جم تكاليف طفل الانابيب؟؟ ضروري

السلام عليكم




بنات بليز اللي سوت طفل الانابيب اتقولي جم كلفها وعند منو سوته؟

وانجحت العملية ؟

لاني ناويه ان شاءالله اسويها وخايفه :0bee2e8d89:


الله يرزقنا اجمعيين

تكاليف العملييه
حق المستشفى 950
والمراجعات والابر والسونار عندج من00 3 الى 500
يعني 1500 دينار عشان تكونين بامان
والله يرزقج ياارب
في موضوع كامل عن الحقن المجهري والبنات كاتبين تجاربهم
في اللي الله رزقهم توائم
تفااائلي وان شالله خير

انا سويتها عند ماجده اليتامى و الحمدالله انا حامل و الفال لج ان شاء الله تحملين بدون علاج

منظار رحمي 180 + 90 تنظيفات

السحب 750

الترجيع 150

الادويه و التحاليل و المراجعات تختلف من وحده لوحده .....بس اذا بلشتي الابر التنشيطيه سونار متابعه التبويض 40 او 50 مره وحده

تدفعينهم و كل يوم تروحين يشوفونج ....

و ان شاء الله لما تحملين يمكن تحتاجين عمليه ربط 250

و ان شاء الله تبشرينا بحمالج

اهم شيء الدعاء و الاستغفار و الصدقات ما اوصيج على النفسيه الحلوه انتي توكلي على الله و ان شاء الله ما يخيب ظنج

empty_heart قال:

السلام عليكم




بنات بليز اللي سوت طفل الانابيب اتقولي جم كلفها وعند منو سوته؟

وانجحت العملية ؟

لاني ناويه ان شاءالله اسويها وخايفه :0bee2e8d89:


الله يرزقنا اجمعيين

أنقر للتوسيع...

ضى الايمان


اول شى يا عمرى عسى الله يرزقج باللى يبرد قلبج ويبر فيج ويرزقنى ويرزق كل محروم ومحرومه منهم اللهعمي امين يا ارحم الراحمين 000

بعدين يا عمرى اذا بتسوينها فى سوريا ترى وايد رخيصة يعنى اذا بتحسبينها مع السكن والعلاج بتطلع عليج تقريبا 3000 دينار وعسى الله يرزقج يا عمرى ويفرح قلبج انشاء الله بالذرية الصالحه امين يارب 000 واذا تبين اسم الدكتور وعنوانه عطينى خبر عشان ادزه لج على الخاص وعلى فكرة وايد ناس الله رزقهم على ايد هالدكتور بعد الله

حبيبتي انا سويتها بمستشفى السلام عند صلاح الاشنيهي والحمدلله فشلت وكلفتني مع الابر والكشفيات والسونار والعمليه كامله سحب وترجيع 1300

انا عند فوزيه القطان
السحب +الترجيع
750
والادويه اخذتهم من الصباح

الله يرزق كل محرومه ان شاءالله

امييييييييييين يارب العالميين

حبيبتي أنا سويتها في الأردن كلفتني العملية مع العلاجات والمراجعه والإبر والسونارات 1000 دينار كويتي

مصاريف وإقامة مجانا للإنه في بيت أهلي نزلت لكن البلد مو غالية يعني لو قعدتي شهر ونص - مدة العلاج- ممكن تتكلفي تقريبا 500 دينار كويتي بعد
وأي سؤال أنا حاضره

حبيبتي انا سويتها عند ليلى اشكناني

الابر والادوية والمراجعات تقريبا 500 دينار

والمستشفى خذوا مني 900 دينار

يعني المجموع 1400 دينار

وادعيلي انشالله اكون حامل يارب يرزقج ويرزقنا الذرية الصالحة القريب العاجل

حبيبيتي انا سويتها بمستشفى السلام من 4سنين-- موذاكره بالضبط جم المبلغ سحب وترجيع بس اذكر المجموع 1500تكفيج انشالله-وانا سويتها عند محمود المطاوعه اهو بعياده بس سوالي اياها بالسلام وصرفلي الادويه من الصباح--بس بعدين سويت ربط ب250--يعني قولي تحتاجين 1800مع الربط--والحمدالله نجحت والله رزقني بتوائم والله يرزقج ويرزق كل محرومه ويفرح قلبها يارب

حالياا اختى بمستشفى الراشد عند دكتور مدحت الشربيني على 700 دينار مع الادويه يطلع لج 1000 دينار

الله يسهل لج امورج ويرزقج بالذرية الصالحه

انا تونى فاره عليهم

دار الشفا 1400 شامل كل شى

لندن كلينك 2700 شامل كل شى

رويال حياة 1500 شامل كل شى

وليش تدفعين الله يخلي الحكومه سوي كتاب علاج داخل الكويت وراح يتكفلون بالعلاج والادويه لحد الحمل انشالله

اللي تبي اعلمها شلون تسوي الكتاب انااااااااااا حاضرة بس ادعلولي ياخواتي

الله يجزاج الجنه انا سويته وماشيه في العلاج الحين