج وما يحترمونج

الله يعينك مالك الا الدعاء هو المنجي الوحيد لك من هالظلم كله
وانا رح ادعي لك اختي وان شاء الله ربي يفرج همومك واصبري وتذكري ان ماعند الله هو خير وان شاءالله
ترزقين بدخول الجنه والتلذذ بنعيمها وخواتك حاولي انك تتقربي لهم وتفهميهم اذا مافهمو بكيفهم لاتذلين نفسك وتطلبين منهم شئ
بيني لهم انك مستغنيه عنهم انك مومحتاجه شئ لان الله معك ورح ينصرك ويزوجك الرجل الصالح الي يحبك ويغليك وتكونين انتي كل دنيته ويغنيك بعد
اللهم آآآآآآآآآآآآآآآآآآآآآآآآآ آآآآمين