احسن دكتور اطفال انابيب ؟

هلا والله أختي ، كأنك تقرين أفكاري ، وتوني الحينه بنزل نفس الموضوع

هل ينفع بحالة ضعف الزوج أطفال الأنانيب ؟ لأن زوجي نفسيته تعبانه وتوه اقتنع بسالفة الانابيب واسأل عن الدكتورة الممتازة ؟ هل الدكتورة فوزية او الدكتورة ماجدة اليتامى ؟ لأني اساسا رافضة طبيب رجل

والله يرزقك يا أختي بالذرية الصالحة وجميع المحرومين يارب

د فوزيه يمدحونها .. بس لا تسوين الانابيب ماراح تنفع سوي الحقن المجهري

الله يوفقج

د. فوزيه القطان عن تجربه

انا سوييت حقن مجهري عند ماجده اليتامى و الحمدالله انا حامل الحين

بس صديقتي ريلها وايد عنده ضعف سوت عند منصور العرف

والله حبوبه اهي لا ماجده ولا فوزيه و لا منصور كله بامر الله

انا اقولج اهم شيء تسوينه انج تكثرين من الصدقات بنيه الانجاب و الشفاء و تسوين لج كافل يتيم …و الاستغفار ما يطيح من حلجج و لا من حلج ريلج

و الدعاء بالسجود و انتي واثقه ان الله راح يستجيب لج و تدعين باصعب شيء ( مثل اللهم ادخلني الفردوس الاعلى بغير حساب )

لان من آداب الدعاء تطلبين من الله اقصى شيء تتخيلينه لان ما في شيء صعب على ربنا سبحانه ..

انا كنت دايما ادعي اللهم ثبت اجنتي و ارزقني الذريه من حيث لا احتسب

و عند الترجيع دعيت ( اللهم باسمك الاعظم الذي اذا دعيت به اجبت ان تثبت اجنتي كما ثبت السماء بلا اعمده و ترزقني الذريه كما رزقت زكريا بيحيى يا حي يا قيوم يا واحد يا احد)

و صدقيني الله ما راح يخيب ظنج ان شاء الله

مشكوووووووورين يابنات على الرد والتجاوب واختي اللي سوت حقن مجهري الف الف مبرووك والله يتتملج اياه وتقر عينج بشوفته ان شاء الله بس ابسألج بعد الترجيع مارستي حياتج عادية ولا كل مرتاحة ؟ وشلون على الجماع انا الدكتور شككني يقولي عادي الجماع ؟