زوجي ضربني

سلام عليكم عروسات ..
قبل لا أطرح مشكلتي حبيت اشكر من كل قلبي البنات اللي مايبخلون بتقديم النصح والمشوره لعضوات المنتدى عند طرحهن لمشكلاتهن ... جعله الله في ميزان حسناتهن ...


بنات ... صار خلاف بيني وبين زوجي واحتد.... ومني كلمه ومنه كلمه واعتلى صوتنا ... قام يقول ليي لاتصارخين ... واني ماكان اصارخ بس اللي صاير انه ماكان مقتنع باللي اقوله واني انفعلت ابي اقنعه ونبرة صوتي كانت عاليه شوي ... قام وضربني ...ظليت ابكي ...قلت له ما ابيك ما ابي اقعد وياك ...بروح عند اهلي ...(ما رضى يوديني) يقول الحين الوقت متاخر مابودي انا احد.... هو طبيعته مايعتدر ابدا بس يوصل لي الاعتذار بطرق ثانيه ... اعرف من تصرفاته ... في نفس الليله جى حاول يتقرب مني بس ما خليته لانه كلش مو قادره انسى شكله وهو يضربني .... الحين صار ليي 3 ايام ما اكلمه ....

اللي ابيه شوروا عليي بنات كيف اتصرف معاه؟؟؟ اني ابي اوصل له انه مو شي عادي انه يمد يده وبعدين يندم .... واخاف يتعود وبعدين يصير عادي عنده انه يمد ايده ... أظل مخاصمتنه؟؟ والا شنو ؟؟

هل كان لازم اروح بيت اهلي ؟؟؟

حبيبتي حطي روحش مكاني وشوري عليي شلون بتتصرفين عشان تحسسينه انه اللي سواه غلط .

الزعل ما رح يفيد والحرد مارح يفيد ،،، حبيبتي قعدي معه قعدة هادية وعلى رواق وعاتبيه بطريقة حلوة واحكيلو انه الضرب ما بتسامحي في وانه لازم ما يعيدها ،،، احكيلو وصارحي بكل شي زعلك وماتضلي زعلانة منه لانه الزعل ما بفيد وما لازم تروحي تحردي في بيت اهلك ممتاز انك ضليتي في بيتك لانه كانت المشكلة كبرت على الفاضي ،،، الله يهدي بالك يارب

افضل الطرق ... لكي توصلين فكره ان الضرب ممنوع

هو ان تجلسي معه وتصارحيه بحقيقه ما حدث معك وانك متضايقه بسبب ماحدث ولا يمكنك نسيانه..

اخبريه انك لا تطلبين منه اعتذار رسمي ولكن عليه ان يعي ان الضرب ليس هو الحل دائما...

وان كان يشعر انه لا يستطيع النقاش يترك النقاش ويؤجله لوقت اخر ...

يجب عليك مصارحته والكلام معه.. والسكوت والزعل لين يفيد .. عزيزتي

تحياتي

ام جنى

ي حياتي ذا الشيطان دخخل بينكم ولا تروحين لاهلك وتكبر السالفةة حلي الموضوع بينكم من غير احد يدري
واذا انتي مو قادره تواجههيه وتقولي انو اللي سواه غلط وجرحك وكذا .. ارسليله مسج احسن
وخليه يوعدك انو مَ يعيدها مرهه ثانيهه !
وان شاء الله تهدى الاوضاع بينكم ويصلح زوجك يارب

مممممممممممممممممم
قــعدي معــاه وتفهمــو
لان زعلك لا راح يقدم ولا ياخر
اتصلي بيته وتكلمو بهدوء
والاشياء هذي ديما تصير بين الزوج والزوجه

السلام عليكم ورحمة الله وبركاته
اختي الغالية من حسن حظك ان زوجك تصرف بحكمة ولم يذهب بك لبيت اهلك
لو ذهبتي لبيت اهلك سيكرهون زوجك وربما سيضعون شروط تعجيزية لرجوعك اليه وهذا ليس بصالحكم ابدا
انالااقول ان له الحق بضربك بالعكس
ضربه اعتبريه زلة يده بسبب عجز لسانه عن ايقاف ارتفاع صوتك فأنزعاجه حوله الى فعل وهو ماحصل
لذا لاتطيلي الخصام كي لايتعود على خصامك ويستسهله ولأن الرجال لايفهمون لغة الصمت والقصد منه
لذا اخبريه انك ببيت اهلك لم يضربك احد ابدا حتى لو ليس حقا وحتى لو ضربتي من قبل لايهم
المهم الفكرة التي ستوصلينها له
موضوع الضرب غير مقبول ابدا واعلمي بينك وبين نفسك ان ضربه لكي دليل عجزه عن السيطرة على الوضع فأعتبريه اسكات
وصدقيني ان زوجك يحبك وانتي قلتي بنفسك ان له اسلوب بالاعتذار اذن دعيه يصالحك بأسلوبه
المهم ان توصلي له فكرتك وهي انك لاتقبلين بالضرب وتعتبريه جرح شعورك نفسيا اكثر من الالم الناتج عن ضربه
طيب بالمستقبل عندمايحصل بينكم حوار حاولي ان تجبري نفسك على الصمت لحين انتهاء كلامه
ولاتسرحي وركزي بحيث تناقشيه على ماطرح لكي من اراء بهدوء
كي لايتكرر ماحدث
حتى بعد تصالحكم ياغالية لاتخبري اهلك
انتي وزوجك ستنسون الموقف وسيستمر حياتكم واهلك لن يتذكرو غير الضربة وسيكرهون زوجك وسيعبسون عند قدومه اليهم وهذا ليس بصالحك
لذا اعتبريها غلطة فعلها زوجك وبسبب حكمتك وعقلك لن تتكرر
ايضاياغالية لاننسى قول الرسول الكريم محمد صلى الله عليه وسلم(تعرض الاعمال في كل يوم خميس واثنين فيغفر الله عز وجل في ذلك اليوم لكل امرأ لايشرك بالله شيئاالاامرأ كانت بينه وبين اخيه شحناءفيقال اتركواهذين حتى يصطلحا اتركوا هذين حتى يصطلحا)وهذابين الاخوان فكيف بالزوج وزوجته
لذا اسمحي لزوجك ان يراضيك واسمعيه رأيك
اسأل الله ان يؤلف بينكما وان لايحصل بينكم اي خصام بالمستقبل
سلامي
اختك لارسا بغداد

