آنة زعلانة عليكم يا بنات:confused: محد عطاني وجه و قالي ايش اسوي حق شعري:down:
انا ما ابي اروح للدكتور لأنة بيعطيني اشيا فيها كيماويات و انا ابي شي طبيعي:shy:
بليييييييييييييز بنات نقذوني من البلوة اللي انا فيها:sad:
-
آنة زعلانة علييكم حيييييل
-
وش هي مشكلتك
وإلي ماعطاك وجهه يمكن مسكين ماعنده وجهه أصلا لا تشرهين عليه
2222
-
مشكلتي الله يسلمج إنة شعري مرررررررررررررررررة دهني و خفيف يعني لمن اغسلة بالنهار يزيت باليل :sad:
ابي دوا طبيعي يحللي مشكلتي:shy: -
والله ياحبيبتي هاذي نفس مشكله زميلتي
أسفه ماأدري وش حلها -
حياك عزيزتي معانا..
وحنا مانرضى احد يزعل علينا ..
إبشري برضاك ...
بالنسبة للشعر الدهني فيه له أكثر من طريقه .. إما بإستخدام العلاجات اللي كتبها لك الدكتور أو تستخدمين الخل بعد كل ترويشه .. يعني تخفيفين ملعقة خل بكوب كبير من الماء وتشطفين شعرك فيه .. هذا ممكن يخفف من الدهون في الشعر.
وفيه بعد بعض الزيوت ممكن تجفف الشعر .. مثل زيت اللوز .. بس أنا ماافضل إستخدامه لانه ممكن مايجيب فائده كبيره ..
والأفضل إنك تكملين علاج الدكتور , لان إن شاء الله مالها خطورة هو علاج سطحي خارجي .. وممكن يكون أثره أكبر ..
تحياتي لك
-
مشكوووووورة يا شوكولاتة ما قصرتي:shy:
انشالله باتبع نصيحتك و بخبرك إذا جاب نتيجة
-
نفس مشكلتي :confused::confused:
-
ليه الزعل :rolleyes:
نفس مشكلتي شعري أغسله اليوم واليوم الي بعده يزيت . :confused:
أنا صرت ما استخدم زيوت لاني سمعت اخصائي يقول انا ضد الزيت إذا كان الشعر دهني. وأناأغسل شعري بسدر بدل الشامبو .أخذت أسبوعين وشعري مايزيت الا بعد 3 ايام . -
مرجانه وانا زيكم
قولك يعني اغسله بسدر؟؟؟؟؟؟؟؟
بس كيف الطريقه -
مرحبا سارونة..
بأسألج حبيبتي .. انتي كم مرة تغسلين شعرج بالاسبوع؟؟؟؟
عن نفسي كنت اغسله زمان كل يوم .. وعشان جذي كان يزيت اليوم الثاني على طول .. لكن يوم بديت اغسله يوم بعد يوم تعود شعري على جذي وما صار يزيت بسرعة.
يعني مثلاً اذا غسلته يوم السبت اخليه يوم الأحد وعقب اغسله يوم الاثنين .. وما يزيت الا في اليوم اللي المفروض اني اغسله فيه اللي هو يوم الاثنين .... جنه يحس بموعد الغسل :smile:
بالنسبة للشعر الخفيف .. انا بعد شعري خفيف وايد .. واستخدمت مرة الثوم لمدة ست اسابيع بمعدل مرة كل أسبوع .. كنت أدق راس ثوم كامل واخلطه مع مجموعة زيوت (ممكن زيت زيتون ـ خروع ، جرجير ، جوز الهند ... إلخ) .. طبعاً كمية الزيوت تكفي الشعر في المرة الواحدة .. واخليه على شعري لمدة ثمان ساعات أو أكثر حسب وقتي .. وعقب اغسله .. والحمدلله كان مفعوله زين.
وحالياً أستخدم الجرجير .. أييب حزمة جرير واخلطها في الخلاط مع خمس ملاعق حبة بركة مطحونة وربع كوب زيت جوز الهند وربع كوب زيت السمسم وأحياناً احط خروع .. واحط منه كل كم يوم حسب وقتي .. وبعد مفعولة ممتاز جداً.
تحياتي -
صديقاتي قالولي اسوي تدريب قاسي لشعري و ما اغسلة إلا في الأسبوع مرة عشان يتعود و يصير ما يزيت...و عملت بنصيحتهم بس ماظن تبغون تعرفون كيف كانت الريحه!!!:o
حبست نفسي بالبيت اسبوع كامل!!!
و يوم جيت بروشة بالنهار.........زيت باليل!!!!:cry:
مادري والله يا بنات ايش اسوي..والله شعري معذبني بحياتي..احس نفسي دايما وصخة:down: -
السلام عليكم
مشكورين على النصايح ياحلوين
-
نتبهي تتركينه يزيت ترى رح يتسااااااااااااااااااقط بجنون
انتبهي
حاولي بالخل او الليمون على فروة الشعر
واغسلي بالسدر
انا ناويه اطبقها
لانها افضل شي وصلت له
بس لو تقول لنا الاخت كيف نغسله بالسدر:confused: -
هلااااااا بنااااااات
سارونا ولايهمج عندي لج طريقه لمشكلتج :smile:
تاخذين حوالي ملعقه ولا ملعقتين من السدر المطحون ( البودر ) وتخلطينه مع كمية الشامبو اللي بتستخدميه لغسيل شعرج وتخففينه بشوي ماي .. وبعدين تغسلين فيه شعرج عادي ( طبعا بتكونين خالطه السدر مع الشامبو والماي بكوب ) واهم شي لاتستخدمين البلسم بعد الشامبو ولا تستخدمين اي نوع من الزيوت لان شعرج ينتج هالزيت يعني انتي مو محتاجه تضيفين زيت ( على فكره هالزيت اللي مضايقج احسن من الزيوت والخلطات اللي نجيبها من الاسواق ) بس يعتبر مشكله اذا زاد افرازه بالراس ...
في طريقه ثانيه بس ماتنفع اذا كنتي تصبغين شعرج
الطريقه الثانية تحنين شعرج ... معروف عن الحنه ينشف الشعر بس اذا كنتي تصبغين شعرج تحملى تحنينه ترا مو زين ...
برايي تستخدمين السدر مع الشامبو احسن من الحنه واسهل بعد ( بصراحه لما اغسل شعري عن الحنه تطلع روحي عشان جذي مااحب احنى شعري وايد ) والطريقه مجربه ( السدر ) يعني تخلي الشعر بعد ماينشف حلو وتحسين بنظافته والاهم تحسين صاير غليظ لان الشعر تباعد عن بعض ( قبل كان ملزق على بعض من الدهون اللي فيه ) ...
اتمنى اكون ريحتج اشوي ....
اختج نوارة قطر -
مشكورين على النصائح وريبي يخليكم :smile:
موقع و منتديات عروس