حنّا بني مالك هل الطيـب والجـود
مانلتفـت للـي يــدّور نشـابـه
كانه لفانا ادخيـل مـاراح مـردود
نجبر به الخاطر ونحـوي مصابـه
مانحسب الآيام والبيـض والسـود
تشهد لنا خنـدف وتشهـد شبابـه
ولانلتفت للهذر والحكـي والـزود
واللي سـأل عنـا تجيـه الاجابـه
يشهد لنا الماضي تواريخ وعهـود
لجـدادنـا تاريخـهـم ينتخـابـه
وافعالنا تشبـه بواريـق ورعـود
والسيف وقت الجد يعرف نصابـه
تاريخ دايـم للزمـن دوم ممـدود
انشد عن الملـك شبـاب وشيابـه
عدونا دايم لقـى المـوت مـورود
افعالنا نجماً سـرى فـي شهابـه
حنا هل التاريخ والمجـد والفـود
وحنأ مطر يوم الخلايـق سحابـه
نكسر عصى الغلطان والشين مردود
واللي تحدى يشتكى مـن عذابـة
مقرود حظ اللي بغى الشر مقـرود
دون الديار المـوت قلنـا هلابـه
نتناقل البلجيك صبي(ن) مع عـود
والرمي نعرف روغته من صوابـه
وفعلنـا مـازال يذكـر ومشهـود
من عهد تاريخ النبـي والصحابـه
اهل الكرم ماهو من الناس مجحود
تاريخنا بين العـرب يقتـدى بـه
واللي يسوي له مع الناس منقـود
لا بد مـا يتعـب ويلقـى حسابـه
دايم يقولـون ان مافـات مطـرود
وانـا بقـول ان الليالـي تشابـه
ومن عدانـا لاقبلنـا لـه اشـرود
نسري مـع ليـلاً وذيبـه عوابـه
حنا بني مالـك مواثيـق ووعـود
واللـي يعادينـا بنجـزل ثـوابـه
وقتاً مضا ياليـت بالمجـد ويعـود
ويجتمع شمـل الاهـل والقرابـه
وينفتح باباً لـه اسنيـن مرصـود
ونبصرالدنيـا وننسـى الغـرابـه
وانا لو ابذل عندكـم كـل مجهـود
مانـي موفّـي حقكـم بالكتـابـه
والله لو نعطي الشعر طرق ونشود
والا نّعـد الـكـون والا تـرابـه
والله مانوفـي لكـم شـي بالكـود
من يطفي النيران والكـون شابـه
تقبلوا تحياتي
person
الثلاثاء مايو 17, 2011 8:50 am
من طرف الجوري