اختي الحبيبة ,, انتي ممكن كنتي تحاولين اقناعه وحسيتي انك مجرد علا صوتك ولكن بالنسبة له كمرآه لك هو صراخك فقط ! يعني لا قدرتي توصلين المعلومة له و هو انفعل لانفعالك وحصل ماحصل ,, يعني عدد من الرجال مايقدر يمسك نفسه وقت الغضب ويسوي شي يندم عليه ولكن طبعا مو ع الرايحة والجاية يده مشتغله وتهف يمين يسار !! ...

اذا كان هذا طبعه يعني ع الرايحة والجاية وع اتفه الامور راح وضربك اذن هاذي مايمكن السكوت عليه ,, ولكن ان كان مجرد وقت غضب وماقدر يمسك نفسه اذن عليك تقعدين معاه وتكلمينه بكل هدوء وتصارحينه باللي يضايقك وطبعا انا اشوف ان الاعتذار لازم يصير من الطرفين والسبب انه زوجك حس انك استصغرتيه بصراخك عليه وهو ضربك ...

انا حطيت نفسي بمكانك وهاذي خطواتي في حل هالمشكلة ,, اولا: ابدا ماراح اجيب سيرة بيت اهلي لان المكان اللي انا عايشة فيه معاه تحت سقف واحد صار من حقي وحق ابنائي وبدل ما انا اطلع خليه هو اللي يطلع مافي مشكلة ! ولكن بيتي ما اتركه وهو حر ,, ثانيا : بزعل شوية وبطنشه وبخليه يحاول يراضيني شوي عشان يعرف ان الله حق ,, ثالثا : بعد ما اخليه فترة ( 3 ساعات كحد اقصى ) اذا كلمني اكلمه عادي وبعد ابين له زعلي باسلوب لبق وواثق ,, رابعا : اذا حاول يعتذر ( بالكلام او الحركات ) راح اقبل وانا بعتذر منه بالمثل اذا كنت سببت له اي مضايقه او استفزاز بذاك الوقت وافهم منه سبب الانزعاج وافهمه وجهه نظري بكل هدووء وطبعا اصارحه بموضوع الضرب وانه ازعجني كثير وحز بخاطري وماكان الشي متوقع منه ....

اختي الحبيبة ,, اسلوب وطريقة ايصال الموضوع له تأثيير كبيييير ... كثير مننا احنا النساء يكون اسلوبنا استفزازي بالنسبة للرجل في حين ان احنا مانقصد انه نكون جذي فانتي اللي عليك دام انك عرفتي الاسلوب اللي يزعج زوجك انك تحاولين تتجنبين هالطريقة بالمستقبل وحاولي تغيرينه لاسلوب آخر بحيث انه تساعدك بالاقناع او ايصال الفكرة لزوجك بشكل افضل ...

وربي يسعدكم ويوفقكم ان شاء الله ويبعد عنكم الزعل وترجعون مثل قبل واحسن ان شاء الله ,,,

مشكورين حبيباتي ماقصرتون جزاكم الله الف خير

حبيبتي لااااازم تقعدين معاه وتفهمي انو الي هو سواه غلط كبير عشان مايكررها واعتذري منه وقوليله انا غلطت لمارفعت صوتي بوجهك وتفاهموسوا ولاتروحي لأهلك والله يهدي سركم وترجعون احسن من قبل وكلها حياتكم سعيده يارب

صحيح اذا رحتي لاهلكي ماراح تنحل المشكلة راح تكبر
واذا زوجك انسان جيد ويحبك راح يقدر هذا الشي ويندم عالضربة
بس حسسي زوجك ان الشيء اللي سواه مو عادي
لان اذا صالحتيه بسرعة يشوف الضرب شي عادي ويكرره

الحل بسيط بعد ما تهدى نفسك شوي اطلبي منو اتروحو رحلة لمكان هادي و خبريه باحاسيسك و افتحو صفحة جديدة