هكذا كانت ردة فعل خطيبي بعدما تغير أسلوبي معه بسبب إهماله..!

السلام عليكم ورحمه الله ، انا مملكه ولي سنه وسبع شهور وانا مملكه ومابقى على زواجي الا القليل ان شاء الله ، مو هنا مشكلتي 'المشكله ان زوجي صاير يتعامل معي بجفاء لا اسمع منه كلام حلو ابدا ‘ انتم تعرفون بطبع الانثى تحب من زوجها انه يحسسها بأنوثتها ' انا عكسه كل يوم اغير من اسلوبي بالكلام مره حبيبي ومره عيوني يعني ما اناديه بأسمه ابدا وينبسط على اسلوبي يحب يسمع لكن مايحب يقول ' ابوه متوفي له سنه وقالي انا طبعي تغير بعد وفاه ابوي قلت له يعني طول عمرك بتظل متنكد كذا وتعيش حياتك بحزن مايصلح كذا لان الشي اللي تسويه مارح يرجع لك ابوك ومايجوز الحزن فتره طويله ،اسلوبه مع اصدقائه واهله يكون زي العسل بس معي يكون اسلوبه جاف' هو مايقصر معي ولا راح انكر ' لكن ماحب اسلوب الجفاء ،مو بس هنا ايضا يوم اختار اثاث الشقه واللون يجيني بعد كم يوم يقول اخترت لون ثاني قلت ليه مو عاجبك اللي اخترته ' يقولي اخذت راي خواتي ' قلت له بنبره صوت عاديه من اللي بيسكن بالشقه انا ولا اهلك ‘اهلك على العين والراس لكن ليه تغير اللون وشكل الاثاث بالاخير انا اللي بسكن فيه موب اهلك يعنى خواتك مايرضن ان اي احد يتدخل بلون اثاثهن،كل ما اختار شي يجي ثاني يوم يغير رايه ،صرت ارد عليه اذ اخذ رايي اقوله اختار اللي يجوز لك الراي رايك ' يجي يقول الراي رايي ورايك ' شلون الرايي رايي وانت تغير رايك بالشي اللي عاجبني ' واذا كنت متضايقه من اسلوبه وارد عليه برد بارد مايعجبه طيب وش اسوي اذا هو مايقول حتى الكلام الحلو '' غصب عني اذا عصبت منه او كان اسلوبي خشن بسبب تعامله معي